الموضوع: -البــروتــونـــــــاويـــ ــــه- عاوزيــــــــــن أيــــــــ؟؟؟؟؟؟؟ــــــــ ه

المشاركة الأصلية كتبت بواسطة ahmedfathy77

السلام عليكم ورحمة الله وبركاته

ياسيدى تعالى انت شرفنى وانا هظبطك فى الكفته والكباب اعلى تظبيط فيه واحد جنبى جامد جدا جدا بس انت تعالى بس

انا عارف انك ملكش اوى فى الاكل والدليل نص البيتزا السمول اللى معرفتش تخلصها هاهاها بس ماتقلقش لو جيت هنقلبها

كباب وكفته جامده جدا حتى الصباح وبقول لك ايه ايمن كفايه كلام على العام كده فى موضوع الكباب ده شكلنا كده جوعنا

الناس معانا فقاموا ياكلوا وسابونا لوحدنا نتكلم فى الموضوع ده ومحدش رد علينا .


طبعا حقك وحق كل بروتونى ندعى له ربنا يوفقه وينجحه ان شاء الله يارب يوفقك يا ايمن وانت وكل البروتوناويه اللى بيمتحنوا قولوا

آمين .


بالنسبه لموضوعنا الأساسى احب اقول حاجه بس ان اى شخص او اى مجموعة من الناس بيشتركوا فى حاجه زى نادى او

نقابه او اى تجمع بيكون لهم استراتيجيه او خطط طويلة المدى تحقق لهم اهدافهم ومصالحهم وبناءا على سقف الطموح اللى

هم بيفكروا فيه بينعكس ده على ادائهم وتعاونهم سوا بمعنى على سبيل المثال المنتدى الرائع بتاع بروتون هنا ده فيه ناس

ماشاء الله ناس محتر مه وخبرات فى مجالات متعدده واماكن مختلفه وثقافاتهم مختلفه الناس دى لغاية دلوقتى عامله شغل

جامد جدا فى المنتدى بس معظمه معتمد على المجهود الفردى مش الجماعى ومع احترامى للمجهود الفردى عمره ما هيسمع

او نتائجه هتبقى لها تاثير كبير الا لو تحول لمجهود جماعى فالمنتدى دلوقتى ادامه حاجه من اتنين هل الناس عندها طموح انهم

يستغلوا المستوى الراقى اللى وصلوه ويبداوا يطوروه فى شكل جماعى منظم يجنى اكبر كم من النتائج والاستفاده وطبعا ده

مش هيجى الا بتعاون اكبر ومجهود اكبر وتنظيم اكبر يا اما الناس تكتفى بما وصل له المنتدى حاليا من دعم وخدمات وعروض


بس انا من رايى المتواضع مش هيكون مفيد مستقبلا . ليه ؟ الناس الللى بتبذل مجهود النهارده وراحه جايه بشكل مركز

محدش يتخيل ان الناس دى هتستمر كده للابد اذا كان فيه ناس فاضيه النهارده وعندها استعداد تخدم وتساعد بكره ظروفها مش

هتساعدها انها تعمل كل ده ممكن يعمل حاجه او اتنين بس مش كل اللى كان بيعمله ده غير معلش يعنى الناس دى لما بتروح

تسال فى التوكيل او تدور على قطعة غيار او اكسوسرى مفيده او تساعد فى حل مشكلة حد فى التوكيل بتتكلم بشكل فردى

شخصى اكيد هيجى يوم واحد يقول له هو مفيش غيرك بيتكلم او انت المحامى بتاعهم طب صاحب المشكله مبيتكلمش ليه

او لو راح يسال على عرض او تخفيض اكيد لما يتكلم باسم مجموعه او حاجه معروفه غير ما يتكلم بشكل شخصى والناس

تبص له او تتعامل معاه كانه هياخد عموله مثلا مش جاى يعمل حاجه لله مش اكثر . الحاجات دى محدش يقنعنى ان اى حد هيفضل

يعملها كلها لوحده او بدون مساعده من الناس ولازم ظروفه هتجبره انه مجهوده يقل مع زيادة التزاماته الشخصيه طب ولو الناس

النشيطه دى ريحت او زهقت طب خلاص كل اللى هنطمح فيه اننا نرد على سؤال او نجيب خبر جديد وبالصدفه لو حد راح التوكيل

يبقى يعرفنا اى معلومه جديده او يبقى يسال الناس على اللى يفتكره من الاسئله ودمتم , اكيد مش ده هو طموح البروتوناويه


ناس كتير بتتكلم عن منتدى رينو اد ايه هم متعاونين وبيقابلوا بعض وبيخدموا بعض حتى ولو على المستوى الشخصى بعيد

عن العربيه اكيد الناس دى بصت لقدام وعرفت ان عشان الرابط اللى ما بينهم يدوم لازم يكون فيه تفاعل واخد وعطا ونشاط

وثقه متبادله وحاجات بتجمع الناس اكتر فيا ريت لو الناس تفكر وتشوف هم مع اى اختيار ولو فيه اختيارات تانيه او حد شايف

وجهة نظر مختلفه يشارك ويدلنا بحيث تيقى الناس كلها عارفه اقصى مايمكن المنتدى انه يقدمه سواء فى الحاضر او المستقبل

سلامى للجميع

كلام جميل جدا يا استاذ احمد و متفق معاك 100 % .... من فتره طويله كنت بدعو الاعضاء ان اى حد يروح التوكيل يسأل على سعر قطعة غيار او اتنين و يجى يكتبها فى موضوع مخصص للاسعار علاشان يبقى عندنا ليسته باسعار قطع الغيار متوفره لينا ... للاسف مالقيتش اهتمام كبير بالموضوع مع ان الفكره سهله و مفهاش مجهود .