الموضوع: حد فهم حاجة من مقالة خالد أباظة النهاردة في أخبار السيارات .. ؟!

هو قال حاجة غريبة

انه كان شغال فى القسم الرياضى وسافر مع الفرق والمنتخبات المصرية خارج مصر كصحفى فى ألأخبار

يا ترى ايه اللى خله ساب القسم الرياضى وخدفه على قسم السيارات ؟

طب حضرتك قرأت مقال الاسبوع الماضى

حتى يشجع الناس على الشراء هدم كل ماكان يكتبه من شهور حتى يستطيع ان يقنع الناس بما يريده -هذا هو حال من ليس له مبادئ يسير عليها-
(بعد فترة طويلة من الركود والانهيار فى ارقام مبيعات مختلف شركات السيارات العاملة فى بلدنا والتى امتدت من اواخر 2008 حتى مايو الماضى... بدأت حركة البيع تتحرك وتتزايد)

والجملة دى كان كتبها من شهر او شهرونص تقريبا برضه عشان يقنع الناس بالشراء لكن يبدو انه لم يحقق الهدف المرجو بعد

(أى انتظار جديد لشهور أخرى قد ينتج عنه زيادة تدريجية فى الاسعار لاسباب عديدة من اهمها سعر العملة)

جملة مكررة أيضا وأصبحت مستهلكة ومش عارف اسعار يورو ايه ان كانت السيارات مركونة عند التجار اصلا من سنين

(وأعتقد أن الاسابيع والشهور القادمة سوف تشهد حالة استقرار ملحوظ داخل سوق السيارات وسوف يتزايد الطلب من المستهلكين على شراء العديد من الطرازات والموديلات الحديثة المعروضة حاليا بأسعار جيدة جدا بعيدة عن اى مغالاة فى الربح سواء من الوكيل او من التاجر وتكون بمواصفات متميزة وسعر بيع واقعى لا يشعر معه انه " انضحك عليه" وان الوكيل كان هو الرابح الاكبر من وراء صفقة شراء هذه السيارة هذا الكلام لم يعد له وجود فى سوقنا حاليا......هذا العام ليس ابدا عام الارباح وجمع الاموال بالنسبة لهم بل هو عالم استمرار الحياة بالنسبة لهم )

وهو يعترف الان بأن اسعار الوكيل مغالى فيها بعد ان كان يتكلم منذ شهور عن ان اسعار السيارات ممتازة الان ابح يقول انها كانت مغالى فيها كل ذلك لاستمالة جانب القراء ويجعلهم يتخذونه الناصح الامين للمشترين

( بل هو عام استمرار الحياة بالنسبة لهم وتجنب الدخول فى مرحلة الانهيار وغلق ابواب المصانع والشركات.... عام الحفاظ على جيش العاملين والموظفين والمسؤلين داخل كل توكيل وشركة )

ياحبيبى يابنى ياضنايا حال لسانه بيقول اتبرع ولو بجنيه

وفى النهاية ختم ب...
(أما اليوم فالمستفيد الاول والاوحد من وراء مايحدث هو الزبون الذى اصبح ملكا متوجا على عرش السيارات فى بلدنا له ان يأمر فيطاع ...يفكر ويتأنى....يختار ويحتار....يحدد طريقة الدفع سواء كانت نقدا او تقسيط ...بقدم او بدون ...هو صاحب القرار ...بأسعار مثالية وخدمة 5 نجوم - معنى كده انه زمان مكنش فيه خدمة- لم تكن متاحة ابدا امام اى زبون فى الماضى وكنا نراه يقف فى طابور طويل لحجز سيارة ولا يختار لونها فى بعض الاحيان ....وكان يدفع عشرات الالاف ازيد من سعرها -دلوقتى يعترف بذلك- )

كل الكلام الذى تحته خط لم اراه تحقق حتى الان ويبدو انه سوف يتحقق لما اتجوز واخلف والعيال يتجوزوا ويخلفوا ويجيبوا عيال يتجوزوا ويخلفوا ألخ إلخ الخ.......

وبعدين يعطى اخر تهديد للزبون -اللى هو زبون فعلا لو فكر يشترى- بالاتى
(أما الان فالزبون فى افضل واحسن وضع ممكن ...فلا تفرطوا فى هذه الفرصة الذهبية ...فقد لاترونها مجددا .... وتندمون على ضياعها من بين ايديكم)

والكلمتين دول كتبهم برضه بس من السنة الماضية وحتى الان مازال يكتبهم وانه هذه الاسعار فرصة ولن تتكرر والزبون عقله فى راسه يعرف خلاصه

عادي جدا ماهو ده نوع من دعاية النصب و جر الرجل المنتشرة اليومين دول و الحل بسيط جداااااا

خلوها تصدي ي ي ي ي ي ي

يا جماعة المشكلة أن الراجل زي ما أنتم قلتوا بالضبط و دة نظرا لعلاقات الصداقة اللي بتربطه مع مختلف التوكيلات ..
بالإضافة إلى أن الصحافة سواء بتاعته أو في الأهرام فأنا شايف انها صحافة فاشلة جدا جدا ..
و كمثال على كدة غير اللي ذكرتوه طبعا اللي شوفته في الملحق بعد المعرض كنت بقرأ موضوع عن عربيات الفورد المعروضة المهم الباشا سايب الفيستا و المونديو و الكا اللي الناس عايزة تعرف معلومات عنهم و عمال يتكلم في الفوكاس اللي مالية الشوارع ..
دة غير أن كان فيه فترة كان ماسك اللانسر البومة في آخر صفحة و هاتك يا كلام في كل عدد ..