عرض للطباعة
بصراحة العربية دى مش عجبانى اساساً بس جوز اختى معجب بيها جداً وعايز يشتريها انا عمال اقولو بلاش جيب عربية تانية انضف وهوه بالعكس بيقولى العربية دى محترمة جداً وناس كتير بتشكر فيها
يسلام بأه لو حد من الاعضاء عاندو العربية الجميله دى ياريت يقولى ايه مميزاتها وعيوبها ولو اى حد من الاعضاء عاندو خلفيه عنها ياريت يدينى تقرير مفصل واكون شاكر جداً ليكو
برافو عليك
عربية مش حلوة هيا قوية اه و توكيل محترم جدا بس غالية شويتين لانها مش فخمة خالص
الجيب الصيني في منو كتير و احلي من دي
في الاندروك و الكومودو والتيجو
فعلاً انا اولتلو كده عندك كمودو انضف منها بس مفيش فايده تعمل ايه بأه كل واحد ودماغه
مفيش اى عربية جديدة فى سعرها هتعمل اللى بتعملوة الماهيندرا:
http://www.youtube.com/watch?v=tUiKHnSUvLo
جميل طيب فين التقارير بتاعتكو
إيه يجماعه فى إيه الواحد كده هايبتدى يغير فكرتو عن الموقع ده بأنا قولت أول اما احط الموضوع هلائى علطول الكل بيساعدنى وبيدينى تقارير عشان اعرف حقيقة العربية دى إيه وحتى الان مفيش غير عضوين بس همه اللى ردو عليا بس مادونيش اى معلونه بس انا شاكر ليهم جداً على مرورهم
شوفولى حل بأه للموضوع ده انا محتاج مساعدتكم يجماعه
لو حد معاه او جربها اكيد هيفيد حضرتك
وعلى فكرة ده منتدى مش موقع
'طيب ماتحط الموضوع فى قسم الصينة وفى ناس معاها العربية وهترد عليكاقتباس:
المشاركة الأصلية كتبت بواسطة karaktar
بص في 3 ملاحظات سلبية عن العربية دي , 2 منهم من خلال واحد صاحبي و التالتة من مهندس صيانة في البافارية
1- عزل الأرضية فيها غير جيد فلما كان بيطلع سفرية والجاكمان يسخن قوي كانت بتبقى ارضية العربية حتولع و تحس بحرارتها حتى لو أنت لابس جزمة بكعب , بس التوكيل (القاهرة) قام بعمل عزل للأرضية مجانا لما اشتكى
2- الفتيس بيرعش رعشة غير طبيعية لما بيعشق الترس التالت
3- في الصيانة في ناس كتير كاسرة مقصات او أجزاء خاصة بالعفشة لكل الملاك الشباب , لأنهم بيعاملوا العربية على إنها تبيكال SUV بينما عفشة العربية من ناحية المتانة متواضعة جدا مش بتاعة طحن OFF-ROAD صحرا و جبال و سافاري هي حتى مش 4X4
دي كل السلبيات اللي سمعتها عنها
أما الإيجابيات
العربية ناعمة جدا وتكاد لا تشعر بمطبات الطريق وواسعة بشكل غير مسبوق في الـSUV's اللي في مصر , واستهلاكها في البنزين مشكور من ملاكها
أما رأيي الشخصي, العربية تصميمها الخارجي سيئ وفقيرة جدا جدا في الاوبشنز وتخلوا من وسائل الآمان
انا مش عارف ليه لما بشوف العربيه دى بيركبنى العصبى شكلها وحش قوى
التيجو افضل منها بمراحل و ارخص كمان لكن المهايندرا شكلها غبى جدا و فقيرة جدا من الداخل فى الخامات و التقفيل
والله فعلاً بسكوته أفادكم اللهاقتباس:
المشاركة الأصلية كتبت بواسطة baskota
أنا شاكر جداً لكل من أفادنى حتى الان
وكل من رد عليا
انا الصراحه معرفش هى كويسه ولا لأ ممكن تبقى كويسه
بس شكلها مستفز
ومادام هى عاجباه يبقى خلاص يتوكل على الله
لأن اكيد هو عارف انها صينى او تقريبا هندى
يعنى ميزعلش لو اتفاجأ بحاجه فيها
وان كان طبعا من الأفضل زى مافى أعضاء اقترحوا عليك
يبص على الكومودو او التييجو
عشان منتشرين أكتر
عموما بص على الموضوع ده
http://www.nilemotors.net/Nile/showthread.php?t=34383
The Mahindra is INDIAN not chinese