متشكرين يا باشا على التقرير، هى الصنى و الانترا منيوال ولا اوتو؟
رقم العضوية : 35664
تاريخ التسجيل : 16Mar2009
المشاركات : 92
النوع : ذكر
الاقامة : KFS
السيارة: NON
السيارة[2]: Lancer 2008
دراجة بخارية: no
الحالة :
السلام عليكم
ده تقرير عن زيارتى لسوق المصرية للسيارات أمس الجمعة
-المكان على طريق الإسماعيلية الصحراوى (يوجد علامات إرشادية بعد مدخل مدينة العبور) خليك مع العلامات لحد ما تعمل U Turn وترجع فى إتجاه القاهره تانى.
- عند مدخل المكان الموجود فيه السوق _مش فاكر إسمه إيه - يوجد مسجد صغير.
-يوجد رسم دخول 5 جنيه على السيارة.
-تدخل من البوابة وتاخد فى وشك علطول لا يمين ولا شمال (حتلاقى على شمالك فيلا مبنيه على ربوه عاليه متنساش تقول ما شاء الله لا قوة إلا بالله)
-تفضل ماشى مع العلامات الإرشادية لحد م تلاقى سور حجرى خد شمال.
-تمشى شوية تلاقى على يمينك بوابة كبيرة عليها طقم شباب لابسين فانلات بمبى وكام واحد مجانس معاهم لاسلكى ولابسين أبيض .
-جالنا شاب بمبى وقالنا إنتو حاجزين قولناله لأ قال ما ينفعش تدخلوا لازم حجز قلتله إيه بقه مصير الخمسه جند اللى إنتو أخدتوهم صاحبى اللى معايه طلع ناصح قاله إن إحنا حندخل العربيات فى زيرو قام صاحبنا جرى عمل تليفون ودخلونا علطول.
-قبل ما ندخل خدوا مننا الرخص وإدونا رقم.
-على فكره إحنا كان معانا عربيتين بحالة الزيرو صنى 2008 وإلنترا 2008.
- تدخل جوة تلاقى ممر طويل وعلى يمينك وشمالك مظلات تحتها عربيات زيرو.
-جوة شوية تبدأ تلاقى المستعمل وفيه عربيات للإنتقال الداخلى شبه عربيات الجولف كده.
- ركنا تحت مظله وجالنا واحد بمبى وقال لنا إكتبوا بيانات العربية فى ورقة علشان المهندس ييجى يشوفهم قلناله مفيش نموزج نملاه قال لأ .
- العربية لازم تكون موديل 2000 على الأقل.
- المهم خد الورق وجه المهندس شاف العربيات وطبعاً لا طلب تقرير التوكيل زى ما مكتوب فى الإعلان ولا حاجه وقا لنا إنتو عايزين كام فى العربيات .
- قلناله إنت المفروض اللى تقيمهم؟
-قال طب عايزين تعملوا إيه تبيعو بس ولا تدخلو فى زيرو؟
-قلناله هو نظام السوق هنا إيه؟
-طلع النظام كالأتى:
- لو حتدخل فى زيرو بيقيم العربية بتاعتك ويحسبلك الفرق اللى حتدفعه وتبقى عربيتك بتاعته يعرضها لحسابه بالسعر اللى هوه عايزه.
- لو حتبيع عربيتك بس بتبقى منك للى بيشترى وإنتا وشطارتك وبيخدوا 1.5% سمسره من البائع و 1.5% من المشترى.
- المهم علشان العربيات حالتها زيرو ولقطة قام الراجل مودينا للى أكبر منه وكان مدير فرع مصر الجديده.
- دخل معانا فى حوارات كتير وعرفنا إنهم مش بيقسطوا تقسيط مباشر ولازم عن طريق بنك ومن البنوك اللى بيتعاملوا معاها بنك أبو ظبى وده على حد علمى بنك إسلامى.
- المدير إستئذن علشان يعمل كام تليفون قبل ما يدينا سعر فى العربيتين (كانوا حيموتوا على الصنى).
- قعدنا نتفرج على الزيرو على ما يخلص تليفوناته وما سيبناش عربيه إلا وركبناها باسات وجيتا وشارك وسوبارو وسيتى و........
- بعد ثلث ساعه جالنا وقال الأسعار.
- فصلوا الصنى من 73 إلى 75 ألف والإلنترا من 75 إلى 78 ألف (وحسينا إن وقت الجد ممكن المبلغ يزيد)
- المهم المدير قال فكروا ولو مشوار السوق بعيد عنكم تعالوا فرع مصر الجديده اللى هو مديره.
- قلنا بقه نخلع منهم وناخد لفه جوه المعرض ودى ملاحظاتى:
- يوجد تجار جوه المعرض .
- السيارات المعروضه لا تزيد عن 25 سيارة (إحنا كنا هناك من الساعة 1.5 إلى 4 عصراً
- السيارات التابعة للمصرية حوالى 5 سيارت لانوس 2005 و مازدا 3 و سيريون2000 (حالتها تعبانه موووووووووت وكانت ب29 ألف. وتقريبا سيتروين كارنافال ب49.5 ألف (عربية عائلية)
يتبع إن شاء الله
أبـــو إيـــاد
ekramyhamdin سابقا
رقم العضوية : 35
تاريخ التسجيل : 17Apr2007
المشاركات : 385
النوع : ذكر
الاقامة : Cairo
السيارة: Lancer 1.6 M/T
السيارة[2]: Elantra '08 A/T
دراجة بخارية: لا يوجد
الحالة :
متشكرين يا باشا على التقرير، هى الصنى و الانترا منيوال ولا اوتو؟
رقم العضوية : 35664
تاريخ التسجيل : 16Mar2009
المشاركات : 92
النوع : ذكر
الاقامة : KFS
السيارة: NON
السيارة[2]: Lancer 2008
دراجة بخارية: no
الحالة :
رقم العضوية : 13412
تاريخ التسجيل : 22Jun2008
المشاركات : 3,079
النوع : ذكر
الاقامة : cairo
السيارة: سابقا lanos 2
السيارة[2]: Optra AT
دراجة بخارية: no
الحالة :
شكرا علي التقرير
A.Hilmy
رقم العضوية : 25195
تاريخ التسجيل : 14Nov2008
المشاركات : 2,269
النوع : ذكر
الاقامة : cairo
السيارة: 127
السيارة[2]: هيونداى فيرنا 2007
دراجة بخارية: NO
الحالة :
شكرا على المشاركه وياريت تقولنا رايك ايه فى المعرض يصلح للبيع او الشراء ولا المشوار ما يستاهلش......
رقم العضوية : 29044
تاريخ التسجيل : 02Jan2009
المشاركات : 678
النوع : ذكر
الاقامة : Cairo, Egypt
السيارة: daewoo Juliet
السيارة[2]: fiat sienna
دراجة بخارية: لا يوجد
الحالة :
المصرية للسيارات : و سياسة تطبيق الامثال الشعبية و على راى المثل
1. " هى الحداية يتحدف كتاكيت "
2. " قالو للحرامى احلف "
رقم العضوية : 18805
تاريخ التسجيل : 13Sep2008
المشاركات : 1,967
الحالة :
without this review...I had a feeling that this place (used car place in 3oboor ) would be a joke
kola nasbaya....
رقم العضوية : 2663
تاريخ التسجيل : 17Oct2007
المشاركات : 84
النوع : ذكر
الاقامة : cairo
السيارة: لا يوجد
السيارة[2]: kia cerato
الحالة :
شكرا على التقرير المتميز جدا
وفي انتظار التكملة
وكنا عاوزين نعرف تقسيط المستعمل نظامه ايه
يعني السيريون دي ام 29 الف ممكن تتقسط ازاي
وشكرا كمان مرة
رقم العضوية : 2663
تاريخ التسجيل : 17Oct2007
المشاركات : 84
النوع : ذكر
الاقامة : cairo
السيارة: لا يوجد
السيارة[2]: kia cerato
الحالة :
واللانوس ال 2005 كانت بكام صحيح؟
رقم العضوية : 8780
تاريخ التسجيل : 12Apr2008
المشاركات : 919
الاقامة : Egypt-cairo
الحالة :
المصرية للسيارات : و سياسة تطبيق الامثال الشعبية و على راى المثل
1. " هى الحداية يتحدف كتاكيت "
2. " قالو للحرامى احلف "
هو ده رائى من اول ماسمعت ان السوق ده عاملاه المصريه للسيارات
المفضلات