امين شرطة اشتغلنى

**ainshouka** · 01-07-2009 02:20 AM

المشاركة الأصلية كتبت بواسطة bassamhafez

الموضمع ده حصل معايا برضو

كنت داخل شارع لقيت شويه امناء واقفين مش واحد بس وراح موقفني وخد الرخص وقالي عكس اتجاه وحبس وافلام ومسابنيش الا لما خد 30 جنيه

بس لما مشيت لقيت اني ماشوفتش اي لافتة بتقول ممنوع الدخول فروحت راكن العربيه بعيد عشان ابقىمطمن عليها ورجعت على رجلى وروحت بصيت مالاقيتش اي يفط خالص روحت راجعله وفضحتة في الشارع وكنت هاعملة محضر اثبات حالة لما كان هايبوس ايدي عشان امشي

المهم اخدت ال 30 ومشيت

بس لو عايز الحق مكنش المفروض انك تسيبه لو كان الموضوع حيوصل للمحضر كنت كمل لان امثال الناس دى متستحقكش انها تكمل فى شغلها وقول فى المحضر انه ابتزنى عشان اديله فلوس وهى دى الحقيقة
ولما هو وصل لمرحلة الذل وبوس الايادى يبقى ليه مختشاش من الاول وعرف مقامه
الناس دى مينفعش معاها الرحمة الناس دى لازم تتربى من اولها
وعلى فرضا ان المحضر معملش نتيجة وانتهى على مفيش واللى فى القسم عدوهاله صدقنى عمره محيقدر يعمل الحركة دى تانى لانه لو عملها واتقلبت بمحضر تانى ساعتها اللى فى القسم مش حيكونوا فاضينله وممكن المحضر يمشى بجد ويكون عبرة لغيره

وبعدين كمان احنا كبشر لا نستحق غير الامناء دول لان احنا اللى عودناهم على كده كل حاجة نقوم مطلعينله اللى فيه النصيب ودا غلط مننا ودا بسبب ان احنا مش عارفين حقوقنا ايه

مفيش حد هنا فى المنتدى يقدر يقولنا ايه هى حقوقنا القانونية عشان مننضربش على قفانا

**bishoy02010** · 01-07-2009 03:12 AM

المشاركة الأصلية كتبت بواسطة bmw323

معلش يعنى حضرتك غلطان اصلا أنك وريتة الرخصة لأن مش من حق أمين الشرطة أنة يشوف الرخصة لازم الظابط بعدين لو كنت زعقت فى وشة كان مشى زى الكلب لاكن هتقول أية بقا دول اصلا بتوع كارتة بيقفوا ولا ليهم لزمة بيأخدو فلوس من العربيات وخلاص مش عارف بيقبلو أزاى المال الحرام علي نفسهم

+11111111111111

**Eng.Sameh** · 01-07-2009 03:25 AM

أفضل حاجة في المواقف دي .. أنك تدي الأمين على دماغة وتعمل نفسك رتبة أو حد مسئول ( محتاجة موهبة في التمثيل عشان ميجرؤش انه يفكر يتأكد ) ، هتلاقيه اتعدل واصبح زي عسكري الجيش لما يقف قدام لوى في مركز التدريب ، وده بينجح معاهم لأن معظمهم حرامية وعايشين على السرقة من الناس أو الشحاتة ( بص على امين شرطة وهو بياخد فلوس من صاحب عربية هتلاقيه عينه مكسورة زي الشحاتين بالظبط )

**أبو إياد** · 01-07-2009 09:38 AM

هاقول ليكوا على موقف بس بجد من الاخر حصل مع اتنين صحابى مش معايا
الاسبوع اللى فات الساعه 4 الفجر تقريبا وخارج من بنزينه رجع حوالى 10متر عكسى علشان يمشى فى الاتجاه الاخر
المهم صاحبى ده مرخص سلاح ودايما موجود تحت الكرسى اللى جانبه وكان معاه واحد محامى وشاف السلاح وكان بيتفرج عليه وبيفكه وكده
المهم امين شرطه بموتوسيكل وقف العربيه فى نفس الوقت اللى كان المحامى بشوف السلاح ودار حوار بين صاحبى والامين
انت كده عكسى قالوا معلش انا اسف بس كنت فى البنزينه واللفه بعيده واحنا بصراحه مستعجلين
الامين شاف الوضع قالوا ياباشا ياعنى انت كده بتحرجنى باسلوبك اتفضل ياباشا

وفعلا صدفه من اجمل الصدف اللى تخلى الواحد مايتحبس

**hamdy** · 04-07-2009 11:30 AM

انا يا جماعة حصلي موقف لغاية دلقتي مش عارف ايه اللي مممكن يحصل
كنت رايح روكسي و جاي الي اتجاه حرية مول وقبل ما اوصلها قلت الف لقيت فتحة(يو تيرن عادي) عادي بعد محل top10 كدا المهم الفتحة دي يا جماعة ملهاش مثلا يفطة او علامة تبين انها اتجاه واحد اجباري المهم العسكري شيفني بدع ما لفيت لقيته بيقلي انت ما شي عكس رحت قيله عكس فين دا المهم لسة بيقلي تعالي كلم المندوب رحت ماشي و منفض وجريت بالعربية لياخدج النمرة وابقا رد سجون في الاخر :D
المهم مشيت و جريت و من ساعتها معرفشي هل هينزلي وخالفة ولا ابو زعبل ولا ايه بالزبط اللي يعرف يا جماعة يقلي ؟؟؟

**KarimAbulEla** · 04-07-2009 04:13 PM

اعتقد ان لا المندوب و العسكرى مسئولون عن كتابة المخالفات ، اى ان اخد المخالفة حاليا قاصر على الظباط و امناء الشرطة اللى هم ذو البنطلون الاسود و الجاكت الابيض ، و ارجو التصحيح ممن لديه المعلومة الصحيحة