سؤال لأهل الخبره من اصحاب اللانوس
ايه رأيكم فى المساعدين kyB علشان عايز اجيب طقم مساعدين و متردد بين الاصلى و النوع ده لأن الاصلى سعره ضعف سعر ال kyb :cry: :cry: و شكرا.....
عرض للطباعة
سؤال لأهل الخبره من اصحاب اللانوس
ايه رأيكم فى المساعدين kyB علشان عايز اجيب طقم مساعدين و متردد بين الاصلى و النوع ده لأن الاصلى سعره ضعف سعر ال kyb :cry: :cry: و شكرا.....
ال K Y B عن تجربه ممتازين و شغالين معايا بقالهم حوالي 4 شهور مفيش منهم مشاكل و مش ناعمين اوي لكن مريحين و مثبتين العربيه كويس.
لما باخد ملف جامد و متعمد ان اخلي العربيه تزحلق من الامام بيبقي زحلقتها قليله اوي بالنسبه للسرعه اللي داخل بيها الملف.
انا كنت محتار زيك كده بينهم و بين المونرو لكن توكلت علي الله و جبتهم و الحمد لله شغالين كويس.
انا جبت الاصلى و فكتهم بعد اسبوعين و رمتهم فى وش صاحب المحل تانى و بداتهم ب KYB
الاصلى نعمين فى الطرق المكسرة بس على الطريق العربية كانت مرجيحة
خلاصة القول ال kyb مش نعمين اوى بس سبات عالى جدا جدا على الطريق
طيب هما الاربع مساعدين kyb بكام؟؟؟؟
انا كنت جايب بتوع السويفت الامامين ب 470 جنيه ما اعرفشش بتوع اللانوس بكام متهيالي ارخصاقتباس:
طيب هما الاربع مساعدين kyb بكام؟؟؟؟
انا عايز اعرف بتوع الاكسنت بكام.....لو جبت kyb هيفرق الثبات جامد ولا لأ
ولا المنرو احسن.....و الكونييييييييييييييي
كثبات المونرو احسن لكن علي حساب راحه الركاب غير كده لو عفشتك تعبانه و ركبت مونرو العفشه حتتبهدل اكتر علشان قاسيين شويهاقتباس:
انا عايز اعرف بتوع الاكسنت بكام.....لو جبت kyb هيفرق الثبات جامد ولا لأ
ولا المنرو احسن.....و الكونييييييييييييييي
طسي يبقي كده ايه المفروض يتغيرغير المساعدين و السوست ...
اصل انا بجد خلاص جبت اخري من المراجيح ديه :twisted: :twisted:
انا معايا نيسان صنى مو 2000 عامل بيها 200 الف كم غيرت المساعدين مرتين وف المرتين جبت KYB و هم كويسين جدا يمكن احسن من الاصلى اول طقم منهم مشيت بيه 60 الف كم فى سنه و7 شهور لغايه لما خفوا وواحد منهم ضرب فى مطب صناعى على سرعه
الخلاصه سعرهم كويس الاماى فى حدود 500 والخلفى فى حدود 400 ونعمومه كويسه وثبات ممتاز ما تدورش كتير وتوكل على االه
ملحوظه لازم تشترى من حد ثقه ويكون كراتين مبرشمه علشان اللعب
عندك المقصات و بيضها و بيض الدركسيون و الاسكترا و كده تبقي العفشه كلها جديده
يعني اللي عايز يظبط الثبات بتغير المساعدين ماينفعش؟؟؟؟
لازم يغير كل العفشه :shock:
طيب تعرف تكلفتهم كام كلهم
معلش تقلت عليك في الاسئله.....
انا بقالي فتره عمال افكر بحل يظبط الثبات و في نفس الوقت مايبوظش حاجه....و مش عارف اعمل ايه ...و من غير ما اكلف جامد كمان :lol:
ولا يهمك يا باشا.
بص انا حقولك حاجه العفشه لو فيها اي مشكله ما تستخسرش و غيرها علشان العربيه مهما كانت التكنولوجيا اللي فيها و درجات الامان ف اللي بيربطها بالارض هما الاربع عجلات!!!
فلازم الكاوتش و العفشه اللي ماسكه الكاوتش تكون علي احسن حال.
يعني يوم ما حتغير مش حتخسر بالعكس حترتاح و تطمن علي نفسك و اسرتك.
و علشان الثبات مش لازم مونرو لو حاله عفشتك نص نص هات k y b حيدوك ثبات كويس برضه.
انما لو حاله العفشه لا يرسي لها و الاسكترا مبوشه و كلها بايظه لاء يبقي غير العفشهو المساعدين تجيبهم مونرو و انت حتشوف ثبات مثالي لكن علي حساب راحتك جوه العربيه.
بالنسبه للاسعار معنديش خلفيه علي اسعار الاكسنت خالص اسف جدا :oops:
شكر علي الرد يا حازم.....بس نفسي اعرف انت مش ظاهر اونلين ليه
علي فكره انا عندي المساعدين مافيهومش حاجه و كويسين ....بس كنت بفكر لو ينفع اغيرهم بحاجه ثباتها احسن ان امكن يعني
العفو يا عمور انت تأمر.
مش عارف بالضبط مش ظاهر اون لاين ليه :shock: ما باخدش بالي من الحاجات دي :)
طيب بالنسبه لان المساعدين عندك كويسه بقي ما تغيرش حاجه و اصبر شويه لحد ما يبوظو و تغير كله مع بعضه و انت حتحس بالفرق.
اما لو وحشين يتغيروا فورا علشان ما يبوظوش الكبالن و الشاسيهات
ال KYB احسن من الاصلى... هما فعلا انشف شوية من الاصلى و عشان كدة انا بقول احسن لان عفشة اللانوس طرية عن اللازم
انا حسيت بالفرق بعد ما اشتريت اللانوس بتاعتى و قارنت ثباتها بثبات عربية والدى... عربيتى مساعدينها الاصلى و سواقتها عاملة زى المركب لكن عربية والدى ماسكة نفسها عن كدة بكتير
انا كنت جبت طقم المساعدين ال KYB من المنير ب 475 جنية
MMamdouh
الطقم 4 ولا 2 يا محمد ؟؟
الطقم 4 مساعدين
الخلفى لوحدهم كانوا ب 200 و الامامى ب 300
MMamdouh