برجاء المساعدة فى الإختيار "نويت أشترى سيارة مستعملة"
بسم اللة الرحمن الرحيم و بة نستعين
نويت أشترى عربية و أخوكم لسة جديد فى الموضوع دة بس قرأت كتير و عرفت إنى جيت المكان الصح و علشان أبتدى صح مليت الأستمارة كالتالى :
المبلغ المتاح / 55000 - اقصى حد 70000
نوع العربية / مستعمل
خبرتك فى السواقة وسكك الصيانة / جديد بس مستعد اتمخمط
شكل العربية / مش فارقة
الموديل / فوق ال 2004
إستخدام السيارة فى الاغلب / الاتنين داخل المدينة و خارج المدينة فى سفريات
انتقالاتك بالعربية / فى الاغلب لوحدك
الكماليات المرجوة / جميع الكماليات
إستهلاك البنزين / مش فارقة
قطع الغيار / مش فارقة
اماكن الصيانة / الاتنين توكيل أو ممكن ميكانيكية
التفرغ لأعمال الصيانة / ماعندكش وقت خالص
الاستمرار بالعربية لفترة / هاتستمر بيها فترة طويلة
سعر إعادة البيع / مش عايز تخسر خالص لو ينفع
اهم حاجات بتدور فيها على العربية / تكون بنت ناس و أصيلة
أنا لما فكرت أجيب زيرو كان فى دماغى البونتو الكلاسيك و هى بالنسبالى الأختيار المثالى لو قررت أجيب زيرو بس انا عاوز أوصل لاعلى منفعة بإذن اللة و اللة المستعان :)
برجاء النصيحة من الأعضاء الكرام جزاكم اللة خيرا
أخوكم مصطفى
