ربنا يسامحك قلبت عليا المواااااااااااجع
عرض للطباعة
ايوة وجهت نظرك وصلتنى و شكرا على التوضيح
انا كنت بقصد ان مفروض الناس بئى عندها وعى بالحوارات دى و ان اى حد لازم يكون متوقع الى هيحصل بعد الرسالة دى
هيدخلك فى اسئلة
فا كدة فعلا نصب زى ما انت قولت و لو انت كملت معاهم يبقى اتنصب عليك و قامرت معاهم عن طريق التليفون كمان
فا كدة مشكلتين مش مشكلة واحدة كمان :whtauwant:
الرسالة جتلى مرة مبروك كسبت مرسيدس مش فاكر كانت إيه بس تقريبا كانت cls المهم أتصلت بس ألى الرقم غير موجود بالخدمة والرسالة كانت بالانجليزى مش بالعربى وعلى فكرة شفتها بعد ما صحيت من النوم برضه
الموضوع قمار فعلا يا جماعة و مش بس المسابقة دى للأسف كل المسابقات الخاصة بأرقام 0900 و الموبيلات
الموضوع ده اتناقش باستفاضة لما سمير بيه زاهر كان عايز يعمل نظام مراهنات رسمى على نتائج الماتشات فى الدورى العام
وقتها لما بعض الشيوخ اللى استفتاهم فى الموضوع قالوا إنه حرام لأنه الجوايز من فلوس الناس مش من الاتحاد رد و سأل إيه الفرق بينه و بين مسابقات التوقعات العادية زى ال0900 رد الشيوخ الأجلاء بعد دراسة الموضوع أنه لا يجوز أن تكون جائزة المتسابق من فلوس المتسابق نفسه بمعنى ما ينفعش مكالمة تمنها 25 قرش مثلا أدفع فيها 2 جنيه و بعدين أكسب الفرق بتاعى و بتاع غيرى و إن عشان المسابقة تكون سليمة لازم يا إما تكون سعر الدقيقة أو الرسالة هو سعرها الطبيعى اللى أنا بدفعه على نظامى أو زى شراء بضاعة بقيمة الفلوس اللى بدفعها و الجايزة تبقى مقتطعة من أرباح المنظم زى مثلا الجوايز اللى بيعملها كارفور لو اشتريت بقيمة 200 جنيه لك كوبون ممكن تكسب عربية ب100 ألف لأنه هنا إداك بضاعة بقيمة 200 جنيه فعلا و أخد جزء من أرباحه الخاصة و جاب بيهم العربية.
و أنا عموما بعد ما سمعت المعلومة دى قاطعت مسابقات ال0900 بكل أنواعها حتى الصعبة و التاريخية و اللى محتاجة فكر لأن المبدأ طلع غلط فمش ممكن أبدا أخاطر و أنا عارف إنها فلوس حرام