بجد حسستنى أنك معاك العربية و عندك مشكلة كبيرة فيها
90% الناس اللى قالولك أنها مش بتفصل فاكرين أن العربية لما الباور يفصل يبقى فيها عيب.......يعنى بأختصار مش فاهمين.
بجد حسستنى أنك معاك العربية و عندك مشكلة كبيرة فيها
90% الناس اللى قالولك أنها مش بتفصل فاكرين أن العربية لما الباور يفصل يبقى فيها عيب.......يعنى بأختصار مش فاهمين.
العربيه انا سوقتها زى الفل استحالة يكون فى الموديل الجديد كدة
ياباشا متقلقش البور ده كهرباء وعالى جدا بيديك مرونه فى الغرز والسواقه على الطريق وكلمة eps هى اختصار ل electronic power staring وبعدين انا معايا موديل 2009 نفس الكماليات اللى انت بتقول عليها بس انا اول لما سقتها حاسيت فعلا ان البور مبيفصلش او ان الدركسيون سايب على الاخر بس بعد كده لما قعدت مع مهندس مكانيكى فهمنى الصح وقالى ان البور الكهرباء بيخلى دركسيون العربيه خفيف جدا فأنت لو بتاخد غرزه يدوب نتشه بس صغيره بالدركسيون وهتعدى على فكره العربيه جميله جدا معايا وثباتها على الطريق كويس
ياباشا الحمدلله انا من ملاك العربية والباور بتاعها دة 3 سرعات تحت 60 العربية بتبقى full power من 60-120 half power وبعد 120 الباور بيفصل تماما ,,,,, فى حاله الفرملة الباور بيتقل برضة تحس الدركسيون بيساعدك ,,, مشكلة الباور الكهرباء حاجة واحدة بس حساس جدا للطريق بمعنى ممكن احيانا كتير تفتكر العربية عايزة ظبط زوايا وبتحدف لكن تروح تكشف عليها بتبقى تمام خالص D: ونصيحة اخوية حضرتك متسمعش كلام بتوع الصالات ولا المعارض ولا حتى التوكيلات لان ببساطة هو بيفتكرها حداقة انو يخليك تتنازل عن عربية بتفكر فيها ويخليك تشترى عربية هو ليه مكسب كبير فيها او موجودة عنده حضرتك قرر بناءا عن تجربة وروح وانت عارف انت هتجيب اية ومتديلوش فرصة يعقدك فى العربية والف مبروك مقدما ونصيحة ابعد عن الخليجى لو ناوى ع الالنترا لان لو طلع فيه عيب صناعة حضرتك مش هيبقى فية ضمان واى حاجة انت اللى هتغيرها واغلب العيوب علبة دركسيون وساعات طنابير وتيل ودول تمنهم مش قليل
انا حسيت إنك كنت مسافر و الباور مفصلش لا قدر الله !
عامة لو الكلام ده صحيح مكناش شفنا ولا إلنترا في الشارع لأن كان زمانهم كلهم إتقلبوا - بعد الشر عن ملاك الإلنترا - بس الكلام غير منطقي خالص ! حاول تكون معلوماتك اما تشتري حاجة بما فيها العربية تجمع المعلومات بنفسك من عالنت و من ملاك العربية حتي لو مش من مصر .. لأن مسئولين المبيعات في بلدنا العزيزة للأسف لا يفقهون البطيخ .. انا في معرض أوتوماك كنت بسأل بنت من اللي واقفين العربية دي كام حصان قالتلي 1400 سي سي ! معرفش هي فاهمة سي سي ده اللي هو السيسي اللي في جنينة الحيوانات و أهو أقرب حاجة للحصان ولا إيه بس عامة متتوقعش من أي حد بيبيعلك حاجة إنه يكون فاهم 100% أو حتي 50% .
ياجماعه بلاش المبالغه الزياده عن اللزوم عنوان الموضوع ينذر ان فى كارثه (الحقونى....) يارايت ناخد المواضيع ابسط من كده
وبلغه المواطن العادى الغلبان الكحول اللى مش بيعرف حاجه فى العربيات انت جربت تسوقها بعد ال 100 ولقيت مشاكل فى اى حاجه؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟
يا باشا ارتكاز دركسيون الانترا ممتاااااااز , يعني مثبت العربيه تثبيته من الاخر , و في حاله الزحمه العربيه تسلك بيها غرز مبتتخدش اصلا , انا نفسي يعملولها زرار بينط تبقا كدا احسن عربية في العالم!!!!!!!!!!!!!!!!!!!!!!!
تم تعديل المشاركه
مشرف هيونداي
لسه راجع من القاهرة أمبارح ودى تانى سفرية أسكندرية - القاهرة صحراوى.
السفرية ألأولى السيارة كانت فى مرحلة التليين ولذلك مزودتش عن ال90 .
أمبارح السيارة عدت مرحلة التليين عملت 1500 كيلو.
مشيت أغلب السكة 140 - 150 kmh .
العربية النترا خليجى 2010 وكانت ماشية زى الفل.
ماتسمعش كلام المعارض وتوكل على الله.