مهازل التقفيل المصرى ومراكز الصيانه

**amrico** · 27-06-2009 05:40 PM

قصة تدل على التصنيع الهايف اللي مالوش لازمة

**khaled nada** · 27-06-2009 05:49 PM

ربنا يعينك واعملهم قضية و أتصل بجهاز حماية المستهلك و أفضحهم واعملهم مشاكل بدللاقدر اللة متكون ذى نوبيرا جاردن سيتى .

**tutankhamoun** · 27-06-2009 06:15 PM

العيب ده لو من عربية مش مصنوعة في مصر مكنش حدا قال كلمة على البلد اللي صنعت العربية خصوصا لو ألمانيا او اليابان .

فيه موضوع في قسم المرسيدس ...... واحد شاري عربية مرسيدس ب نصف مليون جنيه مصري ..... يعني تشتري مش أقل من 7 عربيات دايو نوبيرا .

و من أول 800 كم فقط ......... جابت موتور ....... و عربية موتورها ألماني و مرسيدس يعني مش أي ماركة .

أنا مش بقول أن التقفيل المصري 100 % و كله تمام .
أنا مقصدي أن أحنا ممكن الدنيا تقوم و لا تقعد على حاجة بسيطة في عربية مصري .
إنما لو ألماني ...... و جابت موتور ........ مش بنفتح بوقنا بكلمة .

--------------------
--------------------
أنا مقدر شعورك أخي الكريم على الوقت الضائع و فرحة العربية الجديدة ....
بس صدقني علشان كدا أي شركة في العالم ..... بتديك ضمان علشان خاطر عيوب الصناعة اللي موجودة في أي شركة في العالم .
من أول المرسيدس ..................... لغاية أي عربية صيني .

و الحمد لله أن المشكلة أتحلت ....... و الموضوع أنتهى و العربية رجعت زي ما كانت
و ربنا يباركلك فيها و يحفظك منها و يحفظها لك .

و يعلي شأن بلدنا ............ و بلدان العرب و المسلمين .

**tananybasha** · 27-06-2009 10:55 PM

طيب صاحبى اشتراها و لقى فيها عيب حلو قوى جوان وش السلندر بعد 100 كم ضارب و عايزه جوان و وش سلندر و خراطه و فضلت مرميةفى التوكيل لحد ما رفععلهم قضية و كسبها و مرضيش ياخد عربية تانى و خد فلوسه و تعويض مماثل و 2001 جنيه تعويض مدنى مؤقت بس الكلام ده قعد سنتين

**samcar** · 29-06-2009 01:30 AM

المشاركة الأصلية كتبت بواسطة tutankhamoun

العيب ده لو من عربية مش مصنوعة في مصر مكنش حدا قال كلمة على البلد اللي صنعت العربية خصوصا لو ألمانيا او اليابان .

فيه موضوع في قسم المرسيدس ...... واحد شاري عربية مرسيدس ب نصف مليون جنيه مصري ..... يعني تشتري مش أقل من 7 عربيات دايو نوبيرا .

و من أول 800 كم فقط ......... جابت موتور ....... و عربية موتورها ألماني و مرسيدس يعني مش أي ماركة .

أنا مش بقول أن التقفيل المصري 100 % و كله تمام .
أنا مقصدي أن أحنا ممكن الدنيا تقوم و لا تقعد على حاجة بسيطة في عربية مصري .
إنما لو ألماني ...... و جابت موتور ........ مش بنفتح بوقنا بكلمة .

--------------------
--------------------
أنا مقدر شعورك أخي الكريم على الوقت الضائع و فرحة العربية الجديدة ....
بس صدقني علشان كدا أي شركة في العالم ..... بتديك ضمان علشان خاطر عيوب الصناعة اللي موجودة في أي شركة في العالم .
من أول المرسيدس ..................... لغاية أي عربية صيني .

و الحمد لله أن المشكلة أتحلت ....... و الموضوع أنتهى و العربية رجعت زي ما كانت
و ربنا يباركلك فيها و يحفظك منها و يحفظها لك .

و يعلي شأن بلدنا ............ و بلدان العرب و المسلمين .

سيدى الفاضل - ليه ما كملتش اللى حصل لصاحب المرسيدس ؟؟؟
هل لمل لتصل بالشركه قالوا له تعالى انت
هل لما راح يصلح العيب ما سالوش وقلبوا الدنيا علشان يعرفوا السبب؟
هل الشركه ما عوضتوش عن وقته والمقلب اللى حصل ؟؟؟
زى ما قلت العيب وارد حدوثه - علشان كده فى ضمان
الاهم من الضمان انك تهتم بالعميل وتهتم بمنتجك
هل ازعل انا لو منتج بلدى جيد - المشكله ان منتج بلدى سئ واللى بينتجه مش همه غير المكسب

**SAMEH_FOUAD** · 29-06-2009 03:10 PM

نظرا للازمة المالية العالمية والمتضررة فيها شركات السيارات اكثر من اى شركات اخرى ,هتلاقى جودة الخامات والتقفيل وقلة العمر الافتراضى لقطع غيار السيارات موجودة بكثرة وفى كل شركات العالم ,ومثال ان اكتر من خمس سيارات لامبورجينى وفيرارى موديلات 2009 تم اشتعالهم من تلقاء نفسهم وانفجروا تماما بعد فقط خروجهم من المصنع كحد ادنى نصف ساعة (30 دقيقة) وكحد اقصى عشر ايام ,فدة يدل على ان الواحد يخلى بالة كويس جدا وهو بيشترى عربية جديدة وياخد بالة من ادق التفاصيل انت مش بتدفع 100 جنية دول مثلا 100.000 جنية او اكتر او اقل او حتى كمان لو جايب عربية ب50 الف
لان فعلا ربنا يسترها علينا لا الشركات بدات تقلل فى جودة الحاجة بصورة ملحوظة جدا ومع تقليل العمالة كمان فكل شىء لازم يتم انجازة بسرعة مع العدد القليل دة هايساوى (اخطاء,سوء تقفيل,احيانا نسيان اشياء من السيارة)وحصلت فى سيارة افيو 2008 قدامى وكانوا ناسيين اجزاء فى الباب مش مركبينها وصاحبها عرف وهو بيركب الانذار والسنتر
فالحمد لله ان مشكلتك جت على قد كدة والف مبروك وربنا يباركلك فيها
وعلى فكرة العربية موديلها 2009 لان مافيش نوبيرا 2008 اخر موديل منها كان 2007

**samcar** · 30-06-2009 01:11 AM

يا جماعه القصد من نشر الموضوع توضيح فكرة اننا بنعمل الحاجه ومنتمهاش - سيدى الفاضل انا اصلا مهندس اعرف كويس قوى اهمية التصنيع لاى دوله لكن تصنيع من غير ضبط جوده يبقى تهريج - ولو اتصفحت مواضيع المنتدى امام كل شكوى من منتج اجنبى حتلاقى 100 من المنتج المصرى - كون ان ماجدش علق على خطا شركة مرسيدس ده لانها شركه وبلد اتعرف عنهم تقديس الجوده والتحسين
انما احنا للاسف وزى ما قلت الهدف اننا نقول ان عندنا صناعه- فاكريين شعار من الابره للصاروخ - اخرتها كلهم استوردناهم من الصين

وانا مش بنتقد التوكيل بس انا بانتقد المصنع - لانه للاسف العربيه اصلا كان لها سمعه جيده وهى تقفيل بلدها - دلوقت ورغم ان كتير حذرونى من التقفيل المصرى لكن اخدتنى الشهامه شويه وقلت اهو قرش يقعد جوه البلد شويه - مش حنطور ابدا لو قعدنا نقول ما حنا زى الفل اهو وغيرنا بيغلط برضه - غيرنا سبق وبنا سمعه احنا للاسف بنعمل سمعه سيئه