الموضوع: كنت رايح احجز جبتز لقيت نفسى بحجز اكسنت

الف مبرووووووووووووووك عليك يا باشا
وربنا يديك خيرها و يباركلك

بس انا رأي برده الاكسنت و الاتوماتيك في العربيتين اعتقد واحد بس انا شايف الاكسنت عائليه اكتر

وتقبل تحياتي

بصراحة العربيتين احسن من بعض بس تعال نكلم بعقل شوية
سعتك هتجيب عربية وطبعا هتدفع فيها تحزيشة العمر او قسط مش هتفرق بس هل العربية زي القميص ممكن يتغير بعد كام لبسة ولا ديه حاجة هتقعد معاك سنين .
بص ياسيدى العقل والمنطق يقول اكسنت لية؟؟؟
العربية جميله شكلا وموضوعا (السحب ممتاز -التكيف ثلاجة -قطع غيار سعرها معقول ) بس لما تكون ان شاء الله طالع مثلا بيها رحله او مصيف وهتقعد اسبوعين مثلا هتبقى محتاج للشنطة طبعا ديه مش متوفرة بنفس المساحة في الجيتز , ومع احترامى للجتيز هى عربية تفوق الوصف والأتوماتيك منها روعة بس انا لو مكانك اشتري اكسنت علشان ابص لقدام وخصوصا طالما انك متجوز اعتقد ان كون العربية انها عائلية هيبقى افضل من كونها شابية وخصوصا انى زي ماقلتلك ان الأكسنت جميله شكلا وموضوعا
واسف علشان طولت عليك , وطبعا راي مش الزام هو بس تفكير معاك بصوت عالى , وربنا يباركلك في العربية سواء اكسنت او جتيز

كتير أوي بيعجبنا شكل العربية حتي لو مش مناسبة لأستخداماتنا لكن لما نحكم العقل و نبعد عن العواطف نلاقي نفسنا أتعودنا علي العربية مع العشرة و نكتشف أن أختيارنا كان صح

الجيتز طبعا جميلة لكن مش عملية لأسرة , الاكسنت الجديدة عملية أكثر بعيدا عن الفنيات و الموتور و السرعة لأننا مش بنجيب عربية للمسابقات , لأ دي لتأدية غرض وواجب

ربنا يوفقك و مبروك مقدما

المشاركة الأصلية كتبت بواسطة omarmakeen

اسلام عليكم ورحمة الله وبركاتة

أمبارح روحت توكيل هيونداى الى فى صلاح سالم عند عمارات العبور كنت رايج علشان احجز الجيتز وكان معاية 1000 جنية دفعة الحجز
المهم دخلت المعرض وداورت على الجيتز مش لاقيها سألت الراجل الى شغال فى المعرض عن جيتز قالى هي موجودة بس فى الجراج راح باعت معايا واحد من المعرض وروحنا الجراج كان فى جيتز اتوماتيك سودة فتحت العربية وقعد فيها الصراحة العربية خطفت قلبى شكلها جميل من برا والفرش والتبلوة تحفة والشنطة مش بطالة وكان معايا المدام وعجبتها العربية جدا قلت خلاص انا هرجع المعرض علشان احجزها واحنا خارجين شوفت نيو اكسنت دهبى ركنة بردو فى الجراج خليت الراجل يفتحلنا ركبتها انا والمدام كانت جميلة بردو وزى الفل والشنطة بتعتها ممتازة

الجيتز عجبتنى اوى و الاكسنت عجبت الادام اوى وكانت الحيرة احجز انهى عربية فيهم خصوصا انى سمعت عن العربيتن كلام مشجع جدا وكنت رايح احجز الجيتز على السمعة وكلام الناس الايجابى عنها

رجعت المعرض وسألت الراجل عن العربيتن وشكرلى فى الاتنين بس هو كان زى متحيز للجيتز بس العقل بيقوا انى اجيب عربية عائلة بشنطة اكيد هتكون عملية اكتر ودة كان رأى المدام

الراجل قالى انت ممكنن تحجز الاكسنت ولو غيرت رأيك كلمنى وانا اغير الحجز من الاكنت للجيتز روحت حاجز الاكسنت الفيرانى موديل 2010 والاستلام بعد شهر

انا عارف انى طولت عليكم بس انا بجد الجيتز بتلعب فى دماغى ومحتار اوى انا عاوز اعرف انت لو مكانى هتختار انهى عربية وانهى احسن فى لاتوماتيك والسحب مع التكيف وكمان انا مش فارق معيا موضع الشنطة انا عاوز عربية تكون تكون الجودة بتعتها عالية واعتمادية ياريت يا رجاله المنتدى تنصحونى وانا فى انتظار ارئكم وشكرا

اولا ألف مبروك ربنا يديك خيرها ويكفيك شرها
طبعا انا متحيزه للجيتز اكيد لأنها عربيتي وعشان هي فعلا تستحق انك تتحيزلها لأن الحمد لله العربيه دي اثبتت انها عربيه فلته من غبور وده مش كلامي انا بس ده كلام كل اللي جابو العربيه دي وكلام الناس اللي فغبور كمان
وعلي حسب وصفهم انها عربيه ماشاء الله مفيهاش مشاكل الحمد لله
وبرأي المتواضع ان الجيتز احسن خصوصا انك وضحت ان الشنطه مش فارقه معاك
وياريت تستخير ربنا بردوا وربنا يوفقك ان شاء الله في اختيارك
نصيحه لوجه الله ياريت تسحب فلوسك من فرع صلاح سالم ده لأنوا اسوء فرع ممكن انك تتعامل معاه لبيلتزموا بمعاد ولا بيقولولك علي اي مشكله ممكن انها توجهك في تسليم العربيه ولا اي حاجه ده غير بقي انهم ميعرفوش امكانيات العربيات ايه تخيل بقي انا حجزت عربيتي من اول فبراير استلمتها في اخر مارس ((( بعد معملت مشكله وكلمت حد في ابو رواش وهو اللي جبهالي ))) وكان معايا وحده فالشغل حجزت من قبلي ولسه مستلمه من شهر (((بعد مشاكل بردوا )))
في الفرع اللي قدام نادي هليوبلس كذا حد شكرلي في
معلش طولت عليك