ايه افضل مكان اشترى منه كاوتش جديد ؟

**Pronto** · 28-06-2009 03:42 PM

من فضلكم ايه احسن و اضمن مكان اجيب منه كاوتش جديد و ارصص و اظبط زوايا عنده ؟

انا بقالى فتره بدور على مكان كويس اشترى منه و نوع كمان كويس و سعره معقول . لفيت فى المنتدى هنا كتير و كان الاجماع على البريدجستون و الميشلان .. بس دول غاليين قوى الطقم هيعمل 2000 جنيه كتير .انا الى راكب عندى GT بقاله كتير قوى اكتر من 50 الف كيلو بس اتبهدل قوى و بدء يتشقق جامد و هايف امشى بيه تانى . بس مش عارف اجيبه تانى ولا اغير النوع . انا سالت عليه جديد ب 285 جنيه الفرده من غير ترصيص . ولا اجيب كومهو احسن منه ؟؟؟ فى ناس بتقولى الكومهو مش بيعيش كتير لو انت بتسافر كتير هل الكلام ده صح ولا ايه ؟؟؟؟ انا سالت عليه ال KH العادى منه ب 270 جنيه الفرده .. و ال Kumho Ecsta مش لاقيه خالص فى المقاس بتاعى 14/185/60 هو شكله انضف من العادى بكتير بس مش لاقيه .. و ناس بتقول النانكنج احسن منهم هم الاتنين ...

ياريت يا جماعه تساعدونى انى اجيب نوع كويس و سعره مناسب و من مكان مضمون علشان انا تعبت بجد من القصه دى و مسافر يوم الخميس الى جاى و خايف اسافر بالكاوتش الى عندى ده ...