أولا الف مبروك عليك العربية و أهلا بيك معانا في أسرة دايو
أما بالنسبة للتظبيط فأنا شايف انك تبدأ بالاساسيات الاول زي:
- تغيير السيور
- تغيير الفلاتر (زيت - بنزين - هواء)
- تغيير الزيوت (موتور - باور - فرامل - كشف و تزويد أو تغيير زيت الجيربوكس )
- تغيير مياه التبريد و غسيل دائرة التبريد
- الكشف علي تيل الفرامل و تغييره أن لزم
- الكشف علي البوجيهات و تغييرها و تغيير الاسلاك (أنصحك تغير)
- أكشف علي العفشة و المساعدين + تربيط العفشة
- ظبط التكييف و شحنه
- لو محتاج تغير الاضاءة الامامية ممكن تركب لمبات فروسر ألماني 200 + كتاوت تقوية
- الكاوتش أخباره أيه ؟؟؟ لو معدي ال 40000 كم يبقي لازم يتغير فورا
- شوف أستهلاك البنزين عامل أيه , و لو مش مظبوط يبقي شوف الرشاشات
- طبعا أنصحك بتنظيف البوابة
- ممكن تحط العربية علي أسكانر علشان تشوف لو فيه أي أعطال في دائرة الكونترول
بعد كده ممكن تدخل علي السمكرة و الدهان بس شايف أنك تسيبها شوية
طبعا الاخوة هنا ممكن يساعدوك في المكان اللي ممكن تروح له حسب محل سكنك و بالنسبة للتكلفة خدها واحدة واحدة مش ضروري كله مرة واحدة
و ربنا يوفقك و يكفيك شر الطريق
المفضلات