العربية بتلف مع كبس الفرامل الجامد

معايا 128 لو كبست فرامل جامد حتى لو على سرعة 40 العربية بتلف يمين

غيرت الطنابير كلها و التيل معاهم
لحمت الركب بعد ما عملتها زرجينة
غيرت كل خراطيم الفرامل
غيرت الماستر العمومي
ظبط زوايا و ربط عفشة
كشفت على العربية ما فيش اي شروخ و لا اي حاجة
و طبعا اخذت هوا و 1000000000000 مرة لما زهقت و ملهوش لازمة اصلا مفيش فرق

الصراحة انا اتخنقت بجد بسبب الموضوع دة


و بسببة اتقلبت على الدائري بس كانت بتلف شمال و لكن دلوقتي بتلف يمين :dzey:
و صرفت على الفرامل فوق ال 1500 ج تصليح و مصنعيات
دة غير القرف و التعب

واحد صاحبي قالي ريح نفسك الفيات كلة كدا
قولتلة بس مش معقولة يعني لو حد جة قدامي فجاة روحت فرملت الاقي نفسي حضنت اللي جنبي

امبارح شايف عربية نيسان كان هيخبط واحد كبس فرامل على الاخر و العربية فضلت ماشية في خط مستقيم
و في الاخر ما خبطش الراجل
لو انا مكانة هلاقي نفسي طلعت فوق الرصيف و اتقلب
اشمعنى بقى الفيات



السؤال بقى هل في حاجة ممكن تخلي العربية تلف انا ما عملتهاش و ما غيرتهاش
هل الكبالن لو وحشة ممكن تعمل كدا ؟

هو سؤال بسيط شوية

حضرتك وانت بتكبس فرامل مرة واحدة هل العجل الامامى كان على استقامته ومش رايح لا يمين ولا شمال

الكبالن ملهاش علاقه على فكره

بس انت شوفت الكاوتش ممكن يكون فى كاوتش ممسوح بيخلى الدنيا بايظه
ويارلايت تتاكد ان الزيت بيدفق الى الاربعه مع بعض

الكاوتشات جديدة


و لما بكبس فرامل العجل بيكون في النص و مش محود و لا يمين و لا شمال ما هي اتقلبت بردة كدا و الطارة كانت في النص و لفت شمال جامد و اتشقلبت في الهوا و اتقلبت انت متخيل ال mechanism

ياباشا انت كدة عندك ماستر فرامل بايظ من العجل الورانى انت حرام كل الفلوس اللى انت دفعتها دية 1500 جنية فرامل لية
انت عندك لو فية سيرفو تمنة جديد 350 جنية ,وماستر الفرامل العمومى عامل 210 الفرنساوى او الالمانى ويمكن اقل كمان ,واربع ماستر عجل عاملين 100 جنية ,وتيل فرامل اربع عجلات بيعمل 50 جنية ,يعنى التكلفة كلها بالمصنعية مش هتعمل الفلوس دية خالص
تانى حاجة الطنابير مالهاش دعوة خالص بالفرامل غير انها بترج البدال من تحت رجلك لما تيجى تدوس فرامل ,لكن مابتلفش العربية خالص
شوف انت حاجتين بس اللى هاتبص عليهم :1:ماستر العربية العمومى,
2:مساتر العجل الخلفى,التيل الخلفى
وطبعا لازم يكون الكاوتش عندك مش ممسوح او متاكل من جنب,دة غير انك اتاكد من جلب المقصات

متخليش بقى حد يشتغلك ويدفعك دم قلبك فى مشكلة ممكن تتحل بتكلفة قليلة
وعلى فكرة فرامل الفيات زى اى عربية يعنى مافيش عربية فى الدنيا فراملها مظبوطة هاتعمل كدة حتى لو كانت موديل 1950
لان دة نظام واحد طول مانت عندك دة بيقفش مع دة فى وقت وفى قوة واحدة يبقى خلاص مافيش دوران او اى حاجة
وربنا معاك وان شاء الله خير

اقتباس:

---

المشاركة الأصلية كتبت بواسطة semsem kane

ياباشا انت كدة عندك ماستر فرامل بايظ من العجل الورانى انت حرام كل الفلوس اللى انت دفعتها دية 1500 جنية فرامل لية
انت عندك لو فية سيرفو تمنة جديد 350 جنية ,وماستر الفرامل العمومى عامل 210 الفرنساوى او الالمانى ويمكن اقل كمان ,واربع ماستر عجل عاملين 100 جنية ,وتيل فرامل اربع عجلات بيعمل 50 جنية ,يعنى التكلفة كلها بالمصنعية مش هتعمل الفلوس دية خالص
تانى حاجة الطنابير مالهاش دعوة خالص بالفرامل غير انها بترج البدال من تحت رجلك لما تيجى تدوس فرامل ,لكن مابتلفش العربية خالص
شوف انت حاجتين بس اللى هاتبص عليهم :1:ماستر العربية العمومى,
2:مساتر العجل الخلفى,التيل الخلفى
وطبعا لازم يكون الكاوتش عندك مش ممسوح او متاكل من جنب,دة غير انك اتاكد من جلب المقصات

متخليش بقى حد يشتغلك ويدفعك دم قلبك فى مشكلة ممكن تتحل بتكلفة قليلة
وعلى فكرة فرامل الفيات زى اى عربية يعنى مافيش عربية فى الدنيا فراملها مظبوطة هاتعمل كدة حتى لو كانت موديل 1950
لان دة نظام واحد طول مانت عندك دة بيقفش مع دة فى وقت وفى قوة واحدة يبقى خلاص مافيش دوران او اى حاجة
وربنا معاك وان شاء الله خير

---

انا ما دفعتش الفلوس مرة واحدة

بس على مدار 6 شهور

الاول اعد اخرط طنابير و املى تيل و بعد كدا جيبت جديد

انت قصدك على جلب المقصات الخلفية
كانت عندي العجلة اليمين بايظة و عملتها

وصلة الزيت اليمين حتى لو غيرتها قبل كدة غيرها تاني و ثالث قطع الغيار زي الزفت
الماستر اكيد طبعا سليم لان اية اللي يخلي العربية تمسك بقوة في ناحية و تسيب ناحية

هل ضبطت زوايا عند واحد كويس ؟؟؟
لو لأ روح لدرش في المطرية ووقت الظبط لو فيه مشكله في الشاسيه أو العفشة هيقلك عليها
وممكن كمان يبعتك لبتاع عفشة كويس إسمه عبوده

أنا مظبط فرامل لعربيتين 128 عندي واحدة عادة وواحدة معدلة
وأنا معاك خطوة خطوة لما نوصل لحل
لأنك صرفت كثير جداً جداً جداً جداً جداً جداً

نفس المشكلة تقريبا حصلت معايه وكان الخرطوم بتاع زيت الفرامل الي على العجل الشمال مسدود غيرته وانحلت المشكلة