حد فهم حاجة من مقالة خالد أباظة النهاردة في أخبار السيارات .. ؟!

**Mzeid** · 27-06-2009 07:04 PM

حد يا جماعة فهم حاجة من مقالة خالد أباظة النهاردة في أخبار السيارات ..
قال فيها أن فيها شركتين أوروبيتين بيحضروا لمفاجأة و أن فيه عربية هتتوزع على المواطنين في كل المحافظات ( الحداية مبتحدفش كتاكيت ) و خاض في الكلام دة ..
حسسني أنهم هيلفوا على البيوت و لو لقوا عند أم فاروق 4 أكياس برسيل هيبدلوهم بفيات برافو ..
و في آخر المقال قال أن العربية الجديدة ثمنها بين 200 و 300 ألف ..
أنا توقعت أنها دعاية مسبقة للأوبل Insignia أو طرح أول عربية ألفاروميو ..
حد فاهم حاجة من الفرقعة الصحفية دي ..
علشان مقالاته بتذهولني على الآخر زي ما كتب قبل كدة و قال مفاجأة و ينتظرها كل المصريين و .. و .. و .. و ..
قلت يمكن التاتا النانو هتنزل و ﻻ حاجة و في و ﻻ طلعت مفاجاة و ﻻ حاجة .. و طلع الإعلان عن قدوم السيارات الاستون مارتن ..

آسف على الإطالة ..

**أحمد كمال** · 27-06-2009 07:07 PM

قلتها من قبل و قالها الكثيرون

خالد اباظة هو دمية تحركها شركات السيارات

**amrnader** · 27-06-2009 07:43 PM

يا عم دا راجل هجاص درجة اولى ماشى بنظام "ابجنى تجدنى"

**mohelsherief** · 27-06-2009 08:19 PM

Maybe new Skoda Superb 1.4 TSI 125hp

**yehia** · 27-06-2009 08:21 PM

مش هو برده اللى كان قال قبل كده على مفاجأة مدوية حتقلب موازين السيارات فى مصر وطلع فى الآخر اتفاق على وكالة سيارة هولندية لم يسمع أغلبنا بها تصنع يدويا لصفوة صفوة أثرياء العالم ؟!!

**شاهين - بنز** · 27-06-2009 08:25 PM

كيد حيطلع أي حوار فاكس من حوارات العميل إللي بيبيع قلمه للي يدفع أكتر خالد أباظة

**أحمد كمال** · 27-06-2009 08:35 PM

يعني مش زعلانين من الاعلانات بتاعة اسكان فخم و حلا لمشكلة الاسكان سعر الفيلا يبدا من 2 مليون جنيه و جت على خالد اباظة الناظة كواناظة؟

هو فعلا ابجني تجدني

عموده عبارة عن اعلان مدفوع الاجر و واضحه اوي

كل العربيات عنده حلوة و اسطورة و فاجرة و جامدة و هتقلب السوق المصري و هتغير المقاييس و هتعمل اللي ما يعمل