تحت امرك فى اى وقت يا استاذ محمد
عرض للطباعة
ما هو أصلا wd ......... مش ياباني !!!!!!!!!!!!
دي ماركة أمريكي صهيوني ..... دي أول نقطة .
النقطة التانية ....... أن أغلب ماركات و مكونات الكمبيوترات ذات أصل تايواني .....و الصين بتجمع لتايوان ....... و تايلاند بتجمع مكونات أمريكي زي الهارد ديسك .
الهارد الوحيد اللي كان بينزل ياباني في مصر زمان كان أسمه كوانتم .
و اللي ممكن تلاقيه دلوقتي ياباني و متجمع في بلد آسيوي تاني هو الهاردات التوشيبا الخارجية ( يو أس بي ) .
------------------------------------------------------------
------------------------------------------------------------
اللي حصل عندك ده ممكن يكون سببه حاجتين :
الأول وجودة مشكلة هارد وير .......و دي ممكن تكون بسبب حاجات كتيرة و مش شرط يكون العيب من الهارد ديسك نفسه .
الثاني و هو فيروس ...... بيعمل أعادة تهيئة كاملة و بيعمل حاجة أسمها تصفير للهارد ديسك .
و لو السبب التاني هو المسئول عن مشكلتك ...... رجوع بياناتك هايكون مستحيل .
و مش شرط تلاقي الفيروس ..... الفيروس أشتغل و عمل اللازم و أتمسح مع بيانات القرص الصلب .
طبعا أتمنى أنك تقدر ترجع بياناتك أو جزء منها
و أرجوا أن ده يعلمك حاجة مهمة قوي و هي ........ النسخ الأحتياطية .
ده اللي أنا أتعلمته بعد مشكلة فقد بيانات مهمة جدا ...... بس كان بسببي أنا .
شكرا لمشاركتك يا توت...
هي تجربة مؤلمة جدا و خصوصا لما تكون أول مرة زي حالاتي. بس مشاركت أخواني هنا في نايل موتورز أكيد بتفرق كتير... و كل واحد ليه مجاله و مع العدد المتزايد بتاعنا أكيد ده بيعمل فرق.
مش عايزك تاخد موضوع الياباني و اللي مش ياباني بحساسيه... بس فعلا أنا بفتقد دقة الصناعة اللي كانت موجوده أيام زمان في كل حاجه.
فعلا يا باشا تجربة مؤلمة جدا .خصوصا لو البيانات اللي ضاعت مهمة زي ملفات العمل .... أو صور شخصية صعب تعويضها .
ربنا يسهلك إن شاء الله تعالى .
-------------------------
-------------------------
بالنسبة لموضوع الياباني :
أنا مش واخده بحساسيه و لا حاجة ...... أنا مصري مش ياباني .
أنا بتكلم في نقطة مهمة و هي أن 90 % من ماركات الكمبيوتر في العالم مش ياباني أصلا .
يعني أغلب ماركات الهاردات ...... أمريكي و كوري .
الأمريكي زي السيجات و الويسترن ديجيتال
والكوري زي السامسونج .
آه ه ه ه ....... فيه هيتاشي ...... دي ماركة ياباني و غالبا هاتكون مصنوعة في ماليزيا .
و أنا قصدت أن أصلا عمر ما كان السوق المصري فيه حاجة ياباني أساسا ......
فالبتالي أنا حبت أوضح نقطة مهمة ...
هي صحيح ممكن تكون خارج الموضوع خالص و أنا بعتذر لذلك ........ بس هي نقطة مهمة في رأيي .
على فكرة أكبر بلد لها صناعة في الكمبيوترات هي تايوان و هي رائدة في هذا المجال .
شئ لا يُصدقه عقل .......
بما أننا في مصر معتبرين تايوان مرادف لكل ما هو تقليد .
و لكنهم في الكمبيوتر ........... رواد بجد .
مع تحياتي لك .
بعد محاولات مضنية لمده أسبوع... لم تنجح المحاولات في استرجاع الdata بسبب التشفير اللي معمول من الشركة على الهارد و بسبب ان أصلا الميديا بايظة (الابره بتكتك و صوتها أصبح مسموع جدا بعد العديد من المحاولات)
الحمد لله على كل شيئ و سعيد بأني طلعت بصديق جديد محترم من المنتدى العزيز... جالي مخصوص من سفر و حاول يساعدني بكل الطرق..... شكرا يا بشير و اتمنى ربنا يحل كل مشاكلك يا رب.