فاكرين مشكلتى مع البنزين

**bakroov** · 04-07-2009 01:09 AM

انا كان العيب الرئيسى عندى استهلاك البنزين و الزرانى افتى ان دى رشاشات وغيرتها وربنا يسامحه انما عيب الدوارة والشرارة مكنش عندى عموما اى حاجةماتكلفش اكتر من 200 جم ممكن تسمع فيها الكلام اكثر من كده لازم تسال كويس وفيه ناس كويسة بتغير وتجرب قبل ماتحاسبك وبالتفكير معاك 1- الموبينة 2- الصباب 3 - فيه اخ فاضل عندهرشاشات زيادة وكان سايب موبايله فى المنتدى بشويةبحث ان شاء الله تلاقيه وربنا يوفقك وابقى خلينا معاك ومعلش انا مش قادر افيدك قوى عشان انا خبرتى قليلة انما ربنا بيكن معانا اكثر وبنصادف اللى يحل ان شاء الله .

**akramlail** · 04-07-2009 02:28 AM

فعلا يا استاذ سمير البوجية التالت مهبب بس واحد كان قاللى دة من الرشاشات يعنى كدة العيب بوبينة نتوكل على اللة ونغيرها وموضوع الصباب دة يبقى ملوش لازمة ؟؟

**akramlail** · 04-07-2009 02:30 AM

والله ياجماعة كفاية روحكم الجميلة دى هونت علية كتيير ربنا يجازيكم كل خير

**samirayad** · 04-07-2009 08:24 AM

المشاركة الأصلية كتبت بواسطة akramlail

فعلا يا استاذ سمير البوجية التالت مهبب بس واحد كان قاللى دة من الرشاشات يعنى كدة العيب بوبينة نتوكل على اللة ونغيرها وموضوع الصباب دة يبقى ملوش لازمة ؟؟

طالما شرارة المخرج بتاع البوبينا ده ضعيف ....ولما كشفت على البوجيه الخاص بالمخرج ده لقيته مهبب عن زمايله ......والعربيه بتنتش .....وفيه أثنين قالوا بوبينا .......يبقى العيب بوبينا ........ومفيش حاجه عندك فى الصبابات .....واللى بيقولك صباب عباره عن نصاب ........................ليه..............الل ى حيحللك المكنه ويفك عفش البيت كله (رأس السلندر وجوان الرأس ....وكده حيبهدل الدنيا .......علشان يقبض فلوس كتير ) ......أما اللى قالك بوبينا ......عنده ضمير فعلا .....لأن البوبينا بتتغير فى 5 دقايق وبشلن بكتيره .....وممكن تعملها أنت لو تعرف .....................

....* أيه رأيك فى الحدوته دى بقه ............تروح لبتاع الصباب ولا لبتاع البوبينا .................على فكره أنا عاوز أعرف رأيك فى الكلام ده .......علشان لاتتردد ...................!!!!!!!!!!!!!!!!!!!!!!!!

**akramlail** · 04-07-2009 04:02 PM

شكرا ليك يا بشمهندس انا اقتنعت بكلامك وهغير البوبينة انشاء الله بساللى كان مشككنى ان بتاع الصباب دة قاللى اصل البوبينة دى لما تبوظ تخللى العربية تفصل متتحركش او تقطع فى كلة مش السلانسية بس ! سؤال اخير ومعلش تعبتك معايا اجيبها اصلى ولا كلة زى بعضة؟وهل ريحة البنزين والدوارة اللى بتتاخر هتتحل ولا دى فعلا رشاشات انا كنت جبت منظف بس مفيش فايدة حبة تدور من اول مرة وحبة تطول واعزرنى بتقل على حضرتك

**samirayad** · 04-07-2009 04:46 PM

شكرا ليك يا بشمهندس انا اقتنعت بكلامك وهغير البوبينة انشاء الله بساللى كان مشككنى ان بتاع الصباب دة قاللى اصل البوبينة دى لما تبوظ تخللى العربية تفصل متتحركش

ولا عنده فكره عن البطيخ ..........لأنه فاكر أن البوبينا عندنا زى الأنواع التانيه .....البوبينا بتاعتنا ليها وضع تانى ( بتعتبر بوبينا ومشط ألكترونى مع بعض ) وبتروح شراره لغرفتين فى نفس الوقت ....ومعندناش نظام توزيع للشراره .....أتنين شراره فى نفس الوقت لكل لغرفتين ( 1و4 ............أو 2و3 ) ونظامنا أسمه نظام لاتوزيعى للشراره .............

سؤال اخير ومعلش تعبتك معايا اجيبها اصلى ولا كلة زى بعضة؟

هات الأصلى ( الغالى تمنه فيه ) أخونا محمود لسه شاريها من أسبوع تقريبا ب450ج .........معلش هى غاليه شويه

وهل ريحة البنزين والدوارة اللى بتتاخر هتتحل ولا دى فعلا رشاشات انا كنت جبت منظف بس مفيش فايدة حبة تدور من اول مرة وحبة تطول واعزرنى بتقل على حضرتك

ياعنى ....أنا شايف أن طالما اللى باين قدامنا كده زى الشمس .....كله بيقول البوبينا ......يبقى سيب موضوع الرشاشات على جنب ( طالما متأكد من أن فيه شراره من الأربعه ضعيفه من ناحية البوبينا ).....مش من عند كابل البوجيه .........ولو الوضع كده ..........كل مشاكلك حتنتهى بأذن الله

**samirayad** · 04-07-2009 05:03 PM

حقولك على حاجه ....يا أستاذ : أكرم علشان تبقى مرتاح نفسيا ( شوف واحد صاحبك عنده لانوس ) وخد البوبينا بتاعته وجربها قبل الشراء ...........ده حيكون أفضل برضه ......علشان تبقى عارف أنت رايح فين بالضبط ( على فكره تغيرها مش حياخد معاكم 5 دقايق عند أى ميكانيكى ....ومعاكم العربيتين وأنتوا عنده )