مش عارف... بس بجد انا عايز اروح لطبيب نفسي أو psychiatrist

بجد أنا زهقت
و مش عارف اعمل اية
و مش عارف اللي انا بعمله اصلاً دلوقتي دا صح ولا لأ ( اني اكتب الموضوع دا )

دماغي معقدة جداً و حاسس اني لازم اتكلم و اغير حاجات كتير مش عجباني.. حاجات في نفسي و اللي حواليا...
لسة مخلص الكلية و معنديش اي تفاؤل
مش عارف حاسس بجد ان مفيش أمل
مش عارف بجد المفروض اعمل اية؟

زهقت زهقت

كل ما اقول خلاص هتبقى احلى
الاقي كل حاجة باظت و الدنيا حواليا باظت اكتر .. اكتر اكتر

و اقرب الأصحاب خلاص حاسس انهم ما يستاهلوش اني أكون صاحبهم
حاسس اني كنت غلطان اصلاً اني صاحبتهم
حاسس اني مكاني مش هنا
حاسس اني عايز اروح كوكب تاني يقدرني
بجد مش عارف اقول اية
انا زهقت اوي .. و مش عارف بجد اعمل اية ولا اقول اية

حاسس انها نهاية الحياة
او بداية حياة تانية .. بأصحاب تانيين المفروض اعرفهم .. مش عارف اية دا

انا عملت اية؟
بجد زهقت ... بجد زهقت ... هل فعلاً الحياة كئيبة ولا انا اللي مزودها ؟
هل خلاص كدا .؟؟ بمجرد ما حياة الكلية تنتهى كل حاجة بتنتهى ؟
مش شايف حاجة تدعو للتفاؤل ...
عايز اهاجر
اعيش بعيد
حاسس ان كل حاجة هنا وحشة
الناس سلوكهم وحش و بيحبوا المنظرة و خلاص ...
كل حاجة هنا وحشة ... و مش شايف حاجة حلوة ... في المجتمع ككل ... وفي الأصحاب خاصة ( او اللي كانوا اصحاب )

حد يقوللي على دكتور نفساني كويس في المنصورة
شكراً

لا تحزن ياخى ابقى مع الله فهو معك دائما وانظر للحياه من الوجه الأخر ستجد أشياء كثيره لم تقابلها من قبل واعتمد على الله

بص هو ده طبيعى انته لسه متخرج والصوره مش واضحه بالنسبه للشغل والمستقبل
فطبيعى يبقى فيه احساس بالتشاوم او الضيق لان ديه سمات المراحل الانتقاليه
طبيعى وجود شويه توتر او قلق
حاول تنظم تفكيرك و جهدك وان شاء الله ربنا هيرشدك للخير
موضوع الدكتور النفسانى انا مش معترض عليه
بس فيه طريقه تانيه ........ لو قربت من ربنا شويه بالصلاه و الدعاء
اكيد ده هيهديك شويه

و تذكر دائما انه لا راحه فى الدنيا
لازم يكون فيه شويه حاجات
تعملك قلق و الا تبقى جنه

لما كنت صغير كنت اتعجب امرى امام الكبار ودائما اسئل نفسى لماذا يعيش الكبار بحريه والصغار لا كان دائما يدور هذا السوال فى عقلى عندما كان يصور لى عقلى ان حياه الكبار هى حياه الحريه حيث يتصرف الكبير كما يشاء عكسى انا كانت حياتى مكبت للحريه كنت اتصور ان باب المدرسه هو السجن الوحيد فى الحياه عندما كنت ادخل المدرسه فى الساعه الثامنه صباحه ولا اخرج منها غير الساعه الواحده ظهرا كنت ارى المدرس يخرج من هذا السجن كيف يشاء ويرجع اليه كيف يشاء وانا كالعصفور فى قفص طفل لا يفقه شى ولكن مرت السنوات سريعا وخرجت من هذا السجن فى عمر السادسه عشر عاما وعندما التحقت بالجامعه كنت كالطير فى السماء سماء الحريه فرحا مسرورا فكان هذا مدخلى الاول لحياه الكبار وحياه الحريه ولكن ايضا مرت السنوات وتخرجت فى عمر العشرون عاما وكنت فرحا مسرورا مثل اى شاب متخرج وكله ثقه وحماس وكنت اقول ان غدا سيكون افضل من ما سبق لكنى بعد تخرجى بى اربعه اشهر صحيت على الصراخ الدائم هل هذه هى حياه الكبار هل هذه هى الحريه حيث اجد نفسى فى قفص واسع لا نهايه له ولكنى الان لست فى هذا القفص وحدى حين انظر ارى الملاين مثلى فى هذا القفص الذى تحول الى غابه كبيره ينهش فيها الاخ لحم اخيه كالذئب الجائع والناس كا التعالب
والله انا كمان مش عارف اعمل ايه انا كمان كل حاجه ضاعت وراحت منى لا صديق بينفع ولا حاجه بتنفع
انا مش خايف غير من بكره وبس منهم لله والله منهم لله حسبى الله ونعمى الوكيل فى البلد دى

عارف انا نفسى اقتل كل حاجه حلوه فاضله جوايا نفسى ابقى زى الوحوش بجد على شان اعرف اعيش فى وسط الناس النهرده الطيبه مش بتنفع الايام دى لازم تكون غول زيهم انا بحاول اهو انت اتكلمت فى اكتر حاجه بتزعل اى انسان لسه فاضل فيه شويه طيبه النهرده بس اعتبرنا اصحابك انا زيك بالظبط بس فكرت فى حاجه حلوه اوى انى اشغل وقتى هنا او فى اى حاجه واتقرب من ربنا وخلاص بس برده لازم اقتل كل حاجه حلوه لسه موجوده على شان ابقى زى الناس الى فى الغابه دى
واعتبرنا اصحابك

أقسم لك بالله انا مريت بظروف شبيهه لظروفك وبالذات موضوع الاصحاب ده بس انا لسه في الدراسة
كل اللي انا عملته رحت لاقرب صاحب ليا وقعدت اتكلم معاه والحمد لله هو قدر وفضل معايا وصبرني وخرجني من اللي انا فيه

دور على صاحب لك يكون بيعزك وانت بتقدرة وهو اللي ممكن يقف جنبك

يا جماعه الاصحاب دول احنا اللى بنختارهم
احنا اللى بنوافق على الصداقه ديه
لو الاختيار ده تم مضبوط معتقدش ان هيكون فيه مشكله

طيب حياتك العاطفية أية أخبارها لأن الفراغ العاطفى لية عامل كبير فى الكلام ألى بتقولة !!

ياجماعه هى المشكله دى مشكله اغلب الى متخرجين جديد الفكره مش بس فى الصداقه لا الفكره ان الشخص ده بيكون فيه حماس وثقه ولو عمل هيعمل بجد اولا الكلام ده كله بيتقتل جواه تانى حاجه بتقبله انه بيكون متعود ان صديقه ده فاضى ليه كانوع من انوع العاده يعنى تيجى ننزل يلا بينا بعد التخرج بتلاقى الاصحاب كل واحد بقى فى طريقه ويوم ما تتصل بيه تبقى معجزه او مصلحه زى الاخوات كده قبل الجواز بالظبط المرحله دى بتكون صعبه اوى على اى واحد انا عديت بيها اتكسرت اوى والامل الى جوايه راح فعلان قولت مش مشكله اكيد فيه حاجه تانيه افضل قولت اتعامل مع الناس لقيت الناس وحشه وبصراحه كلها عمرى ما قبلت ناس كويسه غير الناس القديمه اوى الى هما مثلا اعمرهم كبيره لقيت فيهم الطيبه والحنان الى الواحد مفتقده
المختصر المفيد ان الشاب فى المرحله دى بيكون ضايع 100% ودى تعتبر اخطر مرحله وخصوصا لو فيها اصدقاء سوء دى الفكره
بس فعلان على شان الواحد يعرف يعيش فى وسط الناس لازم يقتل الطيب الى جواه ده انا واحد من الشباب دى نفسى امسك الطيب الى جوايه ده واقتله واخليه 100 حته بس مش عارف وخصوصا لو فى يوم اتظلمت من الناس دى الفكره ان انت بتكون شخص متربى فى بيت نظيف وعمرك ما نزلت مثلا وكان ليك اصدقاء فى المنطقه بتعتك وعمرك ما كان ليك اى علاقه مع الناس فابالتالى انت لسه بتكون عامل زى الطفل الصغير لسه صافى مفيش فيك حاجه ملوثه مره واحده تلاقى نفسك لازم تعمل زى الناس دى ولازم تعمل زى ما بيعمله هى الدنيا كده بس فلازم تقتل الطيب الى جواك ده وميصعبش عليك حد ولا حاجه على شان تعرف تعيش فى وسط الناس الى فى الغابه بتاعتنا دى بس مش اكتر

السلام عليكم :
بص مبدأين هناخد حاجة حاجة من اللي مضيقاك ونحاول نناقشها وربنا يوفقنا لحل .
بالنسبة لانك لسه متخرج ومش عندك اي تفاؤل .. فتسمحلي اقولك دي حاجة ترجع لنفسيتك انت اللي بتفرض عليها التشاؤم ده .. والحل انك لازم تحاول تبص للحياة بمنظور تاني اكثر تفاؤل .. بص سيدنا رسول الله (ص) بييقول ايه : ان الله عند حسن ظن عبده .. ودا معناه انك لو شايف ان ربنا هيفرج كربك ويستجيب لدعائك او عندك حسن ظن ان ربنا هيسعدك يبقي ان شاء الله ربنا هيفرجها عليك .. اما بقي لو متشائم ومش عندك حسن ظن ان ربنا هيفرجها فهنلاقيها بتتقفل..
اما لو قصدك انك مش عارف ايه هدفك بعد متخرجت ومش عارف هتعمل ايه او هتشتغل ايه .. فدا عادي جدا بيحصل لكل واحد لسه متخرج جديد ..لأن خلاص بيبقي الانسان لأول مرة بينتقل من مرحلة ان هو بيتلقي العلم و مرحلة التلقين الي مرحلة التطبيق والتنفيذ والاعتماد علي النفس.. انت زمان كانت مهمتك تدرس و تأخد بس لكن دلوقت مهمتك انك تنتج وتدي. فالحل بسيط ان شاء الله انت لازم تعمل وقفه مع نفسك تحدد فيها انت عايز ايه وايه المطلوب منك وايه هي طموحاتك (اهم حاجة الطموحات وهتبتدي منين) . شوف انسب حاجة ليك ايه وانسب شغل ممكن يكون خطوة في طريق نجاحك زاهم حاجة متتسرعش.

اما الاصدقاء .. فبص انت اللي اخترتهم وانا مش بأنبك انا بس عايز اقولك اتعلم وخد بالك بعد كدا وانت بتنتقي اصدقائك .. وعموما عادي جدا حوار الصحاب .. بص اغلب الصداقات اللي بتستمر هي صدقات العمل .. اما الجامعة والطفولة فدي ممكن واحد اتنين عدد قليل عموما. فحاول تنتقي صحابك جيدا في الفترة القادمة . وربنا يعينك..



اهم حاجة : ودي نصحتي واعتقد ان انت لو عملت بيها كل حاجة بتشتكي منها هتتحل وهتحس انك اسعد انسان علي وجه الارض..
بص قال تعالي : "ايبتغون عندهم العزة فإن العزة لله جميعا" صدة الله العظيم .. المقصود مثل مالعلماء الجلاء فسروا هذه الايه (العزة في طاعة الله) يعني لو حضرتك اطعة الله ربنا هيجعل لك مخرجا بإذنه عز وجل .. روي عن سيدنا محمد (ص) انه قال لعبد الله بن عباس" احفظ الله يحفظك . احفظ الله تجده تجاهك . اذا سألت فاسأل الله واذا استعنت فاستعن بالله.... الي اخر الحديث"
فبالله عليك استعن بالله واطعه ربنا هيفتحلك ابواب رزقه ورحمته ..
نصيحة كمان لو عايز دافع للعمل ممكن تتفرج علي محضرات الدكتور الفقي هتلاقيها علي youtube
وربنا يعينك ويوفقك ان شاء الله


اسف علي الاطالة

اقتباس:

---

المشاركة الأصلية كتبت بواسطة kemo0o

أقسم لك بالله انا مريت بظروف شبيهه لظروفك وبالذات موضوع الاصحاب ده بس انا لسه في الدراسة
كل اللي انا عملته رحت لاقرب صاحب ليا وقعدت اتكلم معاه والحمد لله هو قدر وفضل معايا وصبرني وخرجني من اللي انا فيه

دور على صاحب لك يكون بيعزك وانت بتقدرة وهو اللي ممكن يقف جنبك

---

انا كمان حاليا بمر بنفس الظروف....و لسه بدرس برضه
زهقان و متضايق .....و مش عارف اعمل ايه
بحاول انتظم في الصلاه علي قد ما اقدر...و اتقرب من ربنا....و ربنا يحلها

الفراغ وعدم وجود هدف
العلاقة بربنا

مش كلام نظرى بس لو حليت المشكلتين دول هترتاح قوى

لأن دول من اكتر الحاجات اللى ممكن تريحك لما تعملهم وبرضو اكتر حاجات تتعبك لو أهملتهم

لو شغلت نفسك بحاجات مهمة وحسيت انك بتنجز فيها هتحس بنشوة ورضا عن نفسك

وكذلك لو عملت اللى عليك ناحية ربنا وناحية دينك هتلاقى نفسك مطمئنة وهادية وهتحس براحة

لكن برضو كل حاجة نسبية ومفيش حاجة بترسى على حال

وكل مرحلة و ليها حلاوتها و قرفها وكئابتها

وموضوع الأصدقاء دة بصراحة مش عارف الواحد يعمل فية اية :(

يمكن هيا دى طبيعة الدنيا .. ما أكتر الأوقات اللى الواحد بيبقى عايز يقعد مع حد او حتى يخرج يتمشى معاة ومتلاقيش الشخص دة

حتى الجواز مبقاش نافع

بلاش افتح فى الكلام اكتر من كدة احسن اجيبلك اكتئاب اكتر وانت مش ناقص

اقتباس:

---

المشاركة الأصلية كتبت بواسطة mohamed_mohsen

انا كمان حاليا بمر بنفس الظروف....و لسه بدرس برضه
زهقان و متضايق .....و مش عارف اعمل ايه
بحاول انتظم في الصلاه علي قد ما اقدر...و اتقرب من ربنا....و ربنا يحلها

---

والله فعلا كل لما تقرب من ربنا بيفرجها عليك أكتر
ساعات بيحطك في مواقف ابتلاءات عشان يشوف انت هتعمل ايه
ولكن كل لما تتحط في موقف صعب افتكر ربنا قال ايه :
فَإِنَّ مَعَ الْعُسْرِ يُسْرًا إِنَّ مَعَ الْعُسْرِ يُسْرًا

والرسول فيما معناته قال والله انه لبعد عسرٍ يسرين

اقتباس:

---

المشاركة الأصلية كتبت بواسطة freefair

يا جماعه الاصحاب دول احنا اللى بنختارهم
احنا اللى بنوافق على الصداقه ديه
لو الاختيار ده تم مضبوط معتقدش ان هيكون فيه مشكله

---

اقتباس:

---

المشاركة الأصلية كتبت بواسطة samoevil911

اما الاصدقاء .. فبص انت اللي اخترتهم وانا مش بأنبك انا بس عايز اقولك اتعلم وخد بالك بعد كدا وانت بتنتقي اصدقائك .. وعموما عادي جدا حوار الصحاب .. بص اغلب الصداقات اللي بتستمر هي صدقات العمل .. اما الجامعة والطفولة فدي ممكن واحد اتنين عدد قليل عموما. فحاول تنتقي صحابك جيدا في الفترة القادمة . وربنا يعينك..

---

ساعات الاصدقاء بيعاملوك بشخصية او بوجه غير الطبيعي بتاعهم ولما تتحط في موقف ضيق اوشده بيبانوا

اقتباس:

---

المشاركة الأصلية كتبت بواسطة bmw323

طيب حياتك العاطفية أية أخبارها لأن الفراغ العاطفى لية عامل كبير فى الكلام ألى بتقولة !!

---

اقولك على حاجه

الانسان لما بيرتكب ذنوب كتير اوي اوي بيوصل لمرحله انه مخنوق من الحياه ولمجرد انه يتوب لربنا ويصلي ركعتين لله بيحس انه اتولد من جديد ولحياه زي الفل ,,,,,,, اقصد من كلامي ان الحياه العاطفيه الي حضرتك بتتكلم عنها لو ملاها بحرام هتخرب عليه اكتر مش هتنفعه

من غير ما أقعد أديك في دروس

إسمع الأغنية دي

http://www.youtube.com/watch?v=EG7vtbOpbXU

الإنسان الذي لم يفشل لن يعرف طعم النجاح
و الإنسان الذي لم يتوه لن يعرف نشوي الوصول !

طبعا انا معرفش انت ليه متدايق وزعلان وقافل كدا من الدنيا
لكن الحياه مش كئيبه للدرجه دي
انا مريت بأيام صعبه كتير اوي بس الحمد لله عديتها وكنت اعد في بيتنا مبعملش اي حاجه نهائي وقافل من الدنيا ومن الناس ومن كل شئ
لحد ما عرفت ان انا ناسي نفسي ومبفكرش في نفسي
بفكر في اللي بره بس
شوف من الاخر انت اللي هتنفع نفسك لا صاحب هينفعك ولا أب ولا أم ولا أي شخص
انا عاوزك تحب نفسك وتبقى عليها وتفضلها على أي حد فكر في نفسك وحب نفسك وعيش حياتك لنفسك
فكر ايه اللي يفيدك ايه اللي يمشي مصالحك
انا هتحارب لوحدك وهتعلى لوحدك
خلي الناس تستفيد منك ( اخلاقك - معاملتك - علاقاتك - خدماتك )
اطلب من نفسك ونفذ
ابعد عن الكسل خليك نشيط خليك ايجابي
انسى الناس خالص محدش هيفيدك
كل واحد دلوقتي ماشي لمصلحتو فقط
عمرك شفت صاحب بيدخل سجن عشان صاحبو ؟؟ وافرض انو حصل ياترى كام واحد بيشيل الجميل
الاشخاص الكويسين قليل اوي انك تلاقيهم
وقبل أي حاجه من الكلام ده
نصيحه بقولها لنفسي قبل ما أقولها ليك
قرب من ربنا , صلي , ادعي , اطلب
وحاول تشوف محاضرات تنميه بشريه وتقرأ كتب ليها
اذا كنت عاوز كتب اطلب وانا تحت أمرك
وقول اعوذ بالله من الشيطان الرجيم
وابدأ من جديد وحس طعم السعاده في المعاناه واتمتع بحياتك
انت هتعيش في الدنيا مره واحده بس
روووووووووووووووووووووووو ووق

بص انا لو قلت لك حلول هصعبها عليك و اخليك تتخنق اكتر .

تنزل بكرة ان شاء الله تدور على كتب ( ابراهيم الفقى ) , خصوصا كتاب ( سيطر على حياتك ) . سعره عادى جدا مش غالى يعنى .

تقراه و تشوف , لو حصل تحسن باذن الله يبقي استمر و لو حاسس ان مفيش جديد قول و انا هقولك على حلول تانية و ان شاء الله تخرج من اللى انت فيه .

أولاً أحب أشكركم جميعاً .. مكنتش متوقع كم النصائح دي

اقتباس:

---

المشاركة الأصلية كتبت بواسطة bob2009

عارف انا نفسى اقتل كل حاجه حلوه فاضله جوايا نفسى ابقى زى الوحوش بجد على شان اعرف اعيش فى وسط الناس النهرده الطيبه مش بتنفع الايام دى لازم تكون غول زيهم انا بحاول اهو انت اتكلمت فى اكتر حاجه بتزعل اى انسان لسه فاضل فيه شويه طيبه النهرده بس اعتبرنا اصحابك انا زيك بالظبط بس فكرت فى حاجه حلوه اوى انى اشغل وقتى هنا او فى اى حاجه واتقرب من ربنا وخلاص بس برده لازم اقتل كل حاجه حلوه لسه موجوده على شان ابقى زى الناس الى فى الغابه دى
واعتبرنا اصحابك

---

ايوا
هو دا اللي أنا حاسس بيه
ليه كدا
لية لازم الواحد لما يتعامل مع اي حد دلوقتي لازم يعمل عليه "صايع" ؟؟؟
هو خلاص لو الواحد فضل طيب مش هينفع ولا أية؟ الظاهر كدا لأ..

اقتباس:

---

المشاركة الأصلية كتبت بواسطة kemo0o

أقسم لك بالله انا مريت بظروف شبيهه لظروفك وبالذات موضوع الاصحاب ده بس انا لسه في الدراسة
كل اللي انا عملته رحت لاقرب صاحب ليا وقعدت اتكلم معاه والحمد لله هو قدر وفضل معايا وصبرني وخرجني من اللي انا فيه

دور على صاحب لك يكون بيعزك وانت بتقدرة وهو اللي ممكن يقف جنبك

---

ما هو المشكلة دلوقتى ان حتى اقرب صاحب لي .. بقيت حاسس اني غلطت اني اخترته او هو اللي اصبح انسان غريب و لا يستحق الصداقة ... لم يعد جاد زي الأول .. مع ان إحنا خلاص المفروض خلصنا مرحلة الهزار و المفروض نبدأ الجد ... و بصراحة كدا انا شايف انه بدأ التهريج و التفاهة .. و عشان كدا بطلب دكتور نفساني.

اقتباس:

---

المشاركة الأصلية كتبت بواسطة freeefair

يا جماعه الاصحاب دول احنا اللى بنختارهم
احنا اللى بنوافق على الصداقه ديه
لو الاختيار ده تم مضبوط معتقدش ان هيكون فيه مشكله

---

واضح فعلاً ان كنت غلطان...
بس معقول كنت غلطان في كل صحابي؟ معقول؟

اقتباس:

---

المشاركة الأصلية كتبت بواسطة bmw323

طيب حياتك العاطفية أية أخبارها لأن الفراغ العاطفى لية عامل كبير فى الكلام ألى بتقولة !!

---

.. :36_1_50[1]:

اقتباس:

---

المشاركة الأصلية كتبت بواسطة musiccairo

طبعا انا معرفش انت ليه متدايق وزعلان وقافل كدا من الدنيا
لكن الحياه مش كئيبه للدرجه دي
انا مريت بأيام صعبه كتير اوي بس الحمد لله عديتها وكنت اعد في بيتنا مبعملش اي حاجه نهائي وقافل من الدنيا ومن الناس ومن كل شئ
لحد ما عرفت ان انا ناسي نفسي ومبفكرش في نفسي
بفكر في اللي بره بس
شوف من الاخر انت اللي هتنفع نفسك لا صاحب هينفعك ولا أب ولا أم ولا أي شخص
انا عاوزك تحب نفسك وتبقى عليها وتفضلها على أي حد فكر في نفسك وحب نفسك وعيش حياتك لنفسك
فكر ايه اللي يفيدك ايه اللي يمشي مصالحك
انا هتحارب لوحدك وهتعلى لوحدك
خلي الناس تستفيد منك ( اخلاقك - معاملتك - علاقاتك - خدماتك )
اطلب من نفسك ونفذ
ابعد عن الكسل خليك نشيط خليك ايجابي
انسى الناس خالص محدش هيفيدك
كل واحد دلوقتي ماشي لمصلحتو فقط
عمرك شفت صاحب بيدخل سجن عشان صاحبو ؟؟ وافرض انو حصل ياترى كام واحد بيشيل الجميل
الاشخاص الكويسين قليل اوي انك تلاقيهم
وقبل أي حاجه من الكلام ده
نصيحه بقولها لنفسي قبل ما أقولها ليك
قرب من ربنا , صلي , ادعي , اطلب
وحاول تشوف محاضرات تنميه بشريه وتقرأ كتب ليها
اذا كنت عاوز كتب اطلب وانا تحت أمرك
وقول اعوذ بالله من الشيطان الرجيم
وابدأ من جديد وحس طعم السعاده في المعاناه واتمتع بحياتك
انت هتعيش في الدنيا مره واحده بس
روووووووووووووووووووووووو ووق

---

فعلاً
هو دا اللي الواحد المفروض يعمله يبص لنفسه و مستقبله و لا ينتظر اي شئ من اي حد ... حتى أقرب الأصدقاء.



شكراً ليكم جميعاً على النصائح الغالية .. بجد استفدت منكم اوي

ربنا يعيننا و يعينكم .

اقتباس:

---

المشاركة الأصلية كتبت بواسطة medo55

اقولك على حاجه

الانسان لما بيرتكب ذنوب كتير اوي اوي بيوصل لمرحله انه مخنوق من الحياه ولمجرد انه يتوب لربنا ويصلي ركعتين لله بيحس انه اتولد من جديد ولحياه زي الفل ,,,,,,, اقصد من كلامي ان الحياه العاطفيه الي حضرتك بتتكلم عنها لو ملاها بحرام هتخرب عليه اكتر مش هتنفعه

---

ومين قال أنى اقصد انة يملاها حرام ينعى مثلا مش بيفكر يخطب حد معين واحدة تقف جمبة وتساعدة أنة يخرج من ألى هو فية مش موضوع حراام ويقضيها زى مانتا فاكر يارب أكون قدرت أوصلك قصدى

بص حضرتك
..
انا فعلا كنت فكرت في الموضوع دا
و معجب بواحدة زميلتي معايا في القسم و قولتلها تكلم أهلها اني اجي اتقدم لها أول ما أشتغل.. و مستنى رد ..... لكن مش متفائل .. مش عارف .. هل هيكون في حد يقدر ان احنا الإتنين مثلا نبدأ حياتنا مع بعض خطوة بخطوة و كدا ...؟
ولا نظام المظاهر و العادات الأصلية اللي عندنا دي هتعمل شغلها؟
مش قصدي من كدا اني مثلا مسترخص البنت او كدا ..لأ بالعكس


ربنا يسهل إنشاء الله ... كلها أيام و اعرف الرد ايام كورس الــiti

شكراً للتعاون و جزاكم الله كل خير

بص اقرا الكتب دى هتفيدك جدا جدا جدا انا اثق فى الراجل ده اكتر من نفسى وبأمانه استفدت منه كتير وغير كتير من نفسى

سيطر على حياتك

http://www.4shared.com/file/74737890/b7d3375f/____.html



قوة التحكم فى الذات

http://www.4shared.com/file/70507233...471/_____.html


المفاتيح العشرة للنجاح


http://www.4shared.com/file/78106888/4ef61af0/___.html


مقومات النجاح


http://www.4shared.com/file/10868255...f8/______.html

ومين فينا مامرش بظروفك دي !!!!
اشغل نفسك باي حاجة بتحبها وحاول تمسك اي شغل يملى وقت فراغك لحد ما تيجي فرص احسن للشغل
اياك والفراغ هايجيبلك اكتئاب وحزن وكراهية للحياة وللمحيطين بك
وديما ادعي ربنا يزيل ههمك

دعاء الهم والحزن

ما أصاب عبداُ هم و لا حزن فقال : اللهم إني عبدك ابن عبدك ابن أمتك ناصيتي بيدك ماضِ في حكمك ، عدل في قضاؤك أسالك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي " . إلا أذهب الله حزنه وهمه وأبدله مكانه فرحاً


اللهم إني أعوذ بك من الهم والخزن ، والعجز والكسل والبخل والجبن ، وضلع الدين وغلبة الرجال ". كان رسول الله صلى الله عليه وسلم يكثر من هذا الدعاء

كبر دماغك ...

و شوف أى حاجة تعملها تشغلك .... حتى لو إخترعت

بسم الله الرحمن الرحيم
نانسى عجرم فى اغنيه لو سألتك انت مصرى بتقول ع المصرين ملوك الجدعنه و طبعا الكلام ده كان زمان دلوقتى السمه الاكبر ع المصرين اخلاق المدينه محدش ليه دعوه بحد كله فى حاله و كمان اخلاق الزحمه يعنى انت لو مستنى مواصله هتلاقى الناس كلها بتجرى ع الميكروباص يعنى لو واحد تعبان او و قع و هو بيجرى علشان يروح لبيته الكل هيدوسه و غير كدا طبعا اعلى نسبه بطاله و مصر اترتبت فى المنطقه من اعلى الدول شذوذ جنسى و الفانونزا الطيور و الخنازير و الحمى القلاعيه و الطاعون مصر يا باشا بتخسر فى الغاز علشان ترضى اسرائيل كلمه قولتها زمان و يمكن كتير منى زعلوا بسببها احنا بقينا مهزومين من جوانا و فى حبه منا عبده طاغوت للاسف.
بصراحه بعد الكلام اللى فوق اعتقد مشكلتك صغيره اوى واللى يشوف بلاوى الناس تهون عليه بلوته.

ممكن تقرأ كتاب لا تحزن لعائض القرنى الكتاب ده رهيبة فى علاج الاكتئاب و الحزن

ياراجل روق واستعيذ بالله من الشيطان الرجيم

شوفلك شيخ طيب في جامع اقعد معاه وفضفض معاه بكل اللي تاعبك وبإذن الله هاتلاقي عنده النصيحة وهاتحس براحة كبيرة جدا

وبالنسبة لموضوع الأصحاب انا ربنا اكرمني بفكرة وانا صغير في السن ساعدتني احافظ على بعض اصحابي حتى ولو بالتليفون نظرا لأني بسافر برة كتير

كنب بشوف كل واحد في اصحابي انه فيه صفات جميلة واكيد صفات مش كويسة احنا مش ملايكة طبعا

مثلا واحد جدع ورجولة وتمام و100% بس ماسك شوية في حكاية الفلوس، دا كنت مثلا اتجنب نخرج مع بعض خروجات فيها مصاريف كتير او نشتري هدوم مع بعض او اي حاجة ليها علاقة بالفلوس عشان مشوفش فيه وش مبحبهوش
مثلا واحد تاني عاطفي ورمانسي وهايمان على نفسة بس غير كدا ولد كويس جدا ومواقفة كويسة احاول ابعد نفسي عن مشاكله العاطفية

يعني كنت بحاول اخد من كل واحد الصفات الكويسة اللي فيه

حاول متكونش حكمت حكم سريع على اصحابك وشوف ايه الوش الوحش اللي فيهم وهل هم مثلا عملوا حاجة لا تغتفر ولا لأ وعيش حياتك

وربنا يكرمنا جميعا

يااااااااه

فكرتنى بنفسي سنة 2003

اول ما تخرجت

تلاقي صاحبك اتغير ...حتى شكله تحس انه اتغير ....مين ده ؟

تلاقي وقتك بقى طويــــــــــل طويل قوي واليوم فاضي

و الناس غلسه ...

و الدنيا مقفلة ...

ايه ده ؟

هي دي الدنيا بقى اللي الواحد هايخلص و ينطلق فيها ؟؟

____________
ولو سيطر عليك الشعور بالوحدة ده و انك "خسارة" في البلد هاتتعب قوي

بص ..انا مش هاديك مواعظ

انا هاقولك الحل بشكل مباشر :

1 - اعلم ان علاقاتك الاجتماعية - الأصددقاء تحديدا- تكون في اسوأ حالاتها في المنجنى ده من الحياة بسبب تغير شخصيتك و شخصية اصدقاءك و تغير متطلباتك في الصديق وده ممكن نتكلم فيه كويس لو تحب (المهم ماتزعلش على حد)

2 - الشغل ...اشتغل اي حاجة ليها علاقة بمجالك ..خد كورسات ..اهري نفسك (قبل ماترتبط يا صديقي) واعلم ان عدم الارتباط العاطفي في الوقت ده -مع عدم الرغبة فيه- هو وضع مثالي لصنع مستقبل مهنى جيد

3 - مش قصدي طبعا اني ضد ارتباطك (لو ده هايخليك افضل) ربنا معاك يا سيدي

4 - وهو الأهم ...ابحث عن رفيق يدفعك للأمام ...ابتعد عن المدللين ..و الكسالى ..وهواة اللعب
ورافق النشطاء - ويستحسن في مجالك- و حاول الدخول في بيئة عملك بحضور أعمال أو ندوات او حتى قراءة مجلات



يا عزيزي ...اسمعها منى

الشغل مقبرة الحزن

و في التعب جنة النوم

ده مش مثل قديم ..انا اللي الفت الكلمتين دول من كتر ما بحس بيهم كل يوم

انا مدمن شغل ...و باكون في افضل حالاتي الذهنية و انا باشتغل و باشتغل لحد ما تعب فأنااام مرتاح

وساعتها لا يمكن تشوف او تحس الا بالمشاكل الحقيقية اللي محتاجة حل

ولأنك مش فاضي ..الحل هايكون سريع و عملي واحد + واحد = اتنين و انتهينا

مفيش وقت بقى نتنكد و نقلق و نزعل


فاهمنى !؟

اقتباس:

---

المشاركة الأصلية كتبت بواسطة amrico

ياراجل روق واستعيذ بالله من الشيطان الرجيم

شوفلك شيخ طيب في جامع اقعد معاه وفضفض معاه بكل اللي تاعبك وبإذن الله هاتلاقي عنده النصيحة وهاتحس براحة كبيرة جدا

وبالنسبة لموضوع الأصحاب انا ربنا اكرمني بفكرة وانا صغير في السن ساعدتني احافظ على بعض اصحابي حتى ولو بالتليفون نظرا لأني بسافر برة كتير

كنب بشوف كل واحد في اصحابي انه فيه صفات جميلة واكيد صفات مش كويسة احنا مش ملايكة طبعا

مثلا واحد جدع ورجولة وتمام و100% بس ماسك شوية في حكاية الفلوس، دا كنت مثلا اتجنب نخرج مع بعض خروجات فيها مصاريف كتير او نشتري هدوم مع بعض او اي حاجة ليها علاقة بالفلوس عشان مشوفش فيه وش مبحبهوش
مثلا واحد تاني عاطفي ورمانسي وهايمان على نفسة بس غير كدا ولد كويس جدا ومواقفة كويسة احاول ابعد نفسي عن مشاكله العاطفية

يعني كنت بحاول اخد من كل واحد الصفات الكويسة اللي فيه

حاول متكونش حكمت حكم سريع على اصحابك وشوف ايه الوش الوحش اللي فيهم وهل هم مثلا عملوا حاجة لا تغتفر ولا لأ وعيش حياتك

وربنا يكرمنا جميعا

---

شكراً لحضرتك عالنصيحة .. عجبتنى اوي نقطة اني أشوف الحاجات الكويسة و اتجاهل الحاجات والوحشة في الصحاب ... فعلاً إحنا مش ملائكة.

اقتباس:

---

المشاركة الأصلية كتبت بواسطة ahmed samy

يااااااااه

فكرتنى بنفسي سنة 2003

اول ما تخرجت

تلاقي صاحبك اتغير ...حتى شكله تحس انه اتغير ....مين ده ؟

تلاقي وقتك بقى طويــــــــــل طويل قوي واليوم فاضي

و الناس غلسه ...

و الدنيا مقفلة ...

ايه ده ؟

هي دي الدنيا بقى اللي الواحد هايخلص و ينطلق فيها ؟؟

____________
ولو سيطر عليك الشعور بالوحدة ده و انك "خسارة" في البلد هاتتعب قوي

بص ..انا مش هاديك مواعظ

انا هاقولك الحل بشكل مباشر :

1 - اعلم ان علاقاتك الاجتماعية - الأصددقاء تحديدا- تكون في اسوأ حالاتها في المنجنى ده من الحياة بسبب تغير شخصيتك و شخصية اصدقاءك و تغير متطلباتك في الصديق وده ممكن نتكلم فيه كويس لو تحب (المهم ماتزعلش على حد)

2 - الشغل ...اشتغل اي حاجة ليها علاقة بمجالك ..خد كورسات ..اهري نفسك (قبل ماترتبط يا صديقي) واعلم ان عدم الارتباط العاطفي في الوقت ده -مع عدم الرغبة فيه- هو وضع مثالي لصنع مستقبل مهنى جيد

3 - مش قصدي طبعا اني ضد ارتباطك (لو ده هايخليك افضل) ربنا معاك يا سيدي

4 - وهو الأهم ...ابحث عن رفيق يدفعك للأمام ...ابتعد عن المدللين ..و الكسالى ..وهواة اللعب
ورافق النشطاء - ويستحسن في مجالك- و حاول الدخول في بيئة عملك بحضور أعمال أو ندوات او حتى قراءة مجلات



يا عزيزي ...اسمعها منى

الشغل مقبرة الحزن

و في التعب جنة النوم

ده مش مثل قديم ..انا اللي الفت الكلمتين دول من كتر ما بحس بيهم كل يوم

انا مدمن شغل ...و باكون في افضل حالاتي الذهنية و انا باشتغل و باشتغل لحد ما تعب فأنااام مرتاح

وساعتها لا يمكن تشوف او تحس الا بالمشاكل الحقيقية اللي محتاجة حل

ولأنك مش فاضي ..الحل هايكون سريع و عملي واحد + واحد = اتنين و انتهينا

مفيش وقت بقى نتنكد و نقلق و نزعل


فاهمنى !؟

---

فاهمك يا دكتور
متشكر اوي على النصائح الغالية و اللي إنشاء الله هحاول انفذها بقدر المستطاع..

و بخصوص الدكتور النفساني ... انا خلاص غيرت رأيي و الفضل ليكم :)

اقتباس:

---

المشاركة الأصلية كتبت بواسطة SuccessCre8or

شكراً لحضرتك عالنصيحة .. عجبتنى اوي نقطة اني أشوف الحاجات الكويسة و اتجاهل الحاجات والوحشة في الصحاب ... فعلاً إحنا مش ملائكة.



فاهمك يا دكتور
متشكر اوي على النصائح الغالية و اللي إنشاء الله هحاول انفذها بقدر المستطاع..

و بخصوص الدكتور النفساني ... انا خلاص غيرت رأيي و الفضل ليكم :)

---

انت لسه هنا بطل كلام بقى واقرأ الكتب اللى بعتهالك والله هتدعيلى
اتشجع وحمل واقرأ:unhappy::unhappy:

ربنا سبحانه وتعالى معه وحده مفاتيح الفرج
اكثر من الاستغفار
والصلاة
تقرب إلى الله أكثر وأكثر
اكثر من الصلاة على الحبيب المصطفى عليه الصلاة والسلام
لو فقدت 10 اصحاب وتبقى واحد ولو من زمااان
تمسك به وحافظ عليه
أحيانا أخي يكون الخطأ في تقديرنا للعلاقة وتكييفها إنها صداقة
وهي مش اكتر من زمالة أو علاقة صحبة لوقت ما تجمعنا فيه ظروف ومصلحة واحدة
اول فرصة عمل تجدها ... أدخلها بسرعة ولو مرتبها أقل ولو مش في التخصص ...
وشوية شوية ... مستقبلك حيترسم ويوضح ... وربنا حيباركلك ..
. كل ما تحس إن الناس وحشة حواليك
حاول تكون انت كويس ... وقلبك طيب مع الله
اذهب للصلاة في المسجد ... غير نظام حياتك
غير الوانك في لبسك ... قدم المساعدة لغيرك
حتلاقي يد الله تتقدم إليك بكل رحمة ولطف وعون
الله معك يا أخي ... واحنا كلنا اخواتك
ودورنا نساعد بعض لوجه الله
ونخفف احزانا وهمومنا عن بعض بما يرضي الله
وبما نستطع أن نقدمه


آسفة للإطالة

http://www.nilemotors.net/Nile/showthread.php?t=81154

أدخل هذا اللينك وانت حتعرف إن كلنا عندنا نفس الشعور
وحتضحك

اقتباس:

---

انت لسه هنا بطل كلام بقى واقرأ الكتب اللى بعتهالك والله هتدعيلى
اتشجع وحمل واقرأ

---

حاضر. :) :)
و متشكر اوي اوي يا جماعة انت أخوة بجد

ان شاء الله يا باشا كله حيبقا تمام

بس صدقني there is nothing called "friend"

اقتباس:

---

المشاركة الأصلية كتبت بواسطة successcre8or

بجد أنا زهقت
و مش عارف اعمل اية
و مش عارف اللي انا بعمله اصلاً دلوقتي دا صح ولا لأ ( اني اكتب الموضوع دا )

دماغي معقدة جداً و حاسس اني لازم اتكلم و اغير حاجات كتير مش عجباني.. حاجات في نفسي و اللي حواليا...
لسة مخلص الكلية و معنديش اي تفاؤل
مش عارف حاسس بجد ان مفيش أمل
مش عارف بجد المفروض اعمل اية؟

زهقت زهقت

كل ما اقول خلاص هتبقى احلى
الاقي كل حاجة باظت و الدنيا حواليا باظت اكتر .. اكتر اكتر

و اقرب الأصحاب خلاص حاسس انهم ما يستاهلوش اني أكون صاحبهم
حاسس اني كنت غلطان اصلاً اني صاحبتهم
حاسس اني مكاني مش هنا
حاسس اني عايز اروح كوكب تاني يقدرني
بجد مش عارف اقول اية
انا زهقت اوي .. و مش عارف بجد اعمل اية ولا اقول اية

حاسس انها نهاية الحياة
او بداية حياة تانية .. بأصحاب تانيين المفروض اعرفهم .. مش عارف اية دا

انا عملت اية؟
بجد زهقت ... بجد زهقت ... هل فعلاً الحياة كئيبة ولا انا اللي مزودها ؟
هل خلاص كدا .؟؟ بمجرد ما حياة الكلية تنتهى كل حاجة بتنتهى ؟
مش شايف حاجة تدعو للتفاؤل ...
عايز اهاجر
اعيش بعيد
حاسس ان كل حاجة هنا وحشة
الناس سلوكهم وحش و بيحبوا المنظرة و خلاص ...
كل حاجة هنا وحشة ... و مش شايف حاجة حلوة ... في المجتمع ككل ... وفي الأصحاب خاصة ( او اللي كانوا اصحاب )

حد يقوللي على دكتور نفساني كويس في المنصورة
شكراً

---

عادة الناس بتدور على هدف في حياتها وتسعى لتحقيقه

موضوع الدكتور النفساني ده حيوصلك للانتحار وتبقى خسرت دنيتك وأخرتك

أنصحك تشوف حد أمين تفتحله قلبك وعقلك وتدور جواك على هدف وتسعى بك جهد لتحقيقه