ميزات وعيوب الشاريد ؟؟؟؟؟؟؟ استفسار برجاء الاجابة

**nicolass** · 26-06-2009 09:43 PM

السلام عليكم ورحمه الله وبركاته

محتار اجيب بين فيات 128 او 127 سوبر فيورا او شاريد مويدلات اواخر التمانينيات او اول التسعينات

فـ انا عاجبنى شكلها والابوشن الى فيها حلو
بس مش عارف عيوبها اية واسعار قطع غيارها ومتوفرة ولا لا واى ميكانيكى يشتغل فيها ولا ناس معينه وانها اتوماتيك دا حلو فيها ولا لا؟؟؟؟ والشاسية طبعا
مع العلم انى لسة بتعلم سواقة وعايز حاجة اعطالها قليله جدا لانى مش بعرف حاجة فى العربيات
وموضوع انها 3 او 4 سلندر دا يفرق فى اية وهى كام سى سى
معلش هتعبتكم بس الموضوع دا محيرنى فعلا
ومعايا مبلغ ممكن يوصل ل 19 او 20 دا يجيب عربية كويسة ولا اية

**amr_elrashidy** · 27-06-2009 11:09 AM

بما انى لسه جايب العربية اللى انت نفسك فيها اقدر اقولك توكل على الله...عربية ممتازة ..انا معايا ال1300 هاتش باك جايبها ب24 بس حالتها ممتازة و معظمها فابريكة ...المبلغ اللى معاك مش حيجيب واحدة نضيفة 100% بس ممكن يجيب واحدة فيها شوية شغل..قطع الغيار متوافرة بس مش زى الفيات طبعا..ماعدا الصاج..يعنى المستهلكات كلها موجودة بس مش فى كل مكان حتلاقيها بس موجودة عند ناس كتير اشهرهم اوشين فى الحرفيين و فى ناس فى الهرم و فى ناس فى الزيتون..اكيد انضف كتير من ال128 و 127 و كفاية انها يابانى..انا كل كلامى على ال 4سلندر 1300..موضوع الميكانيكية مفيش مشكلة فيه..اما موضوع الاوتوماتيك مفيش مشكلة بس خلى بالك الفتيس الاوتوماتيك بتاعها لو حصله حاجه حتتعب اوى عشان تلاقى و احد مستعمل تانى

**nicolass** · 27-06-2009 12:56 PM

اولا شكرا لردك جدا
ثانيا معنى كدا انى لما اجيب اجيب 1300 سى سى 4سلندر مش اجيب 1000 سى سى
مع انه المعروض كله 1000 سى سى
وهى الى 1000 سى سى ال 3 سلندر دى حاجة وحشة يعنى ولا اية ياريت حد يشرح ليا الموضوع دا

**amr_elrashidy** · 28-06-2009 10:48 AM

المشاركة الأصلية كتبت بواسطة nicolass

اولا شكرا لردك جدا
ثانيا معنى كدا انى لما اجيب اجيب 1300 سى سى 4سلندر مش اجيب 1000 سى سى
مع انه المعروض كله 1000 سى سى
وهى الى 1000 سى سى ال 3 سلندر دى حاجة وحشة يعنى ولا اية ياريت حد يشرح ليا الموضوع دا

اولا ال1300 هاتش باك قليلة فعلا الموجود 90% سيدان و سعره اعلى حاجات بسيطة..ال1000 سى سى مش وحشة بس مع تحميل العربية حتحس بالفرق و خصوصا لو شغلت التكييف..انما ال1300 ماشاء الله جراية و عزمها معقول اوى مع التكييف..انما لو العربية استخدامها حيكون وسط البلد مثلا و ليك لوحدك يبقى عادى جدا توكل على الله و هات ال1000

**powersha** · 16-07-2009 07:32 PM

بلنسبه للعربيات موديل الثمانينيات اسعار قطع الغيار عمله ايه ومتوفره وللا لا

**shaltot** · 17-07-2009 08:43 PM

أسعار قطع الغيار منها تايواني وتعضها ياباني الميكانيكا متوفرة اما الصاج فهو ناقص والمتوفر أسعاره معقولة

**mohamed_rhem** · 20-07-2009 03:17 PM

ال 1000 سي سي تمام ومع التحميل وكمان في السفر مفيش مشكلة وحتي مع التكييف

المشكلة الازليه ان العربيات الصغيرة مش مريحة خالص في السفر لمسافات طويله

مش عارف ده لان ظهري بيتعبني او لاني طويل شويه

بس التعب ده مبحسهوش في السغر من 200 الي 300 كم

انما لو دخلت في 500 كم بدون توقف للراحه هي ده المشكله بحس بالتعب