غبور عملها - الالنترا ب 126 !!!!!!!!!!

**Hacker5** · 27-06-2009 11:41 PM

خليهاله يركبها هوا
المفروض لو عايز ينافس السيراتو ينزل سعر الالنترا
بس لاء استحالة دة غبور برضو يا جماعة و دى مش حاجة جديدة عليه
اهم حاجة يسيب الفئات الاولى و مايلعبش باسعارها عشان يعرف يبيع فى الظروف دى

**bassam nagy** · 27-06-2009 11:49 PM

ياريت ياجماعة نعرف كمالياتها اية
ممكن يكون منزلها زى كماليات افانتى

**Samir Elshahawy** · 28-06-2009 12:28 AM

مش مهم أنه منزل فيها abs و وسائد هوائية المهم التكنولوجيا بتاعتها أيه ؟ ما اللانوس الكوري فيها الحاجات دي بس تكنولوجيا قديمة مش زي اللي موجودة في السيراتو مثلا و لا أنتوا ماتعلمتوش من درس السوناتا اللي نزلها الاخ غبور

ياجماعة فوقوا للنصبة اللي بتتعمل علينا و دققوا في الخامات و الكماليات دي عاملة ازاي و بطلوا تجروا ورا كل حاجة يقولوا لنا عليها و ألا مانتكلمش بقي عن الاسعار و وسائل الامان مش أي حاجة يرموها لنا نقبل بيها

**seaman** · 28-06-2009 01:05 AM

المشاركة الأصلية كتبت بواسطة se_coralsea

مش مهم أنه منزل فيها abs و وسائد هوائية المهم التكنولوجيا بتاعتها أيه ؟ ما اللانوس الكوري فيها الحاجات دي بس تكنولوجيا قديمة مش زي اللي موجودة في السيراتو مثلا و لا أنتوا ماتعلمتوش من درس السوناتا اللي نزلها الاخ غبور

ياجماعة فوقوا للنصبة اللي بتتعمل علينا و دققوا في الخامات و الكماليات دي عاملة ازاي و بطلوا تجروا ورا كل حاجة يقولوا لنا عليها و ألا مانتكلمش بقي عن الاسعار و وسائل الامان مش أي حاجة يرموها لنا نقبل بيها

انا متفق معاك فى الالنترا ..لم يعلن عن شكل جديد لها علشان السعر يعلى..
وثانيا وده الاهم احنا قولنا قبل كده ان السيراتو المفروض سعرها يقل شويه علشان كده كتير..لكن احنا اللى عملنا وهنعمل فى نفسنا كده..
لو نتانى شويه فى الشراء ونتحد ...ممكن نركب سيارات احسن بكتير

**osos_lion** · 28-06-2009 02:47 AM

علفكره لو اي توكيل من الي فمصر دول بره مصر
ونزل العربيات ام منغير عوامل امان والي كلنا ركبنها
محدش هيشتريها منو اصلا لانو يعتبر بيعرض حياه الناس للخطر
لان عوامل الامان دي بقت نازله فلعربيات ام تلاته جنييه
معدا هنا مش عارف ليه ومحدش يقولي الفئه والجمارك والسعر هيزيد
معندكو الحجات التجميع محل والي بيكسبو فيها جامد مبتزلش برضو غير باحدث حاجه وصلنالها وهو حزام الامان والي معظم الناس بتلبسو اصلا عشان المرور مش اكتر
والي يحرق الدم ان العربيات بتكون نازله ستاندرد بيها بس توكيلاتنا المحترمه بتطلبها منغير الحجات التافهه دي اصل دي معموله منظر والير باج دي عشان ننفخها لعيالنا يلعبو بيها بدل البلالين فنجبها ليه من اصلو
علفكره ده للاسف حال معظم التوكيلات

**احمد عز** · 28-06-2009 03:28 AM

حتصدى وموديلها حيعدى

**compuland** · 28-06-2009 08:27 AM

ياجماعه
ديه سياسيه فى البيع
وكل واحد وليه السياسيه بتاعته
المشكله فى المستهلك اللى بينساق وراء الشركات
من المعروف ان السوق المصرى مالوش ضوابط
ده بسبب المستهلك مش المستثمر

مهو لو لاقى ان مافيش حد بيشتريها بالسعر ده
حاجه من الاتنين
هايوقف تجمعيها ويرجع يجمعها تانى بس بسعر اقل شويه عشان المنظر العام للشركه
يأما هايخفض سعرها

وبعدين ما الفرنا نزلت الفين جنيه
يبقى لازم يعوض فرق المكسب ده
ولا هننهب بقى؟؟؟

**ashraf229** · 28-06-2009 09:12 AM

غبور ده مرزق.....و الله

يعني الالنترا بتاعته بتنزل من غير حتى فانوس الأستوب اللي عالأزاز الخلفي ولا ريموت و لا كاسيت أصلي و لا الهوا و غالية و بيبيع برضه شوف ازاي....!!!!

أنا مع الراي اللي بيقول بكرة في كل شارع هتلاقي واحدة ما الناس خلاص العشرتلاف جنيه عندهم كأنها غليت تلاته جنية خمسة و سبعين قرش....و على رأي المثل قلنا المصري بيحب ايه؟؟؟؟ههههه قولوا؟؟؟؟؟؟؟؟؟ الـــــــــــغالــــي تـــــمنه فـــــيه

و كفاية اني راكب هاي لاين غالية.......حاجة تشرف والله برافو!!!!!!!!!!!!!

**Ashraf_Ashraf** · 28-06-2009 11:53 AM

ايه ياجماعه غبور لقى السيراتو ب126 وبتبيع طيب مايرفع الالنترا زيها
واحنا كاشعب طيييييييييييييييييييييييي يييييييب هنشترى طبعا وكل ماتغلى هنشترى
عمركم سمعتم عن حاجه غليت امتنع المصريين عن شرائها ( دول بيجروا وراها لما تغلى اكتر )