-
لأ متخلوش بالكوا بقي !
في المنتدي و في الحياة من خلال محيط أصدقائي و معارفي دائماَ ما أسمع جملة "خللي بالك .. دول شادين حيلهم اليومين دول أوي!"
أقول هم مين ؟ يقولي المرور !
و دائماَ الحديث بصيغة إحنا و هما .. و كأن إحنا تحولنا لمجموعة حرامية بنحذر بعض من العسكر .. و مستنيين اما يناموا و نشوف شغلنا إحنا بقي !
يعني انا عايز أفهم هل تجوز النصيحة (أخلاقياَ) في الفساد !؟ يعني إن واحد يقولي متاخدش الحتة دي عكس اليومين دول أو متجريش اليومين دول عالطريق الفلاني عشان فيه بوليس مش عشان ده أصلاَ غلط .
هل إحنا المفروض نخلي بالنا عشان النظام و الأمان و حياة الناس اللي في العربيات و الشوارع .. ولا بنخلي بالنا عشان رخصنا تفضل في جيوبنا و فلوسنا في الجيب التاني في أمان و برضه نجري براحتنا .. يعني يزعل في إيه إن واحد بيقود بسرعة غير قانونية يتاخد غرامة ؟! إيه نوع الإفترا اللي في كدة !؟
تذكرت جملة قريتها كان كاتبها أحد الأشخاص علي فيس بوك كان بيقول :
" الفساد لم يعد ظاهرة نعاني منها .. بل أصبح رابطة تجمعنا !"
و انا مقصدش أي حد بكلامي ده عشان لو كان حد كاتب موضوع يقول فيه خلوا بالكوا ولا حاجة .. ده كلام عام و أرجو محدش يزعل مني لأن انا بسمعه من ناس كتير.
تحياتي .
-
انا رايي نمشي كويس وناخد بالنا برضو مفيش مانع يعني اعمل الي ليك والي عليك
وفعلا التعاون علي الفساد انتشر واخلاقيات الناس اتغيرت
علي راي ابويا نقلا عن احد الشعراء
(نعيب زماننا والعيب فينا ........وما لزماننا عيب سوانا)
-
انا رايي اني خلي بالك مش مقصود بيه اني اعمل الخطا و افلت من العقاب اكيد المقصود بيه اني مقعش في الخطا اللي يوقعني تحت طائلة العقاب و بعدين احيانا سلطة العقاب تكيل بمكيالين و ان كان مش احيانا غالبا اي ما يعتبر خطأ بالنسبة لحضرتك تغمض عنه الاعين بالنسبة للغير و احتمال يكون ده سر التوتر الناشئ بين المنفذ و المنفذ عليه و اخيرا برده انتم و انا لازم نخلي بالنا
-
انا عارف يا جماعة إن لازم نخلي بالنا انا بتكلم في إن اللي بيتحصل عليه غرامة مثلاَ
بييجي يقول خلي بالكم بحرقة قلب و كأنه نوع من الإفترا إنه إتحررله مخالفة ! مع إنه مخالف فعلاَ !
يعني انا واحد صاحبي إتمسك رادار علي 160
جي يقولي منا كل مرة بسافر علي 160 و أكتر مبيحصلش حاجة .. انا شكلي كدة واخد عين ! هي عين بنت لذينة !
-
احنا محتاجين نتربى من جديد
-
احنا محتاجين نتربي من جديد
ههههههههههههههههههههههههه ههههه
-
طب ما هو برضه ليه تدفع غرامه من رادار غبي و قوانين معتوهه و انت علي سرعه 109 او 105
-
انا دايما بردد الجملة دي لأصحابي
لما بشوف واحد بيعمل غلط مروري من اي نوع ، مشي عكسي، كسر إشارة ، مشي بدون نمر، تهور.......وحتى اللي بيرمي مخلفاته من شباك العربيه (سجاير مناديل زباله إلخ...) واشتمه واقول (دا حمار)
ياترى هاقول على نفسي ايه لو عملت نفس الحركة بتاعته؟؟؟؟
اللي بيحترم بيحترم نفسه مش بيحترم ناس مايستحقوش الإحترام اصلا ومعاهم سلطة يقرفوا بيها الناس
-
كلام سليم تمام
و حتى لو فيه كوسة ...... و أحنا متأكدين إن فيه كوسة .
بس لو الدنيا سابت خالص ...... البلد هاتبقى فعلا غابة .
و أنا مش مع الكوسة ......... و لكن مش مع الفساد اللي مبرره ان فيه كوسة
لم أشوف واحد بيسرق ...... ده مش مبرر لي أني أسرق زيه .
و الإلتزام بالسرعات الخاصة بالطريق هو للحفاظ على حياتي .
بغض النظر عن الهدف من الرادار إن كان تحصيل أموال أو فعلا هما بيفكروا فينا .
لما أمشي عدل ...... محدش بيكون لي عندي حاجة و محدش يقدر يوقفني يقولي أديني الرخصة علشان أنت أتجاوزت السرعة .
صح ......... و المثل البلدي بيقول ..
أمشي عدل يحتار عدوك فيك
-
على بابا و روبن هود ابطال و لا حرامية ؟
هل حلال انك تسرق الحرامى ؟
Content Relevant URLs by
vBSEO 3.6.0 PL2