هستلم البيرسونا كمان يومين ان شاء الله

**Ayman_52** · 28-06-2009 03:59 PM

المشاركة الأصلية كتبت بواسطة DADO

اهدوا ياجماعة هو انا جيت عملت مشاكل ولا ايه

لا ياباشا مشاكل ايه ....

انا اللى بحب اغلس شويا على حبايبى

**jisso82** · 28-06-2009 04:01 PM

المشاركة الأصلية كتبت بواسطة dado

اهدوا ياجماعة هو انا جيت عملت مشاكل ولا ايه

لا يا باشا ربنا مايجيب مشاكل و لا حاجة بس خليك بعيد عشان ماتجيش فيك حاجة طايرة

**jisso82** · 28-06-2009 04:04 PM

و بعدين بجد أيمن خادمنى خدمات تساوى العربية من قبل ماتيجى يعنى لو طلبها منى ما أخرهاش عليه و آخد عليه وصولات أمانة كمان و أدخله السجن لو عايز

**DADO** · 28-06-2009 04:05 PM

طيب ياجدعان قوليلي ايه هي مشاكل البيرسونا اللي ممكن تطلع فيها وايه مميزاتها

**jisso82** · 28-06-2009 04:07 PM

بهزر طبعا يا مووووووووووووووووووون انت الوحيد اللى عارف انت عملت معايا إيه و لو أخويا ما كانش عمل معايا كده
ربنا يخليك بجد و أيمن ده حقيقى يا جماعة للى ما يعرفوش شخصيا ملاك المنتدى اللى حتى لو ماكنتش هجيب العربية كفاية عليا جدا إنى عرفت شخص زيه

**jisso82** · 28-06-2009 04:08 PM

المشاركة الأصلية كتبت بواسطة DADO

طيب ياجدعان قوليلي ايه هي مشاكل البيرسونا اللي ممكن تطلع فيها وايه مميزاتها

أحسن واحد يرد على حضرتك هو amecath
تقريبا هو طلعله كل مشاكلها فيقدر يرد عليك أحسن من الباقى

**Osama.shihata** · 28-06-2009 05:18 PM

المشاركة الأصلية كتبت بواسطة jisso82

أحسن واحد يرد على حضرتك هو amecath
تقريبا هو طلعله كل مشاكلها فيقدر يرد عليك أحسن من الباقى

يااااااااه
ده انا تحت امركم

**Ayman_52** · 29-06-2009 06:13 AM

المشاركة الأصلية كتبت بواسطة jisso82

و بعدين بجد أيمن خادمنى خدمات تساوى العربية من قبل ماتيجى يعنى لو طلبها منى ما أخرهاش عليه و آخد عليه وصولات أمانة كمان و أدخله السجن لو عايز

هى فيها وصولات وسجـــن

لا فعلا بتحبنى حــــــب

طب خد دى لحد ماشوفـــك

المشاركة الأصلية كتبت بواسطة DADO

طيب ياجدعان قوليلي ايه هي مشاكل البيرسونا اللي ممكن تطلع فيها وايه مميزاتها

طب هقولك لحضرتك على كام حاجه كده ... لحد ما/اسامه يرد عليك باستفاضه.

------

مميزات البيروسونا او الجين (لانهم زى بعض) :-
--------------------------------------

الموتور : كامبرو مزود بفلتر الــiafm تصنيع بروتون تحت اشراف شركة لوتس الانجليزيه

الشاسيه و العفشة :عفشه رياضيه ... تحت تصميم شركة لوتس الانجليزيه

استهلاك البنزين :زى اى عربيه 1600 .... بس البيرسونا لو ماحرقتش عالغيار هتديك استهلام مقارب لسيارات الــ1300

الثبات على السرعات العالية : اول ميزه تاخدها من سيارات -بروتون- .. سواء محمل العربيه او فاضيه ماشى مستقيم او مقضيها غرز

الارتفاع عن الأرض : بعدى اكبر المطبات وانا عدل وعمرها ماحكت (الحمد لله)

السحب والسرعه : سحب جيد ... وسرعه زى مانت عاوز ...

نظم الأمان :2air bags , abs , ebd , دعمات صلب فى جوانب السياره, مزوده بشداد مع الموتور, احزمة امان بالاضافه لاحزمه الامان للاطفال , الامبلويزر (ودا لو حد حط اى مفتاح غير مفتاح العربيه فى الكونتكت بيكلبش فيه والانذار بيشتغل) , واخرى...

الكماليات : كل الكماليات اللى تحتاجها فى اى سياره ... من الازاز الكهربا لحد المالتى فانكشن والاسبويلر.

الاتساع: تاخد 5 مستريح ...

إتساع الشنطة : شنطـــه بحــــــــــرررر

سعر اعادة البيع : لو هتبعها خلال سنه او اتنين يبقى هتخسر اكتر مقارنه لو بعت لانسر مثلا ... بس لو بعد 4 او 5 سنين كله زى بعض

التوكيل : يعنى متوسط .... ليه مميزات وعيوبه

توافر قطع الغيار : القطع الاساسيه متوفره بشكل دائم فى التوكيل ... وبعض القطع بتستنى لحد مالتوكيل يطلبها من برا...(بس لو مزنوق بيتصرفولك)

الصيانة والتصليح خارج التوكيل: انا بقيت اشوف محلات ميكانيكيه كتير حاطين لوجو بروتون .... وبصفه عامه بروتون مش صعبه.

تكون معمرة وتستحمل الخدمة الشاقة : هى لسه نازله السنه دى بس اختها الصغيره اللى هى زيها فى كل حاجه... ناس كتير معاها و معديه الــ10,000 ومبسوطين ..

كفاءة التكييف مع التحميل فى الحر : جيد

-واهم ميزه شايفها فى البيرسونا ... ان مافيش عربيه فيها كل المميزات دى وبالسعر دا-

لمعرفه تفاصيل اكتر عن البيرسونا مو 2009

شوف التوبيـــك دا

-----

عيوب البيروسونا او الجين (لانهم زى بعض) :-
-----------------------------------

كلها تتلخص فى عيوب تقفيل (صوت تزييق , سنتر بيعلق , ماكينه ازاز عاوزه تتشحم ) ودول المشاكل المشتركه مع الجين

انما سمعت كام مشكله مختلفه طلعت مع ملاك البيرسونا ... زى صوت كركره ... وحاجات تانيه ..

ودى طلعت مع ا/اسامه ... والحمد لله اتحلوا ... وبالتالى خبرته هتفيدك فى الموضوع دا.

---------------

دى نبذه بسيطه لسؤال حضرتك

واسيب الباقى لاستاذ/اسامه ... وملاك البيرسونا يفيدوك فيه اكتر منى

---------------

وانا تحت امرك فى اى استفســــــــار

تحيــــــــــــاتـــى

**waleedfesal** · 29-06-2009 08:18 AM

المشاركة الأصلية كتبت بواسطة dado

طيب ياجدعان قوليلي ايه هي مشاكل البيرسونا اللي ممكن تطلع فيها وايه مميزاتها

يا راجل انا مش عايزك تقلق من حاجه
كل مشاكل البرسونا انحصرت معايا فى عيوب تقفيل بسيطه جدا ( النور الامامى العالى كان ضارب فى السما و الفرامل كانت ضعيفه سنه بسيطه و عازل الباب الامامى يمين بيتفك مع فتح وقفل الباب )
ولما قولتلهم عليهم فى صيانة الاف كل حاحه اظبطط وبقت تمام
هى العربيه معايا من عشرة ايام كامله اتوماتيك وعامل بيها 1700كيلو لحد الان:b4_048:
وجربتها على طرق سفر كتير يعنى اول ما استلمتها خدتها مشوار من القاهره لدمياط وبعد ما نمرت روحت بيها بورسعيد مرتين وسافرت الصيانه بالاسكندريه بصراحه ممتازه جدا جدا جدا
ووقت الزنقه بمية راجل .... انا طبيعى ما بحبش اجرى بالعربيه يعنى كبيرى حتى لو الطريق مفتوح 100 او 120
عشان اغلب الاوقات ابنى الصغير بيبقى معايا
بس وانا راجع من الاسكندريه وعلى الطريق الدولى حبيت اقرص على الغربيه شويه جابت 170 وكانت بتقول كمان
معلش انا عارف انى طولت عليك
بس انا عايز اطمك ان البرسونا عموما مفيش فيها اى مشكل جوهريه تخليك تقلق منها
على العكس بالنسبة للامكانيات اللى فى العربيه جميله جدا قصاد سعرها الرائع
وان شاء الله تستلم على خير وبرضه بأكد عليك تعمل فحص كامل على العربيه وماتسبش حاجه الا لما تجربها ولو فى حاجه لازم تسجلها فى محضر الاستلام
وابقى طمنا انت عملت ايه

**DADO** · 29-06-2009 10:37 AM

شكرا جدا ليك يا أ/ ايمن على الرد الجميل ده انت طمنتني اوي وخلتني مستعجل على الاستلام تسلملي ياباشا , اه على فكرة انا كلمت أ/ اسامة هو بعتلي رقمو والحقيقة هو محترم جدا وفادني اوي وعلى فكرة هو بيشكر فيك اوي بجد

الموضوع: هستلم البيرسونا كمان يومين ان شاء الله

LinkBack

أدوات الموضوع

عرض

-

-

-

-

-

-

-

المواضيع المتشابهه

انا هستلم الكارينز انشاء الله كمان ساعة

هستلم m11 خلال يومين تلاتة ان شاء الله ارجو الافادة

عندي فحص كمان يومين اعمل ايه ؟

(ان شاء الله) هستلم عربيتي الشيفورليه لانوس بعد يومين...ادعووووولي

إن شاء الله هشتري كمان يومين بظبط,رايكم ضروووووووري و بسرعه

الكلمات الدلالية لهذا الموضوع

المفضلات

المفضلات

ضوابط المشاركة