هستلم البيرسونا كمان يومين ان شاء الله

**DADO** · 28-06-2009 11:06 AM

انا اول مرة اشترك في المنتدى ياجماعة بس انا متابعة من شهر تقريبا من ساعة ماقررت اشتري البيرسونا الجميلة وياريت تقبلوني صديق المتندى . من غير ما اطول عليكم انا ان شاء الله هستلم البيرسونا كمان يومين بس في حاجه لفتت نظري وانا بشوفها اخر مرة وهي ان في الازاز اللي قدام الورقة اللي ملزوقة عليه بتاعة الشحن وكده كان مكتوب فيها انها وصلت بتاريخ 25/12/2008 يعني بقالها 6 شهور تقريبا فهل ده عادي ولا المفروض اكون مستلم من اخر دفعة جات الا اذا كانت دي هي اخر دفعة. ياريت تفيدوني بسرعة

**MuhammedSoliman** · 28-06-2009 11:32 AM

المشاركة الأصلية كتبت بواسطة dado

انا اول مرة اشترك في المنتدى ياجماعة بس انا متابعة من شهر تقريبا من ساعة ماقررت اشتري البيرسونا الجميلة وياريت تقبلوني صديق المتندى . من غير ما اطول عليكم انا ان شاء الله هستلم البيرسونا كمان يومين بس في حاجه لفتت نظري وانا بشوفها اخر مرة وهي ان في الازاز اللي قدام الورقة اللي ملزوقة عليه بتاعة الشحن وكده كان مكتوب فيها انها وصلت بتاريخ 25/12/2008 يعني بقالها 6 شهور تقريبا فهل ده عادي ولا المفروض اكون مستلم من اخر دفعة جات الا اذا كانت دي هي اخر دفعة. ياريت تفيدوني بسرعة

أهلا بيك معانا وإن شاء الله تجد ما يسرك بخصوص استفسارك .. عادي مافوهوش حاجه طالما موديل السنة مش فراقه

تحياتى

**DADO** · 28-06-2009 11:48 AM

شكرا ليك يابوحميد

**jisso82** · 28-06-2009 12:27 PM

ما تشوف يا عم أيمن الناس اللى بتستلم من ورانا دى

1000000000 مبرووووووووووووووووووك يا باشا و ياريت بس حضرت ك تقول انت ححجزت امتى و منين و فئة العربية إيه يعنى مانيوال ولا أوتو و هاى ولا بيز

**DADO** · 28-06-2009 12:36 PM

ايه ياعم مالك بس زعلان ليه كده هو انت مش لاقيها ولا ايه؟ عالعموم انا حجزت عند معرض الطارق اوتو اللي في مدينة نصر في اخر شارع احمد فخري امام حديقة الطفل وبصراحة هي ماكنتش موجودة بس هما مشكورين كلمو الموزعين والتجار والمعارض لحد ماجابوها وبصراحة معرض محتر جدا واهم حاجه خدمة مابعد البيع كويسة اوي عندهم

**jisso82** · 28-06-2009 01:40 PM

المشاركة الأصلية كتبت بواسطة dado

ايه ياعم مالك بس زعلان ليه كده هو انت مش لاقيها ولا ايه؟ عالعموم انا حجزت عند معرض الطارق اوتو اللي في مدينة نصر في اخر شارع احمد فخري امام حديقة الطفل وبصراحة هي ماكنتش موجودة بس هما مشكورين كلمو الموزعين والتجار والمعارض لحد ماجابوها وبصراحة معرض محتر جدا واهم حاجه خدمة مابعد البيع كويسة اوي عندهم

لا يا باشا اوعى تكون اتضايقت والله مش زعلان وفرحان لك من قلبى بجد
بس أنا قرفان من التوكيل لأنه بدأ يستعبط بصراحة و مش عارف اخرتها إيه معاه و لا هيسلمنا امتى
بس ربنا يباركلك و عقبالنا إن شاء الله

**Ayman_52** · 28-06-2009 02:00 PM

اهلا بحضــرتــك

والف الف مبروك وان شاء الله تستلم على خير يارب

وربنا يحفظهالك يارب ويباركلك فيها ويكفيك شر الطريق

--------------
وبخصوص الوقت اللى مكتوب عالازاز دا ...

هو عادى بس كان يفضل انو يكون وقت الدفعه الحاليه او اللى قبلها ... بس دا كدا معاد اول دفعه اللى سمعت فيها مشاكل تقفيل كتيره ؟؟؟؟

حضرتك قبل ماتستلم تخلى حد من المعرض يطلع معاك وتعملها تيست ... وتجرب كل حاجه كويس جدا ... وياسلام لو حد معاه بيرسونا جه عمل تشيك معاك

معلش هو حضرتك حاجز مانيوال ولا اوتو ... كامله ولا هاف ؟؟؟

-----------

ايه ياعم هيثوووم اهدى شويا يا راجل .... مش حتة عربيه تقلب حالك كده

------------

يــــــــــــارب كل الناس اللى حاجزه تستلم على خير يارب

تحيــــــــــــــــــــات ــــى

**DADO** · 28-06-2009 02:05 PM

لا ياباشا انا مش مضايق ولا حاجه انا بهزر معاك بس وعلى فكرة معرض الطارق اوتو ده كويس اوي زي ما قلتلتك

**DADO** · 28-06-2009 02:06 PM

شكرا يا استاذ ايمن على ردك هي العربية اوتوماتيك وهاي لاينز

**Osama.shihata** · 28-06-2009 02:30 PM

ولا تقلق خالص خالص
عارف لو فيها ايه متقلقش خالص كله بيتحل لانها عادة مشاكل تقفيل بسيطة فقط
البرسونا جميلة جدا
ماشاء الله
وان شاء الله تستلمها على خير والف الف مبروك
واى حاجة كلنا فى الخدمة

الموضوع: هستلم البيرسونا كمان يومين ان شاء الله

LinkBack

أدوات الموضوع

عرض

-

-

-

-

المواضيع المتشابهه

انا هستلم الكارينز انشاء الله كمان ساعة

هستلم m11 خلال يومين تلاتة ان شاء الله ارجو الافادة

عندي فحص كمان يومين اعمل ايه ؟

(ان شاء الله) هستلم عربيتي الشيفورليه لانوس بعد يومين...ادعووووولي

إن شاء الله هشتري كمان يومين بظبط,رايكم ضروووووووري و بسرعه

الكلمات الدلالية لهذا الموضوع

المفضلات

المفضلات

ضوابط المشاركة