سيراتو الوكيل ولا الخليجي محتااااااااار يا ناس

**mohanad_elnokali** · 28-06-2009 08:55 AM

السلام عليكم أنا عضو جديد و دي أول مشاركة ليا في المنتدى الجميل ده . أنا عندي إستفسار عن الكيا سيراتو الجديدة ، أنا بقالي ١٠ أيام بقارن سيراتو لخليجية و بتاعت الوكيل و محتار أوي أوي ، يعني بصرف النظر عن موضوع الضمان ده سمعت حاجات في لخليجية مختلفة عن الوكيل يعني مثلا (أنا بتكلم في أوتوماتيك فول أوبشن أم ١١٦ جنيه اللي ناوي أشتريها إن شاء الله ) الخليجي مافيهاش abs رغم إن التجار منهم بيقول إن فيها و منهم بيقول لا بس الوكيل فيها ، الخليجي بور كهربا بس الوكيل هيدروليك ، والله أنا احترت أعمل إيه .. يا ريت لو حد يعرف مواصفات الخليجي و المقارنة الكاملة بينها و بين الوكيل يفيدني علشان واضح إن التجار في منهم مش فاهم هو بيبيع إيه ، و تنصحوني أشتري الخليجي ولا الوكيل مع العلم إن الضمان بالنسبالي مش هو العائق ؟

**Ahmed Samy** · 28-06-2009 09:36 AM

أولا .........

الخليجي فيها ABS

و ممكن تتأكد بسهولة من وجود وحدة الـABS تحت السيرفو في شمال الكابوت

وهي دي (صورة من عربيتي الخليجي)

أما نقطة الباور الكهربا ....

كله هيدروليك يا عزيزي مانزلش منها باور كهربائي ودي اشاعة بيروجها بتوع الخليجي
ودي صورة قربة زيت الباور من عربيتي

الفرق الوحيد دلوقتي هو الضمان .........

لأن السعر متقارب و متفاوت و انت وشطارتك في الخليجي و انت وشطارتك في التوكيل برضه ياإما الأوفر برايس الكبير أو الحجز الطويل ...

انا بصراحة حسمت قراري بسرعة و اشتريت الخليجي

كانت أغلى من التوكيل 8 الاف جنيه ...ودلوقتي بتاعة التوكيل بتتباع بأوفر برايس عشرة الاف جنية ومش متوفرة كمان

جابر عبد الشهيد بيدي ضمان 40 الف أو سنتين

و العربية الخليجي بتدخل الصيانة في مراكز الخدمة بتاعة الوكيل عادي

وتحت أمرك في أي استفسار

**mohanad_elnokali** · 28-06-2009 09:48 AM

ألف شكر يا أستاذ سامي على الرد السريع و المفصل ده بس أنا كنت عاوز أسأل حضرتك عن سعر العربية الخليجي و هل عندك فتحة سقف في عربيتك ولا لأ أصلي لقيت واحدة ب ١١٣ ألف من غير فتحت سقف بس معرفش مواصفاتها و التجار شكل مش فاهم حاجة ، أنا سمعت إن إللي فيهم abs هما بس إللي فيهم فتحة سقف ، يا ريت لو تقدر تفيدني

**Ahmed Samy** · 28-06-2009 09:55 AM

المشاركة الأصلية كتبت بواسطة mohanad_elnokali

ألف شكر يا أستاذ سامي على الرد السريع و المفصل ده بس أنا كنت عاوز أسأل حضرتك عن سعر العربية الخليجي و هل عندك فتحة سقف في عربيتك ولا لأ أصلي لقيت واحدة ب ١١٣ ألف من غير فتحت سقف بس معرفش مواصفاتها و التجار شكل مش فاهم حاجة ، أنا سمعت إن إللي فيهم abs هما بس إللي فيهم فتحة سقف ، يا ريت لو تقدر تفيدني

العفو يا فندم احنا هنا علشان نساعد بعض

انا عربيتي هاي لاين فا مش ملم بموضوع وجود الفتحة من عدمة في الموديل اللي حضرتك بتدور عليه

بس لو الخوف من عدم وجود الــabs يبقى زي ما قولت لحضرتك ..افتح كابوتها و شوف بعينك وحدة الـabs موجودة ولا لأ

التجار فعلا مش فاهمين حاجة و بيقولوا اي حاجة و خلاص

لازم تتأكد بنفسك ..أو شوفها عند جابر عبد الشهيد لأنه عارف عربياته كويس و فاهم هو بيبيع ايه

**mohanad_elnokali** · 28-06-2009 10:02 AM

معك حق فعلا لازم الواحد يتأكد بنفسه أنا حبقى أبص في الكبوت .. أكون شاكر لحضرتك لو تقولي عنوان أو نمر تليفون جابر عبد الشهيد عشان أنا من إسكندرية و معرفوش.

**ghabbour** · 28-06-2009 02:07 PM

بص دى نمرة واحد شغال هناك بس مش فى المبيعات اتصل بيه و خد نمرة المبيعات
اسمة عم سمير / 0129624788

**hedyelnemr** · 28-06-2009 03:27 PM

أستاذ أحمد سامي
فعلا السيراتو الخليجي عند جابر عبد الشهيد ب 135 الف، بس قاللي ضمان 20000 الف كيلو او سنة. هو الحقيقة انا عايزة رأيك في موضوع الضمان ده ضد ايه بالظبط؟ يعني موتور ، فتيس ، عفشة ؟؟ ايه بالظبط؟ خصوصا ان سعرها عالي وخايفة يحصل حاجة معرفش اتصرف فيها.

**Ahmed Samy** · 29-06-2009 11:22 AM

المشاركة الأصلية كتبت بواسطة hedyelnemr

أستاذ أحمد سامي
فعلا السيراتو الخليجي عند جابر عبد الشهيد ب 135 الف، بس قاللي ضمان 20000 الف كيلو او سنة. هو الحقيقة انا عايزة رأيك في موضوع الضمان ده ضد ايه بالظبط؟ يعني موتور ، فتيس ، عفشة ؟؟ ايه بالظبط؟ خصوصا ان سعرها عالي وخايفة يحصل حاجة معرفش اتصرف فيها.

الضمان كامل زي ماهو وارد في كتيب الضمان الخاص بشركة جابر عبد الشهيد

فتيس, عفشة, كهرب,ا ابواب ...زي ضمان الوكيل (في النقاط اللي يشملها الضمان)

بس هو ليه نزل الضمان للنص و غلى العربية الف جنيه ؟؟

حاجة فظيعة فعلا

ولو باعها من غير ضمان كمان ....هاتتباع

**Hamdy Masria** · 29-06-2009 03:48 PM

ممكن بعد اذنك استاذ احمد توضح عنوان جابر عبد الشهيد فين عشان عايز اروح اشوف العربية عندوا ... بصراحة ان شاء الله انا ناوى على المانيول ومتهيألى موضوع الضمان مش هيفرق كتير فى المانيول

**hedyelnemr** · 29-06-2009 11:37 PM

هي حاجة غريبة وفظيعة.. انا هاتكل على الله وربنا بستر...

الموضوع: سيراتو الوكيل ولا الخليجي محتااااااااار يا ناس

LinkBack

أدوات الموضوع

عرض

-

-

-

-

المواضيع المتشابهه

الوكيل ولا الخليجي

انا مش عارف سيراتو الوكيل او سيراتو الخليجي؟

الفرق بين الباسات الخليجي و الوكيل

حد يعرف الفرق بين كيا سيراتو المستورد بمصر وكيا سيراتو الخليجي؟

السيراتو.... بين الخليجي و الوكيل

الكلمات الدلالية لهذا الموضوع

المفضلات

المفضلات

ضوابط المشاركة