الموضوع: كل اللي ممكن تقروه عن الجين 2

المشاركة الأصلية كتبت بواسطة solyelissa

استاذ ايمن انا لسه عامل صيانه 5000 رغم اني لسه ما وصلتش ليها انا ماشي بالعربيه 4000كم وقلتلهم علي موضوع العفشه وقالولي ربطنها و كلو تمام بس هي زي ماهي انا لو مشيت في طريق مدغدغ او خت مطب مثلا بسرعه زياده بسمع صوت هبده زي ما تكون الشنطه مفتوحه انا بقربلك الصوت عامل ازاي يعني ده اللي بشتكي منه وكمام صوت المتور بس ده اتعودت عليه والفرامل وقالولي هي كده كويسه مع ان سايس الجراج الي بركن فيه لما لقاني رايح التوكيل قالي قولهم على الفرامل علشان ضعيفه قلت يعني ده مش تهيؤات مني
موضوع الصيانه انا من اسكندريه مش من القاهره و مش عارف فيه في توكيل اسكندريه ولا لا و عوموما انا لسه عمل صيانه 5000 ولو رحتلهم تاني اكيد حيقوللي برضو كلو تمام و مافيش حاجه انا رائي في توكيل اسكندريه انه ينقصه خبره واهتمام اكثر بالعميل و كان فيه 3 عربيات جين 2 وكان رايهم كده برضو وقالولي توكيل مصر احسن 100مره وكان فيه واحد قالوا له حنخرطلك الطنابير طبعا رفض وراح توكيل القاهره غيروهم له بطنابير جديده وعايز اضيف ان اراء الناس الي قابلتهم في التوكيل بتختلف في حاجات عن اراء اصحاب جين 2 هنا في المنتدي ...شكرا لردك وتقبل تحياتي

بخصوص وجود الوفد الماليزى .... فهو هيكون موجود ان شاء الله فى كل مراكز صيانه التوكيل المعتمده.

ومادام حضرتك فعلا فى توكيل الاسكندريه مش عارفين يحلوا المشاكل ... ياريت تيجى توكيل القاهره ...

معلش هتكون مره ... بس ان شاء الله يضبطوا الموضوع

-------
واظن ان الفرامل عند حضرتك عاديه ... لان الفرامل فى الجين فعلا ليها طريقه وناس كتيره بتحس انها خفيفه.
-------

لو حضرتك حاسس ان توكيل الاسكندريه مش عارف يحل حاجه ... ياريت تحجز صيانه فى القاهره ...

وهناك وحضرتك بتسلم العربيه تطلب من المهندس يطلع يعمل معاك تيست ... وتسمعه كل الحاجات اللى بضايقك

وبعد الصيانه تطلع باردوا وتشوف المشاكل اتحلت ولا لا...

وان شاء الله كل المشاكل اللى عندك تتحل بإذن الله.

---------

وياريت بعد الصيانه تطمنا على الاخبار

تقبــــــل تحيـــــــــــــــاتـــى

الاخ صاحب الموضوع

تقرير حضرتك محترم جدا ومميز
والف مبروك على العربيه وربنا يباركلك فيها ويبعد عنك شرها

تحياتى

ىا جماعه 1000 شكر و جزاكم الله خىر و انظروا تقرير بعد ال 1000