الموضوع: ماعرفش ديه حاجة بايظة ولا هي كدة؟أرجو الافادة

يعني تفتكروا حلها اني أسخنها و أغير زيوت و فلاتر بس ولا في حاجة جامدة أحسن دي ممكن تدوخنا السبع دوخات لو حاجة جامدة بس أنا بصراحة بحبها قوي

يعني فلتر زيت و هواء و طقم بوجيهات بس كويس أنا كنت فاكر فيها حاجة في الانجكشن لأنها فيها حاجة تانية معلهش بس مش عارف دى عادي برضو ولا مشكلة أنا في مرتين حاولت فيهم افصل بالعربية بس كان ال ار بي إم بيوصل لحد 6 و ربع كدة من غير ما تفصل (يعني دخلت في ال رد لاين) بس كنت بخاف أزود عن كدة أحسن الصوت بيبقى عالي قوي و بحس إن الموتور هيفرقع زي ما تكون كربرتير،فهل دة عادي؟

و كمان في كام مشكلة بسيطة كدة:

1)الدبرياج بيعمل صوت عجيب كدة كل مرة أدوس عليه صوت ذي (ويئ)و أنا بشيل رجلي من عليه بيعمل نفس الصوت برضه هو مش مأثر على حاجة تقريباً بس الصوت مضايقني، ف ديه حلها إيه؟و لو محتاجة زيت أو حاجة إيه هي؟ و إيه الانواع النضيفة من الحاجات ديه؟
2)الفتيس بتاعها تقيل سنة ،بس كل ما أجيب التالت أحس إنه مزرجن و مش راضي ييجي و ايديا تقوم جايبة الخامس غصب عني لدرجة إنه في مرة اعدت بتاع تلت مرات أحاول أجيبه و أنا سايق مرضيش و خليت والدي يحاول و هو جانبي معرفش و قام جايب الخامس برضه؟ف برضه دي تتحل ازاي؟و إيه الأنواع النضيفة من الحاجات إلي هتتجاب؟
شكراً لكم كلكم وعذراً على الإطالة