صوت خبط عند الفرملة

**abo_lamar** · 27-06-2009 01:15 AM

السلام عليكم ورحمه الله وبركاته

معلش يا جماعة انا ضايقتكوا بأسئلتي لكن باين اني اشتريت عربية مقلب لأني كل شوية بلاقي فيها مشكلة ..
المهم انا لاحظت اني لما اكون طالع مطلع واجي ادوس فرامل بسمع صوت خبط من تحت بس مش عارف جاي من العجل ولا منين ..وده في المطالع بس لكن لما بكون في طريق عادي مستوي او حتى في منزل مابيحصلش اي صوت عند الفرملة .. ممكن حد يعرفني ايه المشكلة بالظيط ... وشكرا .

**Esam Mosaad** · 27-06-2009 11:05 AM

نفس الموضوع عندى وممكن لو كاسر كمان
وسعات من غير فرامل
ياريت حد يقدر يفدنا

**MoMohsen** · 27-06-2009 01:05 PM

هو اللى عندك ليه اكتر من سبب مبدأيا اكشف على قواعد الموتور....حاول تفتح الكابوت و تحرك الموتور للامام و الخلف لو لقيته اتحرك معاك تبقى قواعد مو تور.
و ممكن تكون صوابع الكابلر و دية عبارة عن مسمارين بكوتش ماسكين دوشم الفرامل و بعد فترة الكوتش بيتاكل و بالتالى بيبقى حديد فى حديد و بيعمل صوت خبط فى الطبات الخفيف زى قواطع الكبارى مثلا او لو شارع مكسر.و للكشف عليهم فك العجله و حرك الماستر يأيديك لفوق و تحت و لو اتحرك و عمل خبط يبقى هو السبب.