سلك بوجيهات نوبيرا 2 + جوان غطاء التاكيهات

**ahmedelwan** · 25-06-2009 11:06 AM

السلام عليكم ورحمه الله وبركاته

برجاء افادتي بنوع و مكان اشتري منه سلك بوجيهات للنوبيرا 2 .. لانه مش بيكمل عشره الاف كيلو و بحس ان خامته اي كلام

و بالنسبه لجوان غطاء التاكيهات مش بيعمر كتير .. وجربت انواع كتيره .. هل ينفع اغير الهيد البلاستيك بالالمونيوم بتاع نوبيرا 1 ؟؟ لان مهما حطيت مع الجوان سيلكون حراري برضه بيسرب زيت

شكرااا

جزاكم الله كل خير

**mmahermf** · 25-06-2009 11:18 AM

عند أبو الحسن في بين السرايات شارع المرور (مرور الدقي) وهو عنده الأصلي gm ب55 جنيه لأني شاريه يوم 2 في الشهر الحالي وبالنسبة للجوان هات النوع التخين ويفضل عدم وضع سيليكون ان أمكن وتحط جمالاكا بس وحتلاقيه عند أبو الحسن

**nemnem** · 25-06-2009 11:20 AM

انا كمان لسة مغير جوان غطاء التاكيهات من اسبوع و حطيت مع الجوان سيلكون حراري و فوجئت امبارح انه برضه بيسرب زيت
و مش عارف اعمل ايه .... اروح اتخانق مع الميكانيكى ولا اجيب جوان تانى ... فيه ناس قالتلى ان فيه جوان تخين و كمان فيه واحد اصلى ....

ياريت حضرتك تقوللى ركبت ميين فيهم و كان تمنه كام وجاب زيت بعد كام يوم

ولو جربت انك تغير الوش كله ياريت تقولى عامل كام و فيه انواع ايه منه علشان انا مش عارف اعمل ايه

**mmahermf** · 25-06-2009 11:33 AM

المشاركة الأصلية كتبت بواسطة nemnem

انا كمان لسة مغير جوان غطاء التاكيهات من اسبوع و حطيت مع الجوان سيلكون حراري و فوجئت امبارح انه برضه بيسرب زيت
و مش عارف اعمل ايه .... اروح اتخانق مع الميكانيكى ولا اجيب جوان تانى ... فيه ناس قالتلى ان فيه جوان تخين و كمان فيه واحد اصلى ....

ياريت حضرتك تقوللى ركبت ميين فيهم و كان تمنه كام وجاب زيت بعد كام يوم

ولو جربت انك تغير الوش كله ياريت تقولى عامل كام و فيه انواع ايه منه علشان انا مش عارف اعمل ايه

أنا مركبتش الجوان بس قرأت عنه في المنتدي والمستشار/ محمد ممدوح نصح بالتخين ويفضل عدم استخدام السيليكون ويكفي الجمالاكا واعتقد ده في حالة أن الغطا سليم ومستوي مش مقفع وده يبان معاك لما تفكه وتحطه على سطح مستوي ومالبش معاك من أي طرف لما تغغط عليه.

**ahmedelwan** · 25-06-2009 12:24 PM

المشاركة الأصلية كتبت بواسطة mmahermf

أنا مركبتش الجوان بس قرأت عنه في المنتدي والمستشار/ محمد ممدوح نصح بالتخين ويفضل عدم استخدام السيليكون ويكفي الجمالاكا واعتقد ده في حالة أن الغطا سليم ومستوي مش مقفع وده يبان معاك لما تفكه وتحطه على سطح مستوي ومالبش معاك من أي طرف لما تغغط عليه.

جزاك الله كل خير ..

بالنسبه للجوان ان شاء الله هنزل ش دمشق واجيب الجوان التخين .. بالنسبه للسلك انا جبت ال gm ب 55 وهو ده اللي مشكلتي معاه مش بيعمر كتير

عاما الف شكر لردك