مشكله فى السحب

**omdaz_5538** · 26-06-2009 07:18 PM

مساء القشطه يا اوبلاويه
الايرماس عندى بعفيه شويتين (مهيس)
وده بيخلى العربيه مش بتسحب معايا
وساعات بحس انه اتظبط و العربيه كويسه فى السحب
السؤال بقه:-
اللايرماس لو مش تمام معاك بيخلى العربيه تأكل بنزين؟
و هل بيأثر عى التكييف (قوته)؟
الاجابه بقه:-
اكيد صح يا ناس
لانى اول اما بشغل التكييف العربيه بتبقى مش قادره تتحرك من مكانها
و بقى بدوس على البنزين و هى ولا الار بى ام بيطلع حتى
و افضل ارفع و ادوس (اكارك) لحد ام تبدأ تستجيب
و طبعا لو جنبى 127 بتخيطنى (فضيحه) مش كده
طب الكلام ده من الايرماس نفسه ولا ايه؟

**abdelrahmanhamdy** · 26-06-2009 08:28 PM

باشا
مساء الفل
انا لسه مغيره عندى من اسبوع وكان عندى نفس المشاكل دى بس بعد ما غيرته العربية بقت ظبط الظبط

**tananybasha** · 26-06-2009 10:43 PM

الله يخرب بيت الأيرماس و سنينه لما رحت الخرفيين قلولى شهر كده عشان عليه سحب خيالى حاجة تفرح مش كده و الأعراض اللى عندك كلها هو السبب الوحيد فيها

**omdaz_5538** · 27-06-2009 01:42 AM

انا لسه مغيره عندى من اسبوع وكان عندى نفس المشاكل دى بس بعد ما غيرته العربية بقت ظبط الظبط

يعنى طلعت فعلا مشكه الايرماس

الله يخرب بيت الأيرماس و سنينه لما رحت الخرفيين قلولى شهر كده عشان عليه سحب خيالى حاجة تفرح مش كده و الأعراض اللى عندك كلها هو السبب الوحيد فيها

ايوة انا برضه بقول كده
هو بعينه و بغوته اللى بيعمل كده

هوة تمنة كام ؟؟؟؟

و الله سألت عليه فى التوكيل قلولى 2500
و بره بوش المانى 1250

**rabbat5** · 27-06-2009 05:59 AM

مشكلتك كانت عندي و أنا كنت لسه مغير الماف مع العلم اني كنت مركب الماف الصيني و غيرته و جبت الأصلي البوش من مصرية فى ميدان لبنان و المشكلة فضلت موجودة حتى بعد ما غيرت الماف الصيني بالماف الأصلي .
(بالنسبة للماف فمفيش غير البوش و شركة بوش وكيلها فى مصر هي شركة ايه بارت و دي مكانها فى التجمع الخامش شارع الشويفات بجوار مدرسة الشويفات و ما ببيعوش تجزئة جملة فقط و أحد موزعينهم هي شركة مصرية فى ميدان لبنان الكلام ده للافادة و التوضيح عشان ما يتضحكش عليكم و لو حابب ادخل موقع بوش لغاية ما توصل لهم).
اشتريته ب 1700 و السعر ده يعتبر خصم خاص ، فى شامبليون ببيعوه ب 1900 أو 1850
المشكلة اتحلت بعد ما غيرت الحاجات دي طبعا بعد الماف 1_ فلتر البنزين 2_ طقم البوجيهات (بوش) 3_ طقم سلوك البوجيهات ممكن طبعا يكون سليم عندك 4_ الموبينة كان فيها طرف ضارب _هي ليها 4 طرف_ غيرتها (بوش أصلي من مصرية برضه) 5_ غيرت الكونترول يونت اللى بيسموه الكمبيوتر بواحد استيراد ب 600 جنيه طبعا متغيروش الا بعد ما تكشف عليه
6_ حساس الكولنت.
الحاجات دي ما تغيرتش مرة واحدة الأول الماف بعد كده البوجيهات و الفلتر بعدهم الموبينة و طقم السلوك بعدهم الكمبيوتر و حساس الميه .
النتيجة : العربية رجعت زي الأول و أفضل و لله الحمد.
مبدئيا غير الماف و فلتر البنزين و البوجيهات و اذا استمرت المشكلة اكشف على الكمبيوتر و ان شاء الله يكون سليم.
دي تجربتي الخاصة و ربنا يعينك.

**A.Elsheikh.01** · 27-06-2009 12:19 PM

شاكك انه ممكن دبرياج

**tananybasha** · 27-06-2009 11:00 PM

يعنى الأير ماف استيراد ممكن يعمل كام برضوا هيبقى ارحم بكتير فى الحرفيين بعد ما جربته مالقتيش معايا فلوس كان ب 400 جنية بالرقم و الشكل و كفاءة 100%

**omdaz_5538** · 29-06-2009 08:36 PM

مبدئيا غير الماف و فلتر البنزين و البوجيهات و اذا استمرت المشكلة اكشف على الكمبيوتر و ان شاء الله يكون سليم.

انا متشكر جدا يا باشا على الكلام الجميل ده
بس انا اول اما جبت العربيه كشفت عليها كومبيوتر فى التوكيل و عملتلها تشك كامل و غيرت الفلاتر و البوجيهات و تيل الفرامل و الذى منه
و مكنوش عرفين فى ايه فى العربيه قولتلهم ان الايرماس هو اللى مدربك الدنيا و كان ردهم لا الكمبيوتر مش قاريه
و ادبست فى الصيانه بتاعت ال80 الف
و اللى يغيظك ان افلاتر و الوجيهات و الكلام اللى اتغير كله طالع من العربيه سليم
قولت مش مهم ما انا كنت كده كده هعملها الصيانه (مش لسه شاريها)
و طلعت من التوكيل اجرب العربيه ولا الفلوس ديه ادفعت فى حاجه كويس
العربيه زى ما هى
كشفت تانى قلولى ده اليرماس

-

الموضوع: مشكله فى السحب

LinkBack

أدوات الموضوع

عرض

مشكله فى السحب - انشر الموضوع فى :

-

-

-

-

-

المواضيع المتشابهه

مشكله في السحب بعد تغير السيور وبلي الكاتينه وفلتر البنزين

مشكله بخصوص السحب ارجو الأفاده

مشكله عندى فى السحب !! ارجو المساعده

ساعدوني مشكله في السحب

عندى مشكله فى السحب

الكلمات الدلالية لهذا الموضوع

المفضلات

المفضلات

ضوابط المشاركة