(بالفيديو) حرام والله الناس اللي بتموت (ارجوكم استعمال حزام الأمان)

**ainshouka** · 28-06-2009 06:37 PM

يمكن مبنحسش بتأثيره داخل البلد لبطء الحركة لكن تأثيره يظهر جليا فعلا على الطرق السريعة وبتكون متحكم اكتر فى السيارة على السرعات العالية حتى مع كثرة اهتزازاتها ومطبات الهواء بتفضل ثابت فى مكانك وبتعرف تسوق وانت مطمئن بس المشكلة ان العربيات القديمة ملهاش حزام للى قاعد فى الخلف

**nonalaziza** · 29-06-2009 12:54 AM

ربنا يسلمنا من الحوادث يارب
انا عن نفسي واحده من الناس بربط حزام الامان من اول لما اخرج من البيت لحد ماروح المشوار مش خوف من لجان ولا غرامه انما علشان الامان
ولو حد ركب جنبي بقوله لو سمحت اربط الحزام وساعات كتير بحس بنظرة ايه الخنقه دي
بس هو لازم اللي ورا كمان يربط الحزام
يعني انا اللي بيركب جنبي بقوله معلش اربطه و بحس انه مضايق
اللي ورا اعمله ايه بقي اقوله قواعد امن ونتانه هههههههه قصدي امن وسلامه

**dode2002** · 29-06-2009 01:11 PM

لا يعم مش مكل الفيديو دي فيديوهات بشعه
علي العموم انا لا اركب السياره الا بحزام الامان وقبل ما ادور العربيه كمان

**Drift_Lover** · 29-06-2009 01:44 PM

تنبيه يستحق الشكر.
شكرآ amrico.

**M.Hassan47** · 30-06-2009 01:29 AM

انا عن نفسى فعلا من اكتر الناس اللى كانت مضايقة جدا اما بقى الحزام اجبارى بس فعلا اما استخدمته حسيت فعلا بفايدته حقيقى
دلوقتى مبقتش اعرف اعلى فى السرعة او اجرى او اكل غرز الا وانا لابس الحزام

**amrico** · 30-06-2009 02:30 PM

المشاركة الأصلية كتبت بواسطة BASKOTA

المهم فكرنا احنا كمستخدمين سيارات
الحزام فعلا للامان اللى عاوز يحافظ على نفسه يستخدمه واللى مش عاوز قانون المرور يجبره يحافظ على نفسه وعلى غيره

لو ما اتعلمش هيتعلم من كتر المخالفات على الاقل يخاف على فلوسه

شكرا على المرور والواحد بيحلم ان الناس تطبق القانون احتراما للنفس مش خوفا من المرور ودفع الفلوس

المشاركة الأصلية كتبت بواسطة ainshouka

يمكن مبنحسش بتأثيره داخل البلد لبطء الحركة لكن تأثيره يظهر جليا فعلا على الطرق السريعة وبتكون متحكم اكتر فى السيارة على السرعات العالية حتى مع كثرة اهتزازاتها ومطبات الهواء بتفضل ثابت فى مكانك وبتعرف تسوق وانت مطمئن بس المشكلة ان العربيات القديمة ملهاش حزام للى قاعد فى الخلف

دي المشكلة اللي مالهاش حل
كمان وسائل المواصلات العامة اللي الناس مابتلاقيش فيها كرسي حتى مش حزام امان
ربنا يستر

**amrico** · 30-06-2009 02:33 PM

المشاركة الأصلية كتبت بواسطة nonalaziza

ربنا يسلمنا من الحوادث يارب
انا عن نفسي واحده من الناس بربط حزام الامان من اول لما اخرج من البيت لحد ماروح المشوار مش خوف من لجان ولا غرامه انما علشان الامان
ولو حد ركب جنبي بقوله لو سمحت اربط الحزام وساعات كتير بحس بنظرة ايه الخنقه دي
بس هو لازم اللي ورا كمان يربط الحزام
يعني انا اللي بيركب جنبي بقوله معلش اربطه و بحس انه مضايق
اللي ورا اعمله ايه بقي اقوله قواعد امن ونتانه هههههههه قصدي امن وسلامه

هو لازم يربطه برضه وفي واحد من الفيديوهات بيبين ان اللي ورا ممكن يطير ويطلع من الزجاج الأمامي لو السرعة كبيرة
او ممكن يخبط اللي قاعد قدام في راسه ويسببله اصابة
ربنا يسترها وشكرا على المرور

المشاركة الأصلية كتبت بواسطة dode2002

لا يعم مش مكل الفيديو دي فيديوهات بشعه
علي العموم انا لا اركب السياره الا بحزام الامان وقبل ما ادور العربيه كمان

ربنا يبارك فيك ويديم عليك نعمة الأمان وشكرا على مرورك

**amrico** · 30-06-2009 02:37 PM

المشاركة الأصلية كتبت بواسطة Drift_Lover

تنبيه يستحق الشكر.
شكرآ amrico.

ابو يوسف حبيب قلبي شكرا على مرورك واحب افكرك بكرسي الأطفال عشان خاطر يوسف ويكون كرسي ب 3 اماكن تثبيت في المقعد الخلفي وبكرر المقعد الخلفي وليس الأمامي

المشاركة الأصلية كتبت بواسطة romeo21

انا عن نفسى فعلا من اكتر الناس اللى كانت مضايقة جدا اما بقى الحزام اجبارى بس فعلا اما استخدمته حسيت فعلا بفايدته حقيقى
دلوقتى مبقتش اعرف اعلى فى السرعة او اجرى او اكل غرز الا وانا لابس الحزام

يا حبيب قلبي الحزام مش دي وظيفته
مش معنى ان انت لابس الحزام يبقى خلاص تدوس وتشد براحتك
افتكر ان الناس اللي في العربيات التانية ممكن الحزام اللي عندهم عيرة وكمان الناس اللي ماشيين على رجليهم معندهومش حزام امان و airbags ربنا يوصلك بالسلامة انشاء الله

**M.Hassan47** · 06-07-2009 07:19 PM

على فكره انا مش قصدى كده بس الفيديوهات بتعنى نقطة محددة وهى حوادث الحديد اى عربيات فى عربيات او عربيات فى اى شئ مش بنى ادمين لكن طبعا وبدون ادنى شك اهم حاجة بتخلى الواحد عنيه فى وسط راسه وهو سايق هى الناس لأن دى ارواح