حقيقت زيت الجير بوكس الي مبيتغيرش

**hossam_yazeed** · 27-06-2009 01:02 AM

السلام عليكم
انا معايا 318i عامله 160,000 km ستيب ترونك موديل 2002 سمعت ان زيت الجير بوكس مبيتغرش .
لما دورت فى النت لقيت ان في ناس اخدت الخطوه الجريئه دي و غيرت الزيت بصو على الصور تحت.
يا ريت الي عندو خبره في الموضوع دا بفيدني اغير الزيت ولا لأ.

دا الستيكر ال ملزوق علي الجير بوكس

دا طبعا شكل الزيت الي نازل بعد حوالي 100,000 mile

دا شكل الغطا السفلي لكونتينر الزيت

بصو علي الرواسب الي المغناطيس مجمعه ( حاجه جميله فعلا )

ودا المغناطيس بعد التنظيف

دا بقي شكل الفلتر جديد و مستعمل

دي الرواسب الي في الفلتر

الفلتر الجديد

كونتينر الزيت بعد التنضيف

الاستاذ الي عمل الموضوع دا بعت عينت الزيت تتحلل و دي النتيجه

الصور دي منقوله

**Mahmoud_405** · 27-06-2009 05:26 AM

بص الي فهمتوا ان فيه الومنيوم زياده في زيت الفتيس الي نازل بعد 87 الف ميل عن لو نازل عند 22 الف ميل وده معناه ان فيه احتكاك جاي من عند (torque converter) غير كده كل المكونات سليمه ومفيش اي حاجه جايه من الفتيس.
بس انا راي غير الزيت كل 60 الف اضمن واستخدم الزيت بتاع التوكيل مش حتخسر حاجه قصاد حفاظك علي الفتيس.
وشوف راي الخبرا الي هنا

**Abo_Lina** · 27-06-2009 01:16 PM

أنا برضه عندي نفس الموضوع في الميجان التوكيل بيقول إن زيت الفتيس لا يحتاج تغيير و لكن بعض مالكي السيارة غيروه و أثنوا على الأداء بعد التغيير..
أنا رأيي إن لو متأكد إن زيت الفتيس ده موجود فعلا و أكيد هو الي bmw بتستخدمه يبقى توكل على الله و غير ..
و ياريت تقييم للعربية الجميلة دي يا باشا و إيه أجمل مميزاتها في نظرك و ملحوظاتك عليها لو وجدت

**Ahmed Selim** · 27-06-2009 05:09 PM

كنت لسه بسأل فى التوكيل من يومين على موضوع زيت الفتيس للميجان يا تايلر.......و على فكرة......أنا غيرته قبل كده.

المهم أنى كنت بسأل واحد حبيبى هناك.....قالى أن مع تقدم عمر الفتيس مش بالضرورة أن تغيير الزيت يبقى أحسن....بل بالعكس ساعات بيؤدى الى نتائج مش ظريفة.

السبب حسب ما فهمت أن الفتيس بيكون تعود على نسبة لزوجة معينة للزيت اللى بيقدر يتعامل معاها و بالتالى لو أنت حطيت زيت جديد ( لزوجته أعلى = أتقل ) الفتيس ممكن تبتدى تبان عيوب فيه.

الكلام على العربيات اللى ماشية كتير.

**Ahmed Selim** · 28-06-2009 12:36 AM

صح الكلام يا باشا

**hossam_yazeed** · 28-06-2009 01:36 AM

انا مش عارف اعمل ايه دلوقتي . انا الحمد لله مفيش اي مشاكل عندي في الترانسميشن بس الواحد بيقول ان تغير الزيت اجراء وقائي

**Ahmed Selim** · 28-06-2009 09:59 AM

حسام باشا..........متعملش حاجة غير أنك تروح التوكيل أو اى حد بتثق فيه و تخليه يكشفلك على الزيت...........لو الزيت محروق ( خفيييييف أوى و لونه قرب يبقى أسود ) يبقى غالباً هيقولولك غيره.......لو كويس يبقى خليه.

لو مش عاوز تروح التوكيل قولى حضرتك ساكن فين و العربية أيه و لو أعرف حد قريب منك و ثقه هقولك.

-

الموضوع: حقيقت زيت الجير بوكس الي مبيتغيرش

LinkBack

أدوات الموضوع

عرض

-

-

-

-

-

المواضيع المتشابهه

زيت الجير بوكس

الجير بوكس؟؟؟!!!!!

زيت الجير بوكس

زيت الجير بوكس

الجير بوكس (الفتاس) باظ

الكلمات الدلالية لهذا الموضوع

المفضلات

المفضلات

ضوابط المشاركة