أفيدونا ... كورولا 2003 ولا نيو سيراتوا 2009 مانيوال

**Hamdy Masria** · 28-06-2009 04:43 PM

بصراحة يا جماعة مش عارف ابتدى منين ... من كتر ما قريت مشاركات واراء حسيت فعلا ان الناس هنا فى المنتدى ماشاء الله محدش بيخبى معلومة او بيبخل بيها على اخوة ... فى البداية اقول ظروفى عشان الناس تحط نفسها مكانى وتقدر ترشحلى الأحسن انا كنت بفكر فى النيو سيراتوا وكنت ناوى اشتريها بالقسط بس فى ظل الظروف الإقتصادية الواحد قلقان جدا فا جاتلى فكرة تانية وهى عربية كورولا تكون موديل 2003 او 2004 كاملة مانيول او حتى اتوماتيك مش هتفرق كتير ... يعنى من الآخر كورولا مستعملة موديل 2003 او 2004 حالتها كويسة اشتريها كاش واريح دماغى .... ولا ادفع 60 او 70 الف مقدمة للنيو سيراتو واقسط الباقى مع العلم انى بفكر فى المانيول من النيو سيراتوا .... افيدونى افادكم الله

**Eng.Sameh** · 28-06-2009 04:50 PM

اشتري على قد اللي معاك وابعد عن القسط طالما تقدر تجيب كاش ، القسط بيكون دوشة وبتدفع فلوس زيادة في الفايدة ومصاريف ومصاريف بنكية وتخليص اوراق ووجع دماغ كتير ده غير أنها فيها شبهة حرام ان ما كانش اكيد، وبعدين اصلا أنا متهيألي أنك لو جبت كرولا 2004 حالتها نضيفة ويا ريت 1600 هتكون احسنلك من النيو سيراتو أول فئة مانيوال ، وربنا يوفقك

**M.ABDEEN** · 28-06-2009 05:22 PM

اولا على حسب امكانياتك وحسب التزاماتك طبعا الكاش مافيش احسن منه ...
بالنسبة لنقطة 2004 حتى لو حالتها نظيفة فهي كده مر عليها 5سنين ونصف يعنى بداية الدخول في المصاريف اللي هتكون ممكن ثابتة ...الجديد مريح في النقطة دي ..بس لو مش عايز دوامة الاقساط يبقى الكورولا 2004 احسن ليك في الحالة دي من المازدا 3 ......

**Eng.Sameh** · 28-06-2009 06:12 PM

المشاركة الأصلية كتبت بواسطة mohammedsamirabdeen

الكورولا 2004 احسن ليك في الحالة دي من المازدا 3 ......

مش عارف ايه اللي جاب المازدا3 في الموضوع .. والله الواحد سعات بيحس ان المنتدى بيقلب حضانة ... ربنا يهدي

**M.ABDEEN** · 28-06-2009 06:22 PM

المشاركة الأصلية كتبت بواسطة justs

:pointi~2[2]::pointi~2[2]::pointi~2[2]::pointi~2[2]::pointi~2[2]::pointi~2[2]::pointi~2[2]::pointi~2[2]:
مش عارف ايه اللي جاب المازدا3 في الموضوع .. والله الواحد سعات بيحس انالمنتدى بيقلب حضانة ... ربنا يهدي

يعني لو الراجل بيقارن كورولا 2004 بمازدا 3 جديدة سعادتك كنت هاتقوله برده هات كورولا ؟؟؟؟وبعدين انا عايز اعرف ليه كل مقارنة فيها سيراتو باحس منك ان احنا بنقارن العربية المذكورة مع الهواء؟؟؟؟؟؟؟ليه مدى استبعادك ليها بالشكل ده حضرتك جبت مازدا 3 وربنا يباركلك فيها بس ليه الهجوم ده ؟؟؟؟؟وبعدين حضانة علشان بنقول على حاجة كويسة زي السيراتو مثلا يبقى كده لما نقول ونقارن ونرشح مازدا 3 مش برده كده حضانة!!!!!!!!!ربنا فعلا يهدي

**Ahmed Selim** · 28-06-2009 06:42 PM

الموضوع مش مستاهل يا رجالة

اللى عنده نصيحة يقولها و كفاية........الهدف من المنتدى أن أحنا نفيد و نستفيد.

بعيداً عن نقطة الكاش والقسط ( طبعاً الكاش أريح )
أعتقد السيراتو الجديدة أحسن من كورولا 2003 أو 2004 فى رأيي الشخصى...........

**kliken** · 28-06-2009 06:51 PM

الكاش احسن كتير بعيدا عن مقارنه العربيتين ببعض

**M.ABDEEN** · 28-06-2009 06:52 PM

يا سيدي لا احسن ولا حاجة ومتزعلش يا هندسة وكل واحد حر في رائيه ووالله انا مقربش حتى لحارس الامن اللي في توكيل كيا بس متاخذنيش انا ملاحظ دايما انك مشرك الكيا مش عارف ليه رغم ان محدتش بيشرك المازدا هتقولي لان لا عليها غبار ماشي ياسيدي ممكن اي حد يكتب ويشرك فيها بل معرفة وللعلم برده انا مابكرهش المازدا وبحبها وفعلا هي عربية ممتازة بس محدش مقدرها في مصر الا اللي يعرف قيمتها وانا عارف قيمتها وحقك عليا يا سامح باشا ............

**Eng.Sameh** · 28-06-2009 06:55 PM

المشاركة الأصلية كتبت بواسطة mohammedsamirabdeen

يا سيدي لا احسن ولا حاجة ومتزعلش يا هندسة وكل واحد حر في رائيه ووالله انا مقربش حتى لحارس الامن اللي في توكيل كيا بس متاخذنيش انا ملاحظ دايما انك مشرك الكيا مش عارف ليه رغم ان محدتش بيشرك المازدا هتقولي لان لا عليها غبار ماشي ياسيدي ممكن اي حد يكتب ويشرك فيها بل معرفة وللعلم برده انا مابكرهش المازدا وبحبها وفعلا هي عربية ممتازة بس محدش مقدرها في مصر الا اللي يعرف قيمتها وانا عارف قيمتها وحقك عليا يا سامح باشا ............

حصل خير ومفيش اي حاجة ... وربنا يبارك لكل واحد فيما رزقه ، وعلى فكره والله انا مش متعمد اني اشرك الكيا ولكن بقول رأي اللي مقتنع بيه.. واهو كله صاج على عجل مش مستاهلة حد يضايق نفسه ..

-

الموضوع: أفيدونا ... كورولا 2003 ولا نيو سيراتوا 2009 مانيوال

LinkBack

أدوات الموضوع

عرض

أفيدونا ... كورولا 2003 ولا نيو سيراتوا 2009 مانيوال - انشر الموضوع فى :

-

-

-

-

-

المواضيع المتشابهه

لوجان مانيوال ولا تويوتا كورولا 1999 كاملة مانيوال

بروتون ساجا . أتوماتيك .. مانيوال . أفيدونا

2009 كورولا مانيوال؟

كورولا 2009 مانيوال أخبارها إيه وبكام؟

أتمني المشاركة ايهم افضل أوبترا - نيسان - النترا - سيراتوا وكلهم مانيوال

الكلمات الدلالية لهذا الموضوع

المفضلات

المفضلات

ضوابط المشاركة