الموضوع: زيادة القوة للسيارة بتغيير البوجيهات

المشاركة الأصلية كتبت بواسطة FLYINGPEUGEOT

????it must be a completely cycle

يعنى ايه الجمله دى ؟؟؟
يعنى :

بوجيهات ذات كفاءه اعلى تحتاج الى السلوك الجيده اللى هتوصللها اكبر قدر ممكن من الشراره بأقل نسبة فقد.
..تحتاج الى مصدر شراره اقوى عشان يخررج الشراره اللازمه (بوبينا قويه)
هو دا تعديل ال ignition system

....كل دا هيحتاج نسبة وقود اكتر عشان يحرقها
يعنى تعديل ضخ الوقود
يعنى
طلمبه اكبر+رشاشات اكبر
تعديل ال fuel pumping system

..يبقى كده عندنا الشراره الجامده وضخ البنزين القوى يبقى لازم يدخل للموتور كمية هواء اكبر عشان البنزين اللى زاد....
والا العربيه ممكن تطلع دخنه سودا وتبرجل
يعنى هنعددل ال engine inspiration
(فلتر هواء رياضى واللذى منه)
ودا اللى بيسموه
تعديل ال air intake system

طب كده الموتور بقى ياكل كويس وشهيته زادت والحمد لله :) طب كل دا هيروح فين ؟؟؟؟
يبقى لازم ننشط عملية الاخراج :)
يعنى هنوسع جهاز الاخراج بتاع الموتور :)
واللى هو
ال exhaust system
واللى هو
هيدر +ماسورة شكمان اوسع + علبة شكمان رياضيه
عشان نقدر نخررج كمية العادم العاليه اللى زادت بعد ما زادت عملية الاحتراق والا الموتور هيتخنق ويبقى معملناش حاجه دا غير ان العربيه هتسخن كمان

غير كده محدش يستنى فرق ملحوظ...باى حاجه من دول لوحدها
والكلام دا كللو مايعتبرش اوفر ولا حاجه
كل دا يعتبر أ ..ب...تعديل
اعملو الخطوات دى وهتحسوا
باداء خياااااااالى ..عربيه تانيه خالص
بس لازم المنظومه تكون متكامله

المعادله بتقول

completely cycle
=
completely power

وياريت اى سندويتش عا الماشى

ليك فرخه ومشويه كمان يازعيم...بس متغبش علينا تانى :)

ايه حكايه كود البوجيهات دي انا كده قلقت انا حاطط بوجيهات 3 شمعه بوش روسي هيا بصراحه فرقت بس انا عايز اعرف النوع ده يناسب الكيا برايد ولا لا ومعنديش كتاب الارشادات بتاعها ومش عارف يعني ايه الهيت اللي قال عليه الاخ m mamdouhيعني ايه اصلي بصراحه لسه مستجد

ممعايش الكتالوج بتاع الكيا برايد سيدان هي 1300 سي سي محدش يعرف يفيدني وتبقي كسبتم ثواب انا معرف كود البوجيهات عندي اي ولا مدي الحراره انا غيرتها من فتره ببوجيهات بوش 3 شمعه ولقيت السحب زي الفل بس مش عارف كده في ضرر ولا لا والبوجيهات دي ضاره بالموتور ولا لا ارجو الافاده من اخواتي المتميزين