برجاء التكرم بشرح كل انواع البوليش ( بوليش الملمع - بوليش الخدوش - بوليش الشمع - بوليش المعجون )
كيفية واسباب استخدامهم..؟
افضل الانواع الموجود في السوق..؟
متوسط سعر كل نوع ..؟
مدى فاعلية البوليش في إزالة الخدوش ..؟
وشكراُ
عرض للطباعة
برجاء التكرم بشرح كل انواع البوليش ( بوليش الملمع - بوليش الخدوش - بوليش الشمع - بوليش المعجون )
كيفية واسباب استخدامهم..؟
افضل الانواع الموجود في السوق..؟
متوسط سعر كل نوع ..؟
مدى فاعلية البوليش في إزالة الخدوش ..؟
وشكراُ
اضم صوتى لصوت حضرتك و منتظر الأجابه معاك :)
ايه مفيش حد عارف حاجة عن البوليش ..؟؟؟؟؟؟؟!!!!!!!!!!
waitin also
يا قوم افيدونا ارجوكم
هو مفيش حد هنا ولا ايه..؟
طلع مفيش حد يعرف حاجة عن البوليش ..!!
حاجة غريبة فعلاً
يا فرحة منتديات طنط ظاظا فينا
البولش واحد وفكرته واحده بس هو في منه مركات وشركات في منها المصري اسمه(ميدو)في علبه لونها برتقاني وسعره حوالي 5 جنيه وده هتلاقيه عن بتوع الحدايد والبويات
وفي بولش امريكي وفي الماني بس مش متذكر اساميهم وده هتلاقيه اكثر في كارفور وهايبر او الماركت اللي موجود في البنزينات زي اون ذا رن مثلا وده سعره غالي شويه
هتلاقي في بولش سائل(اسبراي)وفي منه معجون
وظيفه البولش تلميع السياره من الخارج وازاله طبقه البهتان المتراكمه علي البويه نتيجه الشمس والاتربه وخلافه...
بولش الخدوش اسمه(كومباوند) وده هتلاقيه معجون ملمسه خشن ووظيفته ازاله الخدوش السطحيه او ازاله لون من علي لون اخر زي مثلا لو عربيه حكت في عربيه تانيه واخدت جزء من البويا
لكن مش هيعمل اي حاجه مع اي خدش واصل للصاج او حتي واصل للبطانه
وده بيعتمد علي انه زي صنفره بتاخد جزء من البويا(تسيح البويا) تغطي بيها الجزء اللي بيها خدش خفيف.
بولش الشمع:هو اسمه شمع بس وده بردو انواع
في منه شمع سائل وفي شمع معجون زي البولش
اهميه الشمع ده انه بيعمل طبقه عازله علي بويا الصاج بتحميه من تاثير العوامل الخارجيه زي الشكس والتراب والخدوش وده بيتعمل كل فتره
بس مهم اوي لو عاوز تحافظ علي بويا الفابريكه بتاع العربيه
الافضل الشمع الامريكي(هاي شاين)عن تجربه شخصيه وده سعره تقريبا 30 جنيه
معرفش بصراحه بولش المعجون ده قصدك بيه ايه
اسباب استخدمهم:
البولش :لما احس ان دهان عربيتي بهت او لمعه الميتالك راحت بستخدمه عشان ارجع زهوه ولمعان الدهان
الشمع:بستخدمه عشان اعمل الطبقه العازله دي واحافظ علي دهان سيارتي واشوفها دايما بلمعتها الجميله
علي فكره بولش ميدو المصري مش وحش انا نفسي بشتغل بيه بس بعمله مع خلطه تانيه بتخليه فعال جدا
لكن هتلاقي في الماركت او محلات الاكسسوار انواع كتييير ممكن تجرب اي واح فيهم
المهم تعرف طريقه استخدام النوع اللي هتجيبه
لان بيختلف من نوع لاخر.
شكرا
عايزين سر الخلطه
شكرا يا تيمو بس البوليش بتاع الخدوشات بيستخدم إزاى