هو يا جراج يا اما تتفق مع حد ينضفهالك كل يوم غير كدة صعب فى البلد دى تحافظ على العربية من التراب!!
عرض للطباعة
هو يا جراج يا اما تتفق مع حد ينضفهالك كل يوم غير كدة صعب فى البلد دى تحافظ على العربية من التراب!!
أكل ما أسأل حد يقولي خلي البواب ينضفها و ده أحسن حل فعلا...
..............
..............
بس أنا معتديش بواب!!! :) :)
بالنسبه للكلام الجد... أنا متفق في كل اللي قلتوه و في حاجة جديده طلعت بيها من مشاركاتكم و هي الفرشه اللي قال عليها كوداك. يبقى هسأل عليها في هايبر أو كارفور.
الغطا متعب و مش عملي خالص... بالنسبه للفوطه الزفره فعلا ممكن تكون مشكلتها أنها هتلم تراب بعد التنضيف ده غير ريحتها.
وليه التعب ده كله .. رشها ابيض وريح دماغك
الحمد لله اننا جبنا العربية لونها فاتح كانت هتتعبنا اخر تعب .. لأني اصلا مش فاضيلها مابالكم لو كنت جبتها أسود .. ( مع اني كان نفسي فيها اسود )
الله يعينك .
غير العربية""
مش لازم يكون فى بواب ممكن تظبط مع اى بواب عمارة من اللى جنبكم
وفى البنزينة بقى وانت بتفول
وفى الزنقات زى ما الجماعة قالو اضرب جوانتى او حتى كيس والفوطة الزفرة
وفى الفرشة اللى كوداك قال عليها .. كنت شوفتها بس مجربتهاش ومش عارف اية ظروفها مع الأسود
وممكن تجيب سواق بقى كل ما تقفو فى حتة هينزل يظبط العربية هههه
غطييييييييييييييييييييييي يييييييييييييييييييييها
ديه ضريبة انك تركب عربية
باللون اللى انت بتحبه
عندك الفرشة اللى كودك قال عليها هى بتتباع على انها زفرة بس اى كلام
انا عن نفسى حطيت عليها شوية جاز وزيت وسبتها فى الشمس لغايط متعذبت
وشغالة كويس
الفكرة فى الغطاء انه هيرحم العربية من الشمس والاسود يعيش معالك مينطفيش
واحذر غسيل العربية بالبريل او الصابون السائل او غسيلها تحت الشمس
افضل طريقة للعناية باللون الاسود جردل مياه عليه نقطتين جاز وبعد كده دوش مياه العربية
تبقى تمام وزى الفل وربنا يباركلك فيها
أنا أشتريت امبارح الفرشة دي "بيسموها فرشة زفرة" من هايبر ب30جنيه بس فعلا هي مش قويه أوي!!! هشوف حكايه الزيت و الجاز اللي بيتحطوا عليها دي... برده اشتريت ملمع زجاج و الجلده بتاعته "زي اللي في محطات البنزين"
غسيل العربية بالميه و الجاز في وقت مش شمس هو ممتاز جدا بس مش معقول "يوميا" أعمل كده كل ما العربية تتردم كل يوم!!!
حكايه بواب جنبنا يغسلها مش متوفره أوي عندنا :)
سبعاوي باشا... لو كل الطرق فشلت غصب عني لازم أغطيها و أستحمل قرف الغطا بتاع العربية...
لو عثرت على حل هبلغكوا كلكم... و في الاخر لازم نقول "هي دي بلدنا هنعمل ايه؟؟؟!!!!"