امين شرطة اشتغلنى

**أحمد سالم** · 28-06-2009 03:06 AM

السلام عليكم
كنت سايق العربيه النهارده وتليفونى رن
روحت دخلت شارع جانبى امام الحزب الوطنى اللى فى القلعه والعربيات راكنه فيه عادى على اليمين
ومافيش اى يافطه بتقول ممنوع الانتظار
المهم عملت تليفون لمده دقيقه تقريبا والعربيه كانت دايره وانا مشغل الانتظار وحاطط الحزام ومعايا الرخص وكله تمام جه سيادة الامين بيتمشى
قالى واقف فى الممنوع ليه
قلتله فين الممنوع ده ده شارع جانبى والعربيات راكنه اهى ومقفوله ليه مااخدتهاش مخالفه مادام هنا ممنوع
قالى طيب ورينى رخصتك وريتهالو
طيب ورينى رخصة العربيه
وريتهالو
راح ماسك موبايله وقعد يتكلم ومعاه الرخص قلتله لو سمحت هات الرخص علشان امشى
قالى لأ استن انا بتصل بالظابط علشان نعرف منه هنا ممنوع ولا لأ
المهم قعد يتصل ويتصل
ومحدش بيرد عليه طيب مش امفرود ينادى الظابط بالاسلكى ولا ايه
المهم لقيته بياخرنى بالقصد روحت مطلع 10 جنيه ومديهاله راح مدينى الرخص ومشيت
طبعا انا كنت متضايق من نفسى جدا وانا بدفع له الفلوس لانى مش غلطان
لاكن هعمل ايه كان فى ناس مستنيانى ولازم امشى
ربنا يسامحنى على دفع الرشوه
وربنا ينتقم منه

**M.Osman** · 28-06-2009 03:18 AM

حسبي الله و نعم الوكيل فيهم

هو الواحد اعصابه بتبوظ من شوية..؟

**Abo.Omar** · 28-06-2009 05:30 AM

ههههههههههههه
ظباط مسخره والله العظيم
ربنا يتولانا

**amrico** · 28-06-2009 05:38 AM

كادر الشرطة معظمة إلا من رحم ربي عايشين على الســــحـــــت

**الطنطاوي** · 28-06-2009 08:29 AM

حاميها حراميها

**أبو صلاح** · 28-06-2009 09:50 AM

عادي
كلنا بيحصل معانا كده
لانه ببساطة محدش عارف ايه واجباته ولا ايه حقوقه مع المرور

**abzoabzo** · 28-06-2009 09:57 AM

المشاركة الأصلية كتبت بواسطة amrico

كادر الشرطة معظمة إلا من رحم ربي عايشين على الســــحـــــت

كونت هاقولها
ياباشا ده نموذج للتكافل الاجتماعى
امال هما هيتنطاطو على مخاليق ربنا ازاى

مبادى عتريس واللى ميدفعش هناخود عايل من عياله

**Terrible_DaRsH** · 28-06-2009 10:11 AM

طب الحمد لله انه عدى بخير .

امبارح كنت هنزل اضرب عيل عايش فى دور اللواء ابن التييييييت ..

داخل التقاطع و الطريق فاضي و ماشي و الاقى العيل ده لسه متخرج و فرحان اوى بنفسه جاى فى وشي و بيقلب نور و بيحرق بنزين جامد , نظام عايز يقولى اجري بسرعة علشان اعدى .

رحت واقف فى وسط التقاطع و باصص له اما اشوف هيعمل ايه راح حاطط ايده على الكلاكس و مشلهاش , استحقرته و رحت طاير و لو رجل يجيبنى :( .

هو كل عيل ابوه دخله كلية الشرطة هيتنطط على خلق الله يعنى ولا ايه .

**bmw323** · 28-06-2009 10:31 AM

معلش يعنى حضرتك غلطان اصلا أنك وريتة الرخصة لأن مش من حق أمين الشرطة أنة يشوف الرخصة لازم الظابط بعدين لو كنت زعقت فى وشة كان مشى زى الكلب لاكن هتقول أية بقا دول اصلا بتوع كارتة بيقفوا ولا ليهم لزمة بيأخدو فلوس من العربيات وخلاص مش عارف بيقبلو أزاى المال الحرام علي نفسهم

**BassamHafez** · 28-06-2009 12:00 PM

الموضمع ده حصل معايا برضو

كنت داخل شارع لقيت شويه امناء واقفين مش واحد بس وراح موقفني وخد الرخص وقالي عكس اتجاه وحبس وافلام ومسابنيش الا لما خد 30 جنيه

بس لما مشيت لقيت اني ماشوفتش اي لافتة بتقول ممنوع الدخول فروحت راكن العربيه بعيد عشان ابقىمطمن عليها ورجعت على رجلى وروحت بصيت مالاقيتش اي يفط خالص روحت راجعله وفضحتة في الشارع وكنت هاعملة محضر اثبات حالة لما كان هايبوس ايدي عشان امشي

المهم اخدت ال 30 ومشيت

الموضوع: امين شرطة اشتغلنى

LinkBack

أدوات الموضوع

عرض

-

-

-

-

المواضيع المتشابهه

تكليف امين شرطة بمراقبة السائقين وتنظيم المرور فى موقف المنصورة

مؤشر الحرارة عندي احيانا 2 شرطة والاغلب 4 شرطة .حد عنده كده؟

تامر امين تانى!! | تحذير الموضوع يحتوى على فيديو تامر امين

العفشجى اشتغلنى

يعنى اية امين شرطة !!!

الكلمات الدلالية لهذا الموضوع

المفضلات

المفضلات

ضوابط المشاركة