السلام عليكم و رحمة الله و بركاته
اخوانى ساعدونى فى اختيار عربية زيرو
انا عايز اختار بين اللانسر 1300 كاملة مانيوال و ماتريكس كاملة مانيوال و اوبترا كاملة مانيوال
و ده لانهم نفس رنج الاسعار تقريبا
و شكرا لاهتمامكم
عرض للطباعة
السلام عليكم و رحمة الله و بركاته
اخوانى ساعدونى فى اختيار عربية زيرو
انا عايز اختار بين اللانسر 1300 كاملة مانيوال و ماتريكس كاملة مانيوال و اوبترا كاملة مانيوال
و ده لانهم نفس رنج الاسعار تقريبا
و شكرا لاهتمامكم
مفيش مقارنة طبعا
لانسر و انت مغمض
اعتمادية افضل بكتير من الهيونداي و الشيفرولية الكوري
توكيل افضل قليلا
سعر اعادة بيع اعلى و البيع اسهل
سيارة واسعة الانتشار يعني مش هتغلب في قطع الغيار و الورش و الصنايعية سواء جوة او برة التوكيل
و معمرة جدا و قطع الغيار بتعيش و تنساها اهم حاجة تعمل صياناتك في معادها و العربية هتمشي معاك زي الساعة
توكل على الله و انت مغمض
انا والدي معاه لانسر 1999 جايبها من الزيرو و انا كان معايا لانسر 2005 من الزيرو و اتزنقت سنة 2007 بعتها و اما ربنا فك الزنقة ما لقيتش احسن منها في رينج السعر و جبتها تاني 2008 بومة :)
هو طبعا الانسر احسن واحدة فيهم لكن كثرت اوي بصراحة و كفاية عليها كدة ممكن تفكر في الصني
خليك في اللانسر
بيرسونا أوتوماتيك فول أوبشنز ب 91000:
شكل رائع و إنسيابى جدا
موتور قوى 110 حصان
ثبات أكثر من رائع
كماليات كتير جدا على السعر ده:
1 2إير باج
2 كاسيت بلو بنكت mp3وأربع سماعات
3 طارة إسبور مع مالتى فانكشن
4 جنوط إسبور 15 205/60
5 فوانيس شابورة أمامى
6 فانوس فرامل خلفى
7 زجاج حرارى خلفى
8 4 زجاج كهربا
9 2 مرايا كهربا بلون العربية
10 سنتر لوك بيقفل أوتوماتيك أول ماتطلع بالعربية وتدوس فرامل
11 2 مفتاح ريموت و بيفتح الشنطة
12 كمبيوتر رحلات
13 باور بيفصل أوتوماتك بعد 90
14 إمكانية طى الكنبة الخلفية وتبقى جزء من الشنطة
15 فتح الشنطة والتانك من الداخل
16 إمكانية التحكم فى درجة إضاءة التابلوه
....*أهم حاجة
*علو العربية عن الأرض 16.5 سم
*وزن العربية 1200 كجم يعنى ثبات
*تابلو أكثر من رائع
*إستهلاك بنزين 6.8 لتر لكل 100كم بالنسبة للأوتوماتيك
*صاج العربية سمكه 0.8
بس عيوب التقفيل بتتصلح فى صيانة 1000
فكر برضه فى البرسونا
توكيل جيد
قطع الغيار مش غالية زى اللانسر
موجودة بره التوكيل
نسيت أقولك إن فيها abs& ebd
انا شايف الاوبتر افضل اختيار حضرتك كاتبوا
اللانسر 1300 مافيش جد جابها الا وقال ان سحبها مش حلو ابدا ... وبيتمنى انو كان زود وجاب الــ1600 ...
وكمان الــ1300 تقيله فى البيع(اللى هى تعتبر اهم ميزه بشوفها فى اللانسر)
الماتريكس ... انا شايف ان الكيا كارينز منافس قوى وليها وافضلها عنها
تحيـــــــــــــــاتــــى
شكرا ليكم يا اخوانى
لكن انا بحب اركب عربية منتشرة
و ده غير متوفر فى الكيا و بروتون
و لاتالى ايه رأيكم لو قررت على الماتريكس
اللانسر طبعا و عن تجربة ل 1300 مانيوال لمدة 6 سنوات خرافة رائعة. مش محتاجة مقارنة اصلا