إشتريت ألانترا 2006 وعندي بعض الاستفسارات
انا الحمدلله اشتريت الانترا الشكل القديم (2006) وقبل ماشتريها رحت كشفت عليها في مركز خدمة تبع هيونداي وقالولي ان كل حاجة مية مية.
بس لما ركبتها فعلياً وابتديت اسوقها لاحظت فيها كذا حاجة عايز استفسر عنهم:
1- لما باجي احط الغيار على المارشدير (هي بالمناسبة مانيوال) بسمع صوت رزعة (طراك) ، هو ده طبيعي؟
2- برضه في الغيار العكسي ، الفوانيس اللي ورا اللي بتنور أبيض علشان السواق يشوف وهو بيرجع مش بتنور في معظم الأحيان ، يا ترى دي مشكلة كبيرة؟ وبالمناسبة ، اللمبات نفسها مش محروقة لأنها ساعات بتنور.
3- لقيت في زرار على هيئة بكرة صغيرة قدام الفتيس عليه أرقام ولما سألت ده بيعمل ايه عرفت انه مسئول عن ظبط زاوية نور الكشافات الأمامية ، بس الزرار ده مش شغال ، يعني لما احطه على 1 أو 2 أو أي حاجة زاوية الإضاءة مش بتتغير ولا حاجة ، فالسؤال بقى ، هو في عربيات بيبقى فيها الزرار ده بس مش بيبقى فيها مواتير في الكشافات واللا أنا عندي المواتير دي بايظة؟
آسف على الإطالة وشكراً مقدماً على الإجابات.
