مسجد الشرطة من اسكندرية الزراعى

عاوز اروح مسجد الشرطة اللى فى صلاح سالم من القاهرة اسكندرية الزراعى

أقرب طريق هو ..
صعود الطريق الدائري في اتجاه المرج مدينة نصر المعادي
نزول مخرج مدينة السلام
طوالي في شارع جوزيف تيتو حتى الكلية الحربية
ثم يسار في يمين مع بداية صلاح سالم
طوالي في صلاح سالم حتى مسجد الشرطة
وهذا معناه صعود كوبري الجلاء ثم نفق الميرغني ثم نفق العروبة ثم كوبري العروبة ثم كوبري الفردوس ثم تحضن يمين علشان تلاقي ركنة وتوصل بالسلامة ..

الطريق البديل الأول (لا أحبذه ) .. استكمال الطريق الزراعي حتى عبود
بعد النزول من كوبري عبود الالتفاف يميناً لأخذ نفق عبود
استكمال طريق ترعة الاسماعيلية حتى كوبري مسطرد
الالتفاف يميناً ثم سلوك شارع السواح حتى ميدان السواح
يميناً حتى ميدان الحدائق
صعود كوبري الحدائق
سيقابلك كوبري الفنجري لا تصعده
ادخل صلاح سالم من تحته وطوالي مسافة 4 كم مع صعود كوبري العروبة ثم كوبري الفردوس فقط

الطريق البديل الثاني : (مبيتوهش لكن في الزحمة )
الكورنيش حتى عبد المنعم رياض
صعود كوبري أكتوبر للنزول في شارع رمسيس
يميناً من عبد الخالق ثروت إلى ميدان الأوبرا
سلوك نفق الأزهر أو كوبري الأزهر حتى صلاح سالم
الدوران من تحت كوبري الفردوس للعودة في الاتجاه المقابل
مسافة 300 متر حتى مسجد الشرطة

وتوصل بالسلامة

يااااااااااه
دا انا كدا همشي مصر كلها
هو مع انى تهت شوية من الوصف
بس شكراًَ بجد ليك
على فكرة انا كمان اسمى احمد سمير
شكراًَ يا باشا