من المنصورة للقاهرة من غير عربية (و إلى العجوزة-الدقي-الهرم)

**M.Osman** · 28-06-2009 06:06 PM

السلام عليكم

نظراً لقلة معرفتي بشوارع و أحياء القاهرة...
لو سمحتم كنت عايز اعرف اية افضل وسيلة مواصلات من المنصورة للقاهرة؟
مكانها فين المنصورة و هنزل فين منها في القاهرة ؟

و اية احسن طريقة اروح بيها للأماكن التالية من المكان اللي هنزل فيه في القاهرة :
-العجوزة
-الدقي
-الهرم

متشكر جداً

**wardet** · 29-06-2009 12:40 PM

بص يا باشا
هو انت تركب من الموقف بتاعكم
اكيد فيه دايركت للقاهرة
هتنزل المفروض فى عبود
بس انت تنزل المؤسسة او المظلات ( أحسنلك )
وتركب المترو هتنزل الدقى
الهرم تقريباًَ ممكن تركب عربية من على الدائرى
دا على حد معلوماتى المتواضعة
ياريت حد يدخل يأكد المعلومة
وتوصل بالسلامة

**mramzy** · 29-06-2009 12:42 PM

المشاركة الأصلية كتبت بواسطة wardet

بص يا باشا
هو انت تركب من الموقف بتاعكم
اكيد فيه دايركت للقاهرة
هتنزل المفروض فى عبود
بس انت تنزل المؤسسة او المظلات ( أحسنلك )
وتركب المترو هتنزل الدقى
الهرم تقريباًَ ممكن تركب عربية من على الدائرى
دا على حد معلوماتى المتواضعة
ياريت حد يدخل يأكد المعلومة
وتوصل بالسلامة

صح كده
بس الدقى والعجوزة اركب المترو انزل الدقى واتمشى يمين تبقى فى العجوزة
او تبقى فى الدقى
ومن ميدان الدقى تلاقى عربيات الهرم وفيصل

**medo55** · 01-07-2009 05:02 PM

ممكن تكمل خط المترو لمحطة الجيزه , واول ما تنزل محطة الجيزه هتلاقي نفسك في اول شارع الهرم

تركب سيرفيس الي هو موديل سنة 50 دا :d معظمه اخره شارع العريش قبل نهاية الهرم بشويه كدا