لأ متخلوش بالكوا بقي !

**نور القمر** · 27-06-2009 12:05 PM

مش احنا بس الوحشين هم كمان اوحش ويمكن هم اللي بدأوا وخلقوا العداوة بينا
لو الكل يمشي عدل احنا وهم حالنا كلنا هايتعدل
ماينفعش طرف واحد يبقه كويس والطرف التاني لأ
لازم الطرفي يتغيروا في وقت واحد

**MoToRiZeR** · 27-06-2009 01:37 PM

المشاركة الأصلية كتبت بواسطة ams

على بابا و روبن هود ابطال و لا حرامية ؟
هل حلال انك تسرق الحرامى ؟

يا باشا روبين هود كان بيسرق من الغني و يدي الفقير
المتهور و المخطئ علي الطريق بيسرق الغني (الحكومة) و الغلابة برضه (الملتزمين اللي لهم حقوق في الطريق) و مقضيها بلطجة .
يعني أحمد عز مش روبين هود .

المشكلة إن مفيش "إحنا" اللي هو السائقين ... و "هم" اللي هم الحكومة ! مينفعش نستخدمها "لوكشة" واحدة !

لأن "إحنا" فينا ناس كتير جداَ .. منهم الملتزمين و المتهورين .. و انا واحد من الناس مبحبش أتحسب مع "إحنا" لأني قبل ما يكون لي مشكلة مع "هم" .. فا لي مشكلة كبيرة مع جزء من "إحنا" اللي ناهبين حقي في الطريق !

و "هم" فيه منهم جزء كبير عنده ضمير و بيدور علي مصلجة الناس .

يعني اللي فاكر إنه "بيشتغل" الحكومة و بيجري زي ماهو عايز و عارف مكان الرادار أو عرفه من حد و أول ما الرادار عدا راح فاتح و صاروخ .. و راح عامل حادثة مع واحد زيه ماشي عالطريق .. يبقي اللي نصحه ده و قاله علي مكان الرادار مشترك معاه في الخطأ ولا لأ .. و كمان خلص حقه مع الشخص الغلط .

**Eng. Rafy Samy** · 27-06-2009 02:01 PM

اظن ان اللينك ممكن يرد على حاجات كتير من غير مجادلة
http://nilemotors.net/Nile/showthread.php?t=82393

شوفوا الفيديو

**M.Osman** · 28-06-2009 02:40 AM

اللي بيحترم بيحترم نفسه مش بيحترم ناس مايستحقوش الإحترام اصلا ومعاهم سلطة يقرفوا بيها الناس

بس كدا
و الله العظيم في شوارع هنا في المنصورة كتييير مقيهاش عساكر و مرور خالص (عبارة عن غابة بجد) انا بمشي فيها محترم عشان لو لا قدر الله حصل حاجة يبقى البيه اللي جاي غلط هو اللي غلطان وش!
دا غير الحزام اللي الحمد لله انقذني النهاردة من اني كنت اتخبط في الدركسيون خبطة جامدة ... ودا كان داخل المدينة

مش عارف بجد الواحد يعمل اية في اللي اتعود على الغلط و مش عاجبه لما يتاخد مخالفة؟؟ يمكن الفكرة انه اصلا "اتعود" و خلاص مينفعش تغرس فيه قيم من جديد!