مناطق خطرة تتكرر فيها الحوادث فى الاسكندرية

**Maged_Samy** · 28-06-2009 06:20 PM

لاحظت ان هناك بعض المناطق التى تتكرر فيها الحوادث بشكل يومى تقريباً ومنها :
1- محور التعمير فى منطقة التقاء القادم من دوران الموقف الجديد مع النازل من الكوبرى ومتجه الى برج العرب فى منطقة القبارى . المكان ده فى كل يوم حادثه قاتله .
2- تقاطع شارع بورسعيد مع الشارع القادم من عند كليه الهندسة فى الشاطبى .
3-نفق محرم بك اكتر مكان به حوادث اذا حدث توقف مفاجي للسيارات بداخله .
4- منزل كوبرى محرم بك للمتجه ناحية كارفور - توقف مفاجى نتيجة اللى عايز يدخل فى طريق الموقف الجديد وبيفرمل بغباء مرة واحدة .

ياريت اللى بياخد باله من اماكن تانيه يقولنا عشان تكون الافادة للجميع ..... مع تحياتى

**ASKAFRAWY** · 28-06-2009 06:50 PM

1-منطقة سان استيفانو على البحر لان الطريق بيقف مرة واحدة نتيجة لعبور المشاه
2- ميدان فيكتور عمانويل بسموحة كل يوم حادث بسبب غياب المرور بها وبدأت عملية التوسيع اليومين دول
3- تقاطع نهاية شارع المعسكر الرومانى مع الترام

**zyadahmed** · 16-07-2009 02:07 AM

لو انت خارج من كارفور وعايز ترجع محرم بيه مضطر تقطع الطريق الصحراوى الواسع جدا عشان اليو ترن انا كل مرة باعمل كده وانا مرعوب بس ايه البديل ياريت حد يفكر من المسئولين يبعد الملف بتاع الرجوع ده 500 متر كمان الواحد يلحق ياخد الحارة الشمال بادب واحترام بدل العفيجة اللى مضطرين ليها واكيد كلنا لاحظنا ده

**Maged_Samy** · 20-07-2009 01:49 PM

الف الف شكراً للاعضاء وفعلاً الاماكن اللى ذكرتوها دى كلها اماكن خطر وموضوع طريق البحر فى الصباح الباكر ده كمان حقيقى وبيعمل كوارث . شكراً للجميع .

**bishoo33** · 20-07-2009 02:39 PM

دوران الشركات بمنطقه المكس
فواصل الكبارى على طريق المحور مابىن القبارى والمكس
التقاطع ما بىن طرىق الترام ومقابر المسيحيين بالشاطبى
دوران فيكتور عما نويل بسموحه

**Rembrandt** · 21-07-2009 11:38 AM

على كدة الواحد ميخرجش بلعربية أحسن وأأمن لية جميع الطرق بلا اثتثناء زى الزفت
وربنا اللى بيسترها

**Maged_Samy** · 22-07-2009 02:41 PM

فعلاً فواصل محور التعمير خطر جداً لان الناس بتهدى فجأه واللى وكمان العربيات بطير وتزل عند الفواصل - اما ميدان الشركات فحدث ولاحرج عن السيارات النقل والاجرة وفن التزنيق والعافية اما ميدان عمانويل بسموحة ده محتاج اعادة تخطيط وتنظيم لانه خطير جداً ومحتاج عمل دورانات بنظام المرور الحر

المشاركة الأصلية كتبت بواسطة bishoo33

دوران الشركات بمنطقه المكس
فواصل الكبارى على طريق المحور مابىن القبارى والمكس
التقاطع ما بىن طرىق الترام ومقابر المسيحيين بالشاطبى
دوران فيكتور عما نويل بسموحه

**KarimAbulEla** · 23-07-2009 12:42 AM

شكرا جزيلا على التنبيه ، انا مش من الاسكندرية لكنى بالتاكيد استفدت من التحذير من المناطق التى تم ذكرها اثناء اجتيازها عند التواجد فى الاسكندرية

تحياتى