الموضوع: اسفسار بخصوص الكاوتش

ده رد الاستاذ ممدوح على سوال مشابه لسؤال حضرتك

[frame="5 10"]خللينا نتكلم فى الجنوط الاول... لو ناوى يبقى الافضل تجيب 14 او 15 لان بصراحة بعتبر الجنط السبور ال13 مضيعة فلوس بس دة رائى الشخصى

لو جبت جنط 14 حتحتاج كاوتش مقاس 185/60/14 و لو جبت جنط 15 حتحتاج كاوتش 195/50/15... و على فكرة اللانوس ال 1600 بتنزل اصلا بجنط 14 بالتالى مفيش اى خطر على العفشة و الزيادة من 14 الى 15 مش كبيرة بالتالى ال15 مش خطر برضة... الجنط الاكبر مع الكاوتش الاعرض حيزود ثبات العربية على سرعات عالية و فى الملفات و حيحسن اداء الفرامل كمان

بالنسبة لانواع الكاوتش (بغض النظر عن التجنيط من عدمة) فا الناس بتنصح بالبردجستون... هى ماركة محترمة و كويسة جدا بس غالية جدا مقارنة بباقى المنتجات اللى فى السوق... نفس الكلام ينطبق على الميشلان

اللى انا شايفة كويس هو البريللى P3000 و انا مركب طقم فى عربية والدى و الGT برضة كويس... طبعا الكومهو و الهانكوك من الماركات الكويسة جدا و سعرها مش غالى... يعنى كل ما سبق ذكرة ما بين 200 الى 250 لمقاس 175/70/13

MMamdouh[/frame]

المشاركة الأصلية كتبت بواسطة mahmoudysf

طيب تنصحنى باي حاجة فيهم من ناحية الجودة طالما كلهم فى نفس السعر واجيب منين

ال gt حلو أنا مجربه و عامل معايا 10000 كم زي ماهو شكله لسه جديد و ماحستش بأي مشكلة منه و الحمد لله