الموضوع: كيا كارينز

المشاركة الأصلية كتبت بواسطة ak1981

و اللوجان mcv برضه

+1111111111111111111

[quote=ahmedrefatzm;935164]اخى الحبيب .. للافادة لاننى كنت مولع جدا بموضوع شراء سيارة عائلية 7 راكب
اولا بالنسبة للمبلغ المقترح من حضرتك وهو 120000 تقريبا لا يوجد لديك سوى التويوتا افانزا ولا انصحك فهى سيارة سيئة جدا واتزانها ضعيف جدا على الطريق وبالذات فى السرعات وكل من يمتلكها يندم ندما ذريعا .
اغلب الناس كان رايها كدا عن الأفانزا لما كنت زيك محتار اجيب ايه 7 راكب

المشاركة الأصلية كتبت بواسطة ahmedrefatzm

ثانيا الكارينز لا ينزل منها فى فئة ال 1600 7 راكب ولايمكن تركيب الكنبة الخلفية لها ولو حتى اشتريتها استيراد لان السيارة غير مجهزة ل 7 راكب يعنى لو حضرتك شوفت دى وشوفت دى ها تعرف الفرق وفى نفس الوقت الكرسى الوسطى غير مجهز للانطواء على نفسه لسهوله ركوب الراكب فى الكنبة الخلفية . غير ان مجرى الكنبة الخلفية غير متواجدة وكذلك مسند الظهر بالنسبة للكنبة الخلفية وكذلك احزمة الامان يعنى اجمالا صعب جدا .

انا لسه كنت في الغردقة و رحت التوكيل و سألت عن الكارينز و هل ينفع تشيل 7 راكب قاللي هي بتنزل 5 بس و صعب جدا انه يتركبلها كنبة خلفية تالتة و لو ركبت هتبقي ضيقة جدا و ما تشيلش الا اطفال صغيرين بس و هيبقوا متضايقين كمان من القعده فيها

المشاركة الأصلية كتبت بواسطة ahmedrefatzm

ثالثا الرينو اللوجان سبعة راكب كاملة اتوماتيك . جميع الكماليات ب 110000 ( تكيف وباور وسنتر لوك و4 زجاج كهرباء بس الخلفى منه مكانه رخم جدا فى الكنسول الوسطى بين الكرسين وروف راك وجنوط 15 اسبور واى بى اس و2 اير باج ) ده ما تذكره دلوقتى والسيارة فعلا واسعة جدا ورحبة ولكن لا عرف شئ عن استخدامها لانها لسه جديدة لم تظهر عيوبها ولكننى عنى نفسى ( حالة شخصية يعنى ) لا احب الرينو وكان فيه مثل زمان بيقوله الميكانيكية اللى معاه رينو ربنا يعينوه

و الله يا باشا انا معايا اللوجان حاليا و بسم الله ما شاء الله عربية ممتازة جدا و انا لغاية دلوقتي ما شفتش منها اي حاجة وحشة ( سحب كويس جدا و هي بكامل حمولتها و مع التكييف + عالية عن الأرض ما بتحكش في مطبات + واسعة بحر من جوا و بشيل فيها 3 افراد بالغين في الكنبة الخلفية و مرتاحين كمان و التكييف واصلهم كويس )
اي نعم لما بتشيل معاك 7 راكب بتنسي الشنطة و بتبقي حاجة كدا ممكن تشيل فيها شانطة هاند باج و لا بتاعت اطفال بس انا شفت واحدة في الغردقة واحد عاملها شبكة بطول سقف العربية و كان شايل عليا ييحي 4-5 شنط كبيرة والله و كانت العربية فول كامل من الداخل و ما شية تبارك الله زي الوحش و تقريبا كان مسافر القاهرة
انا من خلال تجربتي للعربية دي انصح اي حد عاوز 7 راكب يشتريها و هو مغمض و مطمن و يشتري ال 110 حصان الهاف اوبشن او يسال علي ال 110 حصان فول اوبشن و ابعد عن ال 90 حصان هتبقي ضعيفة بس مش عارف اللي بتنزل اتوماتيك دي 90 حصان ولا 110 حصان ؟؟؟

المشاركة الأصلية كتبت بواسطة ahmedrefatzm

اما بالنسبة للبيجو ال 307 اس دبليو فهى سيارة ممتازة بلا شك ولا غبار عليها بس فيه حاجة مستفزة اولا قطع الغيار غالية جدا جدا والصيانة بتاعة الوكيل رديئة وسعر الكنبة الخلفية من الوكيل 11000 طبعا مش ها تصدقنى بس اسأل ها تلاقى كلامى صح

انا معنديش فكرة عن البيجو دي بس اسمع انها مولعه نار في قطع الغيار

المشاركة الأصلية كتبت بواسطة ahmedrefatzm

اخيرا اجد ان الرينو افضل الاختيارات حسب المبلغ المتوفر لدى حضرتك ولكنى انصحك بان تضعه مقدم وتشترى التريوس 7 راكب الجراند تريوس ب 156000 وتدفع الباقى اقساط بس فعلا هو ده الاختيار الامثل والصفقة الرابحة السيارة كاملة اتوماتيك 2 ايرباج وفرامل ايه بى اس وزجاج فاميه وسبويلر خلفى وجنوط اسبور 17 وكاسيت سى دى ام بى ثرى وبصراحى السيارة ممتازة ربنا يوفقك الى كل ما يحب ويرضى ان شاء الله

التيريوس تقريبا 1500 سي سي مش 1600 سي سي و تقفيلها تقريبا اندونيسي من ياباني و بصراحة حرام ادفع 70الف جنيه زيادة و اللوجان خيار متاح امامي و اكيد هتكون اوسع من التيريوس
يا عم دا ال 70 الف الزيادة دي انت تعمل بيهم مشروع و لا تشتري عربية تاني بيهم

و في الآخر ربنا يوفقك و تختار اللي يناسبك