وفاة مايكل جاكسون بسكتة قلبية!!

**umoussa** · 27-06-2009 01:18 AM

هممممممممممممممممممم

طيب ربنا يرحمه

**Terrible_DaRsH** · 27-06-2009 02:52 AM

هو انا مستغرب من حاجة بسيطة يا جماعة .

هو ازاى بيغنى اغنية ( ضد العنصرية ) و بعدها غير لون جلده و شكله و ووشه !!

من باب التجديد يعنى !؟

الحاجة الوحيدة اللى محبهاش فى اى شخص فى العالم ( انه يتنازل عن رجولته اللى ربنا ميزه بيها عن المراة ) , فبالتالى المعجبين بمايكل دول زى اللى بيشترى المنتجات الاسرائيلية و يقولك اصل مفيش زيها فى مصر :) ( اى حجة والسلام ) .

**MoToRiZeR** · 27-06-2009 04:11 AM

المشاركة الأصلية كتبت بواسطة Terrible_DaRsH

الحاجة الوحيدة اللى محبهاش فى اى شخص فى العالم ( انه يتنازل عن رجولته اللى ربنا ميزه بيها عن المراة ) , فبالتالى المعجبين بمايكل دول زى اللى بيشترى المنتجات الاسرائيلية و يقولك اصل مفيش زيها فى مصر :) ( اى حجة والسلام ) .

انا مش عارف بجد ألاقي العلاقة إللي خلت الجزء الأسود نتيجة للجزء الأزرق! يعني هي بالنسبة زي "علي رأي المثل اللي يتكسف من بنت عمه ميحدفش الناس بالطوب"! ولا عارف هو تنازل عن رجولته إزاي! بس عامة هو مات خلاص يا درش هون عليك و هون علينا النقاش و الجدال اللي مش هيودينا لأي نتيجة مفيدة لأن معندناش معطيات مفيدة أصلاَ .. إنت عارف المعلومات عن الناس دي نصها كدب إعلامي .. فا هتقولي كلام و انا اقولك مش صحيح ده كذا كذا و إنت تقولي لأ بقي ده كذا كذا .. و بعدين إنت بتعيب عالمعجبين بيه يا سيدي شكراَ برضه بس نتائجك لمعطيات غير صحيحة .. انا عن نفسي بحب أغانيه و الذكريات بتاعتها و الكاريزما الخاصة به عالمسرح و شخصيته .. ال attitude بتاعه يعني .. لو له أغاني بتحبها يا ريت تشاركنا برأيك .

**Terrible_DaRsH** · 27-06-2009 05:49 AM

بص يا حودا من الاخر , انا بحب له 3 اغانى جدا تمام ؟!!

و عارف انه انجح مغنى جه على وجه الارض و من شهرته كانت البنات بتموت فى حفلاته , بس انا مستغرب ازاى انتوا بتدافعوا عنه كشخص و ليس مغنى !!

انا ممكن اجيب لك صور مجلات و مقالات اجنبية مكتوبة عنه بخصوص عمليات التجميل و ايه اللى حصل فيها بالظبط و كان بيغير ايه فى شكله و هكذا و لكن بم ان انت رجل اعلامى و عارف اكتر منى و بتقول ان الكلام ده كذب يبقي كذب .

و لكن فيها ايه لما اقول انا بكره شخصيته و تصرفاته و بحب اغانيه ؟!

و هتقولى ليه اكره شخصيته بص هو عمل ايه فى شكله ووشه !

يعنى الرجل كان ناقص يعمل ايه تانى ؟!!

و اللى خلى الكلام الاسود نتيجة الازرق هو ان انا كنت هطرح سؤال على معجبيه ( ازاى تحبوا واحد متبريء من رجولته و المعنى واضح ) بس علشان منرحش بالمناقشة بعيد , لما ندافع عن شخص يكون يستحق ذلك .

عمومــا لا دائم الا وجه الله سبحانه و تعالى .

**PRO-DRIVE** · 27-06-2009 06:47 AM

علي فكره حتي علي المنتديات الاجنبيه في ناس مش طايقه سيرته و بتقول ان العالم مكان افضل للعيش بدونه d:

**M.almaghraby** · 27-06-2009 09:03 AM

كلام صحيح يا موتوريزار

و هوا متنازلش عن رجولته ولا حاجة دي موضة مش اكتر

و لو كان اتنازل عنها مكانش جاب ولاد ليه من ليزا بريسلي

**bmw323** · 27-06-2009 09:09 AM

**M.almaghraby** · 27-06-2009 09:17 AM

جميلة الصورة............

**aif** · 27-06-2009 11:33 AM

انا كنت مش باحب هذا الشخص ... اما اغانيه ... فانا غير مهتم بها و لم اسمع منها الا ما سمعته بالصدفة او بالاكراه من ال جي إم بتاع عربية محمود تونا اللي ساكن قصادي ... اما حكاية انه بيحترم الاسلام او بيسيئ للاسلام ....فالاسلام لن يزيد باحترامه ولن ينقص باساءته ونحن لا ننتظر جاكسون باشا ليثمن ديننا ... واعتقد ان الكلام ده مجرد دعاية أو شائعات لأغراض تجارية بحته ... وهو في الآخر يبقى مجرد راقص ومغني .... ده رأيي
الشخص ده مات .....
انا مش مفوض اني اطلب من ربنا يرحمه او يحرقه ...... احنا مجرد بشر مش أكتر
الاستغفار للمشركين نهى عنه الله تعالى بالنص في سورة التوبة حتى لو كان لأقرب الاقربين او الوالدين او الابناء ... طبعا كلامي هنا عن المسلمين فقط ... اما غير المسلمين فلهم دينهم و عقيدتهم وهم ادرى بشأنهم
....
وكمان الانسانية تأبى علي ان اقول الله يحرقه او يعذبه او ماشابه ذلك .... الله اعلم بعباده
يبقى لما يموت مش لازم اعلق ...... السكوت احيانا يكون اغلى من الذهب
هو احنا وزارة خارجية مطلوب منها تعليق على كل حاجة
...

-

الموضوع: وفاة مايكل جاكسون بسكتة قلبية!!

LinkBack

أدوات الموضوع

عرض

-

-

-

-

-

-

-

المواضيع المتشابهه

اغنية مايكل جاكسون الإسلاميه - Give thanks to allah

اسلام مايكل جاكسون حقيقة ؟؟؟

شكوك حول أسباب وفاة مايكل جاكسون والصحف البريطانية تتوقع جنازة. ‬إسلامية

مراحل حيــــاة ملك البوب مايكل جاكسون

الكلمات الدلالية لهذا الموضوع

المفضلات

المفضلات

ضوابط المشاركة