رقم العضوية : 4703
تاريخ التسجيل : 21Jan2008
المشاركات : 17,465
النوع : ذكر
الاقامة : alex
السيارة: none
السيارة[2]: lada samara 1990
دراجة بخارية: none
الحالة :
بيتهيالي كفايه عدم ثقه في البلد بقي علشان كل ما حد يقول اصل حصل كذا بره نرجع نقول اصل احنا معندناش
سوري يا جماعه لو اقولكم اللي مش عاجباه البلد ميقعدش فيها
لو السفر لامريكا ارض الاحلام صعب
ففيه مليون دوله تانيه السفر ليها ساهل
الخبر دا موجود علي المنتدي من فتره
بس تقريبا الموضوع ده حصل في السعوديه
وناقل الخبر حور فيه وقال انه حصل في مصر
لرفض إعادة سيارة معيبة
تغريم حسن أبو الفتوح وموظف بشركته 200 ألف جنيه
السبت، 16 مايو 2009 - 15:50
شركة دايو موتورز إيجيبت
كتب محمود سعد الدين
قضت المحكمة الاقتصادية بتغريم كل من حسن حسام أبو الفتوح رئيس مجلس إدارة شركة دايو موتورز إيجيبت ونبيل يواقيم عبد المسيح مدير عام الجودة والإنتاج بالشركة بغرامة مائة ألف جنيه لكل منهما، وذلك كأقصى غرامة نص عليها قانون حماية المستهلك رقم 67 لسنة 2006.
وجاء الحكم بناء على شكوى تلقاها جهاز حماية المستهلك من أحد المستهلكين يتضرر فيها من شرائه سيارة إسبرانزا من شركة دايو موتورز إيجيبت اكتشف عقب استخدامها وجود عيوب فى التكييف وأماكن الدواسات وتخبيط فى العفشة ورغم قيامه بالصيانة للسيارة بمركز خدمة الشركة أكثر من مرة إلا أن العيوب لا تزال موجودة.
وذكر جهاز حماية المستهلك، فى بيان له اليوم، أنه قام بالتأكد من صحة الشكوى من خلال إحالة السيارة لمركز الاستشارات الهندسية بكلية الهندسة بجامعة عين شمس والتى أكدت أن السيارة تحتاج إلى تغيير لأن العيوب الموجودة بها غير مقبولة وأن السيارة غير سليمة وتقع مسئولية العيوب على الشركة المصنعة.
وأكد الجهاز أن لجنة السيارات التابعة له والتى تضم عدداً من الخبراء قامت بجهود ومحاولات لحل الشكوى ودياً مع الشركة إلا أنها رفضت الاستجابة .وشدد عمرو فهيم المدير التنفيذى لجهاز حماية المستهلك على أنه تم اتخاذ الإجراءات القانونية تجاه الشركة بعد رفضها الاستجابة لقرار الجهاز فى استبدال السيارة المعيبة وهو ما يضر بمصالح المستهلك وحقوقه التى نص عليها القانون رقم 67
لسنة 2006، حيث تم إحالتها لنيابة الشئون المالية والتجارية والتى قامت بدورها بإحالتها للمحكمة الاقتصادية والتى قضت بتوقيع أقصى عقوبة نص عليها قانون حماية المستهلك ضد رئيس الشركة ومدير عام الجودة والإنتاج بالشركة.
لا تحزن إذا فاتك قطار الزواج، فلأن يفوتك القطار خير من أن يدهسك..
---------------------------------
رقم العضوية : 17535
تاريخ التسجيل : 30Aug2008
المشاركات : 1,584
النوع : ذكر
الاقامة : mansurah
السيارة: بدور
السيارة[2]: كتير اوى - ولسة ان شاء الله
الحالة :
اسمحلى
كفاية عدم ثقة فى البلد ؟؟؟؟؟؟؟؟؟؟ الكلمة دى غريبة اوى
هل انت عندك ثقة فى بلدك ؟؟؟؟؟؟؟؟؟؟؟
انا صحيح الحمد لله محصليش حاجة ربنا يستر ويكملها على خير
بس بسمع وبشوف كتير اوى وفى التليفزيون كمان على الملأ
ظلم ومحسوبية وتفرقة بين الناس على حسب النفوذ او الفلوس
تيجى منين الثقة وانت بتسمع كل الحاجات دى
يمكن انت محصلكش حاجة منها وربنا يبعد عنك اى شر
بس لو جربت مش هتقول كدة ابدا ......... انا لما كنت بسمع القصص دى كنت بتخيل نفسى مكانهم
ياريت انت تجرب نفس الموقف اللى حصل فى السعودية دة وتشوف رد فعل الشركة اية وجرب ترفع عليهم قضية وشوف رد فعل البلد اية
مش معنى كلامى انى مش بحب البلد .... بس هى دى الحقيقة
وكلمة اللى مش عاجبة البلد ميقعدش فيها دى جامدة اوى
كلنا بنحب بلدنا بس لو خيرت الناس تقعد فيها بالمنظر دة ولا تسيبها هتقول نسيبها واحنا برضو بنحبها
ببساطة لان مفيش امل فى الاصلاح وبكرة تشوف
ياراجل دة فى السعودية بيحصل كدة وبيشتكوا من انهم مظلومين فى بلدهم
امال احنا نعمل اية بقى
اكثروا من الإستغفارفكل ابن آدم خطاء وخير الخطائين التوابون
المفضلات