زيارتى لسوق المصرية للسيارات للسيارات المستعملة
السلام عليكم
ده تقرير عن زيارتى لسوق المصرية للسيارات أمس الجمعة
-المكان على طريق الإسماعيلية الصحراوى (يوجد علامات إرشادية بعد مدخل مدينة العبور) خليك مع العلامات لحد ما تعمل U Turn وترجع فى إتجاه القاهره تانى.
- عند مدخل المكان الموجود فيه السوق _مش فاكر إسمه إيه http://www.masrmotors.com/vb/images/smilies/shyy.gif- يوجد مسجد صغير.
-يوجد رسم دخول 5 جنيه على السيارة.
-تدخل من البوابة وتاخد فى وشك علطول لا يمين ولا شمال (حتلاقى على شمالك فيلا مبنيه على ربوه عاليه متنساش تقول ما شاء الله لا قوة إلا بالله)
-تفضل ماشى مع العلامات الإرشادية لحد م تلاقى سور حجرى خد شمال.
-تمشى شوية تلاقى على يمينك بوابة كبيرة عليها طقم شباب لابسين فانلات بمبى http://www.masrmotors.com/vb/images/...0D5C8~1107.gif وكام واحد مجانس معاهم لاسلكى ولابسين أبيض http://www.masrmotors.com/vb/images/...120105~352.gif.
-جالنا شاب بمبى وقالنا إنتو حاجزين http://www.masrmotors.com/vb/images/...09C207~188.gif قولناله لأ قال ما ينفعش تدخلوا لازم حجز http://www.masrmotors.com/vb/images/...120102~318.gif قلتله إيه بقه مصير الخمسه جند اللى إنتو أخدتوهم http://www.masrmotors.com/vb/images/..._28[1].gif صاحبى اللى معايه طلع ناصح قاله إن إحنا حندخل العربيات فى زيروhttp://www.masrmotors.com/vb/images/...018A1D~146.gif قام صاحبنا جرى عمل تليفون ودخلونا علطولhttp://www.masrmotors.com/vb/images/smilies/Bravo.gif.
-قبل ما ندخل خدوا مننا الرخص وإدونا رقم.
-على فكره إحنا كان معانا عربيتين بحالة الزيرو صنى 2008 وإلنترا 2008.
- تدخل جوة تلاقى ممر طويل وعلى يمينك وشمالك مظلات تحتها عربيات زيرو.
-جوة شوية تبدأ تلاقى المستعمل وفيه عربيات للإنتقال الداخلى شبه عربيات الجولف كده.
- ركنا تحت مظله وجالنا واحد بمبى وقال لنا إكتبوا بيانات العربية فى ورقة علشان المهندس ييجى يشوفهم قلناله مفيش نموزج نملاه قال لأ http://www.masrmotors.com/vb/images/smilies/brn.gif.
- العربية لازم تكون موديل 2000 على الأقل.
- المهم خد الورق وجه المهندس شاف العربيات وطبعاً لا طلب تقرير التوكيل زى ما مكتوب فى الإعلان ولا حاجه وقا لنا إنتو عايزين كام فى العربيات http://www.masrmotors.com/vb/images/...a6d[1].gif.
- قلناله إنت المفروض اللى تقيمهم؟
-قال طب عايزين تعملوا إيه تبيعو بس ولا تدخلو فى زيرو؟
-قلناله هو نظام السوق هنا إيه؟
-طلع النظام كالأتى:
- لو حتدخل فى زيرو بيقيم العربية بتاعتك ويحسبلك الفرق اللى حتدفعه وتبقى عربيتك بتاعته يعرضها لحسابه بالسعر اللى هوه عايزه.
- لو حتبيع عربيتك بس بتبقى منك للى بيشترى وإنتا وشطارتك وبيخدوا 1.5% سمسره من البائع و 1.5% من المشترى.
- المهم علشان العربيات حالتها زيرو ولقطةhttp://www.masrmotors.com/vb/images/...0D5C8~1107.gif قام الراجل مودينا للى أكبر منه وكان مدير فرع مصر الجديده.
- دخل معانا فى حوارات كتير وعرفنا إنهم مش بيقسطوا تقسيط مباشر ولازم عن طريق بنك ومن البنوك اللى بيتعاملوا معاها بنك أبو ظبى وده على حد علمى بنك إسلامى.
- المدير إستئذن علشان يعمل كام تليفون قبل ما يدينا سعر فى العربيتين (كانوا حيموتوا على الصنى).
- قعدنا نتفرج على الزيرو على ما يخلص تليفوناته وما سيبناش عربيه إلا وركبناها http://www.masrmotors.com/vb/images/...0D5C8~1107.gif باسات وجيتا وشارك وسوبارو وسيتى و........
- بعد ثلث ساعه جالنا وقال الأسعار.
- فصلوا الصنى من 73 إلى 75 ألف والإلنترا من 75 إلى 78 ألف (وحسينا إن وقت الجد ممكن المبلغ يزيد)http://www.masrmotors.com/vb/images/smilies/Bravo.gif
- المهم المدير قال فكروا ولو مشوار السوق بعيد عنكم تعالوا فرع مصر الجديده اللى هو مديره.
- قلنا بقه نخلع منهم وناخد لفه جوه المعرض ودى ملاحظاتى:
- يوجد تجار جوه المعرض http://www.masrmotors.com/vb/images/..._28[1].gif.
- السيارات المعروضه لا تزيد عن 25 سيارة (إحنا كنا هناك من الساعة 1.5 إلى 4 عصراً
- السيارات التابعة للمصرية حوالى 5 سيارت لانوس 2005 و مازدا 3 و سيريون2000 (حالتها تعبانه موووووووووت وكانت ب29 ألف. وتقريبا سيتروين كارنافال ب49.5 ألف (عربية عائلية)
يتبع إن شاء الله