هحكيلكم تجربة سواق تاكسي لوردية كاملة ايجار التاكسي لمدة 7 ساعات
في واحد صاحبي من ايام الثانوي وبعد لما تخرج من معهد ملقاش شغل المهم انه قدر يشتري تاكسي قسط
بقاله فترة مش عارف يجيب معاه سواق كويس
ومرة كنا قاعدين مع بعض وقلته انا كل يوم ممكن اساعدك وانزل معاك
طبعا كان كلامي تهريج
بعدها ب 3 ايام لقيته بيكلمني وبيقولي عايزك تنزل معايا عدد الساعات اللي اقدر عليه
المهم قابلته يوم الخميس على الكافيه بالصدفة وكلمني تاني :_Alshmokh22[1]:
قلتله ده الموضوع بجد والرخص والمرور والاكمنة والكلام الفاضي :36_1_2[1]:
قالي ياعم لو حصل حاجة هشيلها معاك بالنص وقعد يقولي خليك رابط الحزام ومتمسكش الموبايل خالص ومحدش هيسالك في حاجة
المهم لقيت دماغي اشتغلت :fdsa: وقلتله طيب سيبلي التاكسي انهاردة آخد تجربة
المهم اخدت التاكسي الساعة 1.15 بالليل يوم الخميس بدات الجولة
اول موقف حصلي ان في 3 زباين شاورولي وانا منفض (فاكر نفسي راكب ملاكي ) ههههههه :colsmil:
المهم لقيت حد بيقولي ميدان الجيش قلتله تعالي كانو راجل و2 ستات
خدت صلاح سالم والدنيا زي الفل
وعلى طلعة كوبري العباسية لقيت لجنة المهم لقيت الظابط بنفسه بيشاورلي
تقريبا كده حسيت ان الكرسي تحتي اتبل :POINTI~2[2]:
لقيته راح واخد لفة حوالين التاكسي وقعد يبص في وش الناس اللي راكبه معايا وقالي امشي
المهم ووصلتهم وركبت زبون تاني تالت ورابع والموضوع ماشي آخر حلاوة وكل الشغل في مدينة نصر :36_1_1[1]:
لحد لما لقيت واحد بيقولي منشية ناصر قلتله تعالى قالي هنزل بعد نادي المقاولين
انا معرفش اي طرق فلما كان بيركب معايا زبون كنت بساله انه يعرف الطريق ولا مش عارفه
المهم وانا اريح المنشية لقيت في الاتجاه المعاكس اللي المفروض ارجع منه كمين ولا كاني داخل على شرم الشيخ والمفروض وانا راجع اعدي من عليه لاني مش عارف طرق تاني
المهم وصلت الناس وخايف الف وارجع المهم وانا راجع لقيت شارع كبير جانبي قبل الكمين كده قلت ده اكيد آخره منطقة مصر الجديدة (على حسب رسم الخريطة في دماغي) :whtauwant:
المهم دخل الشارع يامعلم ولقيت نفسي داخل على دهاليز الدويقة واشكال غريبة بدأت تظهر والطرق بدات تضيق وخفت فعلا على نفسي من الاشكال اللي شفتها
قلت ملهاش حل غير اني ارجع والف تاني واعدي على الكمين وامري لله :_Alshmokh22[1]:
المهم رجعت ودخلت على الكمين كنا 3 عربيات واحدة قدامي وواحد جانبي الاثنين وقفهم الظابط ولما اللي 2 وقفوا دمي هرب مني وقلت جالك الموت ياتارك الصلاة :fun_36_3_4[1]:
المهم ووقفت ومن خوفي رجلى معلقة على البنزين والدبرياج والعربية عمالة تنعر وانا مش واخد بالي خالص
لقيت الظابط بيقول مال عربيتك؟ قلتله اصلها عطلت مني ودواسة البنزين معلقة قالي طيب خش
وربنا سترها
بعدها قعد الف شوية كده لحد الساعة 4 فجرا
وانا ماشي جنب سوق السيارات لقيت حد بيقولي عين شمس قلتله تعالي (علشان جانب بيتي) قلتله تعالى ده انت مصلحة:10D5C8~1107:
ووصلته وروحت على البيت
الايرات في حوالي 3 ساعات ونص كان 77 جنيه :colsmil: كان نصيبي فييهم 25 ج
دفعت 7 جنيه بس ومونت العربية غاز من بنزينة شل في غمرة (6.5 جنيه + تيبس) معل العلم ان التانك بتاع الغاز كان فاضي خالص وقلبت العربية بنزين علشان قطعت غاز
بس من بعدها قررت اني معملهاش تاني خالص
اللي كان مضايقني جدا جداااااااااا
هي كلمة
يا اسطى :dontudear:
يانهار ابيض لما كنت بسمع الكلمة دي بتتقالي ببقى عايز ارمي العربية تحت اي قطر باللي راكب معايا
بس الحمد لله الموضوع عدى على خير
وتوبة:rfds: