مشكله فى سيارتى a516 وعايز لها حل
أولا أنا عربيتى موديل 2007 وعامله 20000 كم والحمد لله هى كويسه جدا من يوم مجبتها يعنى كان فيه شوية كلام عادى وأتحل من اول زياره للمركز فى أبو رواش
المهم العيب اللى مش ليه حل عندى هو:
العربيه على الطرق السريعه بتكون زى الفل على التعشيقات من الأول حتى الرابع اللى ممكن أجيب يه حتى 130 كم فى الساعه وبعد كده طبعا كتير عليه فلما أجيب الخامس فى مش تزود سرعه حتى لو دوست على دواسة البنزين للأخر ولمست الأرض مفيش فايده (لأنها كهرباء مش وير) وده حصل فى عدة مرات على طريق الأسكندريه الصحراوى و الدائرى و المره اللى خلتنى أروح التوكيل كنت راجع من شرم الشيخ و العربيه مش راديه تزود عن 100 كم ولما أجيب الرابع يزود تانى لحد 130 كم أجيب الخامس تبدأ الهبوط حتى 100 كم مش عارف ليه.
فى التوكيل الناس محترمه جدا قلى نغير الفلتر و الزيت (صيانة العشرون ألف) ونطلع نجرب سوى
المهم بعد مخلصنا الصيانه نده المهندس عليا و طلعنا سوى نجرب و الراجل جرى بيها وقرص على الموتور فى كل الغيارات حتى الرابع جاب بيه ال 130كم وجيه على الخامس وزود بيه حتى 150 كم بس فى منزل قلت له كمل حتى المطلع اللى جاى قلى لأ العربيه زى الفل انتى بس بيتهيئلك اقوله طيب زود عن كده مش راضى يقولى طبعا فى المطالع مش ممكن تزود سرعه دى حتقل وجاب أخر الدواسه مفيش فايده مش بتزود عن كده و مصر ان العربيه زى الفل.
أنا مش مشكلتى أنى أجيب بيها 150 و لا 130 حتى المشكله أن الكلام ده بيحصل مع الخامس حتى لو على 100 كم فى الغالب بيحافظ على السرعه وأحس أن العربيه هبط أدائها بشكل رهيب فجأه أكن الغيار مش مناسب و مش يزود السرعه إلا لو فى منزل أو طريق نظيف بلا معاوقة هواء و لو مطلع أو طريق وحش يبقى أكيد لازم أجيب الرابع اللى بيعطى للسياره قوه جامده جدا
أسف للأطاله بس هل ده ليه تفسير و لا لأ
