انا لو منك اجمد قلبى واتوكل على الله واروح اطلعها
وفعلا متقولش لحد فى الاول .....وبعد كده لما اسرتك ووالدك ووالدتك يعرفوا انك
استثمرت وقتك وحسنت وضعك المالى متوقعش ابدا انهم يزعلوا وابقى هتلهم هدية :colsmil:
وبالتوفيق ان شاء الله
عرض للطباعة
المشكلة لو ركب معاك حد يعرفك
تلاقي الشارع كله عرف غير العائلة كلها ويحسسوك انك عملت عمله
هههههههه
انت فكرتنى بواحد صاحبى خريج هندسة حديث بيعرف يشرح حلو واتزنق فى فلوس الجواز
انا قولتله بدل ما تستلف ادى دروس انت بتشرح حلو قوى . كان فى الاول رافض
ويقولى ازاى انا مهندس ادى دروس على اخر الزمن هشتغل خوجه !!!!( رغم ان التدريس مش عيب )
و فى الاخر اقتنع وكلمتله صاحب سنتر تبع هندسة .
واول حصة يديها واحد من اللى حاضرين كان يعرفنى ويعرفه
كلمنى بعدها وبيقولى الحقك صاحبك بيجيب ميه من كل حته ومرتبك وخايف من
الاسئلة .والكلام ده من سنة ودلوقتى بقى عادى ومتمكن وجاهز لى سوال
تاكس.......تاكس....!!!!!
شبرا يا اسطى...!!!!
أيه ده ...مين؟؟!!!....محمد باشا صلاح.؟!!!!!
ايه يا عم؟......لما ربنا فتحها عليك وجبت تكس....مش تعرفنا...مش تقولنا...!!!!
هو أحنا هنحسدك يعنى؟!!!....
لأ كده انا زعلان....متحلفش........برضو مش مصدقك......
محمد باشا صلاح......والله انا مبسوط منك جدا وعجبانى الفكره جدا...مش مغامره زى ما ناس فكرت فى الموضوع...لأ...كمصدر رزق ممكن الواحد يفكر فيه....
كلنا قطاع خاص...وكلنا عرضه فى اى لحظه نعمل مشاكل ونسيب اشغالنا أو حتى منعملش مشاكل ونمشى جنب الحيط ونسمع شكرا...الشركه بتصفى او بتخفض عماله...او لو انت كفائه وميقدروش يستغنوا عنك ...يسيبولك الاختيار بين الاستقاله وتخفيض المرتب....زى ما يخيروك بعيد عنك وعنا ...المشنقه ولا الرمى بالرصاص....
ان مش محرج انى اقول انى فكرت فى المشروع ده فعلا ...ولما حبيت اعمله ..إكتشفت ان نمر التاكسى لوحدها بتعمل 22000 جنيه والغاز حوالى 8000 جنيه وبالتالى عايز تفرغ عشان هتحط مبلغ كبير فى أصل يجب الاستفاده من العائد بتاعه لاطول فتره ممكنه.....
طب دلوقتى العربيات اللى اصحابها عملولها احلال وبقت ملاكى ..بيعملوا ايه؟؟
يسيب الشبكه ويكمل على اللون اسود وتفتكرها تاكسى وتشاورله يقف وماشيين تمام....
المشروع فى حد زاته هايل بس لازم تكون صاحب العربيه ومعلوش اقساط عشان تبقى حر....
يلا بقى طلع المهنيه وشغل البرايد تاكسى وشغلنى معاك...ونبقى ابو زمل....
والله العظيم انا مستني ردك من الصبح
انت نورتني ووحشتني والله
بس ايه رايك في الفكرة الجنان دي؟
الموضوع كل المغامرة الي فيه انك ماشي برخصة خاصة
وانا كمان مش عارف ايه العقوبة بالظبط خصوصا لو فيها سحب رخصتي او رخصة التاكسي
اكيد كانت هتبقى كارثة
وبعدين انهارة دخلت على الموقع بتاع المرور لقيت بيقول انها ممكن توصل لحبس 3 شهور
والله وانا متشجع اني اكمل فيها
بص يا سيدى ...لو العربيه بأسمك ...يعنى الرخصه بتاعه العربيه بإسمك ...ممكن تسوقها برخصه خاصه عادى...
لكن لو رخصه العربيه مش بإسمك يبقى لازم مهنيه وتقريبا توكيل بالقياده والتعامل مع المرور لزوم التجديد والمخالفات واللذى منه....!!
المشروع ده هايل جدا بس عايز تفرغ وطوله بال....
كفايه ايام المدارس وتوصيل الطلبه الصبح واخر النهار ...ولا عشرين عيل متحشرين فى العربيه....
واديك جربت....3 ساعات ب 70 جنيه..ماشاء الله ولا حول ولا قوه الا بالله....
شوف بقى لو بقيت متمرس....
والله العظيم النهارده تاكسى من جراج جسر السويس لعند نوفوتيل المطار واخد عشرين جنيه.:majd(4)::majd(4)::majd(4):
يا باشا التاكسي مش بتاعي ده بتاع واحد صاحبي
وانا عارف المعلومة دي لو العربية باسمي يبقى اسوقها بخاصة
لان في واحد اعرفه معاه نص نقل وبيسوقها بالخاصة لانها بتاعته
الموضوع مربح كويس انا كان نصيبي 25 ج
بس حق ربنا كان يبقى مش اقل من 40 جنيه
بس صاحبي قالي كده يعتبر وردية بغض النظر عن عدد الساعات انه اقل من 7 ساعات
يعني لو كنت كملت ال 7 ساعات هيكون متوسط نصيبي مش اقل من 50 جنيه
مية مية
يكفى انك تشتغل بالليل والدنيا رايقة ولا زحمة ولا بدنجان
تجربة لذيذة